مجرهد

بداية .. شاعر

[مجرهد @3llh8]

أنا في رجى اللي رد يوسف على يعقوب
يردّك ولو ريحة قميصك تكفيني ..

[مجرهد @3llh8]

عاتبني عتاب غالي لا حصل زله ..
وقبل المعاتب ضروري تعرف احوالي ..

ظلم انك تقول ناسيني و انا والله ..
مافيه لحظة تمر و ما انت في بالي ..

[مجرهد @3llh8]

مابطى السيل الا من كبرة

[مجرهد @3llh8]

تكاثر علي الله يجازيه كيف الحال
وانا يوم اسوق العمر له ماتكاثرته

[مجرهد @3llh8]

.. تعبر عن اشياء واجد

[مجرهد @3llh8]

ماعشقت الصمت .. و .. اعلنت حربي للكلام
( غير بحفظ قدر وجهي و دقني و شنبي )

[مجرهد @3llh8]

ما اقتنعت ان العمر عجّل .. وهج ركابه
لين عشت الواقع بروحي و شافت عيني

مادريت اني خلصت من الهوى و اصحابه
لين صار الليل يجمعهم .. ( ولا يدعيني )

[مجرهد @3llh8]

نخطي و يخطى علينا و الخطا حاصل
و ان ما عذرنا بعضنا ما تصافينا

دام الخطا ياصل اكيد العذر ياصل
وش عذرنا عند ربي لو تجافينا

[مجرهد @3llh8]

عفى الله عن حبيبي لو حبيبي ماهو بـ وياي
كثر ما اعاند الشوق بغيابه و ارجع اطيعه

عليه من السرور اللي ماهو في جهي البكاي
وعليه من السلام اللي ماهو في ليل توديعه

[مجرهد @3llh8]

ياقو قلب الرفيق الي مخليني
ماهوب معذور لو يشرح لي ظروفه

اشره على الطيّب إليا غاب عن عيني
ولا الردي ودي اسمع به ولا اشوفه .

⁃ محمد السكران

[مجرهد @3llh8]

الحب ماهو حرام بنص قرأني
محّرمً بالهجر و الوصل تحليله

و انا ميتم و فاقد نصفي الثاني
مشفنّ لزوله و مشتاق لمداهيله

[مجرهد @3llh8]

اليوم كل شيء حححللو فيه الجو غيم و السماء تمطر لاكن فيه شيء يخلي اليوم كامل مو حلو .. ( صوته )

[مجرهد @3llh8]

حبيبي وكّل الله لاتعرضني شمات الناس
وانا الساعي معك يوم البشر خابت مساعيها

تبعتك بالمحبه لين جات الفاس فوق الراس
ونامت فيك احاسيس الهوى وازريت اصحّيها

مادامك لاتحس ولاتثمّن صادق الاحساس
لاعاد تلومني لااقفيت والحسرة مخفّيها

[مجرهد @3llh8]

لا تحسب الساكت اللي مايسولف سالي
ساكت ٍ من كثر تفكيره و قلّت وجده

خاطره من ضيقة الايام ماهو خالي
الصبر ماعاد فاد و لا لقى له نجده

مونس ٍ فرقاء حبيب و فاقد ٍ له غالي
و الطواري كل يوم تصبّحه و تهجده

جعل ماافاات يتعوّض فـ الزمان التالي
وباقي احلامه تحقق كلها في سجده

__جراح

[مجرهد @3llh8]

انا ودي اني من بعض صحتي محروم
ولا انه يضيق صدرك و ينشغل بالك

ودي انك توزع من همومك علي هموم
ماودي تشيل همومك الواجد لحالك

[مجرهد @3llh8]

تنشّد و الى قالو لك اني من الحيين
تراني على هقواتك الي هقيت ابها

ترا محزمك في ( مامضى ) محزمك ( ذالحّين )
ولا ( خير ) في قومً تغير مذاهبببببهاا

و إلى صرت طيييبب و متعافي و وضعك زين
عسسى السيل يسقي الديرة الي ربيت ابها ..🤍

[مجرهد @3llh8]

اطوف لك اشياء لو بعضها ماهوب بيطوف !
ولاهوب قول فلان سمع اذني و شوفي

يقودك على درب الجفاء مثل خيط الصوف
ما قدرت حبي لك و طيبي و معروفي

تعذّر بضرفك ؟ كل شخصً عليه ضروف
يمكني ابخص في ضروفك من ضروفي

على راحتك .. و اختار دربك .. وش انت تشوف؟
الله يقطع الي لا عطى العهد مايوفي ..👍🏻

[مجرهد @3llh8]

ينتابني شي مايعلم به الا الله
يجعلني اصد و جهي واجلس لحالي

من ضيقة الصدر اخاف تخونني زله
وتجرح لها واحدٍ في خاطري غالي

عرش الهوى اللي تولّى فيه واحتله
لا طاح منه وش اللي عاد يبقى لي؟

بتعّم في صدري الفوضى و تحتلّه
واعيش في حزني وفي خيبت امالي .

[مجرهد @3llh8]

صحيح بعض السوالف مالها داعي
ياليت مـن قال له كلمه يثمنهـا

تدري وش اسباب ضيقي واغلب اوجاعي
وجيه ماتستحي وانا استحي منها

[مجرهد @3llh8]

اشهدنه صدق 👍🏻