//

نسّاي .. وأشباهه قليل

[// @3lliu9]

﴿ رَبِّي اغْفِرْ لِي وَلِوَالِدَيَّ ﴾

[// @3lliu9]

أنت ياحلو الملامح .. وياحلو الصفات
جل شان اللي من الزين معطيك رهوه

كل يوم ، تحط دوبك ودوب الذكريات
لين ماياخذ بي الوجد والشوق .. نهوه

يا محاصرني بـ ذكرك من الأربع جهات
ما تركت لـ ساحة البال .. سجه و لهوه

ارتبط وجهك ، مع الورد و الما والنبات
وارتبط طاريك !.. مع كل ، فنجال قهوه

[// @3lliu9]

لو إن ماني بـ أَحنّ الناس لكنّي أحِن الناس
وأخاف الله لا أبدل خاطرٍ راضي بـ موجوعي
- نوف العثمان

[// @3lliu9]

ما بقى لي غيرك بدنياي ياكل السعاده
بس انا لا راح كل اللي بقى لي وش بقى لي ؟

قال : طمني عن الجرح القديم و قلت ، عاده
قال : علمني عن القلب الكبير و قلت ، بالي

مادريت ان جرحي بيبطي يدوّر عن ضماده
لين رحت و صار قلبي من هوى الخلّان / خالي

-بدر بن ذنبوح

[// @3lliu9]

ما عمره حسّني بالكلمة إللي حدها جراح
يعرف إن كل كلمة من لسانه، تاصل أعماقي

- عويد النجود

[// @3lliu9]

اندفاعي بالمشاعر كان للاوجاع سبه
ليتتي قبل اتواجه معَك ما كنت اندفاعي

والله اني من عرفتك ما عرف سر المحبة
بس اعرف اني بحبّك لين ما اوسّد ذراعي

-خالد بن طفلان

[// @3lliu9]

تسولف لي وأنا منك أتسقى سلوتي لاهنت
عليك الله تطوّل فالحكي لا تقول ما أمداني

تمهل بالسوالف شوفني عقب صوتك زنت
تجمل وأردف الموضوع الأول .. واحدٍ ثاني

وش أزين من حديثك مَابه أزين منه إلا أنت
تجمعتوا على قلبٍ خلي .. وصار ملياني

[// @3lliu9]

شعوري يوم اقصّر خطوتي و اطوّل المقعاد
شعور اللي طرق باب البخيل و ضاعت حقوقه
- بدر بن ذنبوح

[// @3lliu9]

لا جاك مني يا هوى البال عهود
باذن الله اني قدّها واحتميها

حبل الموده فـ المعاليق مشدود
لو كان بعض ظروفنا لك عليها

كل شيّ ينقص عندي وحبك يزود
وساعه وصالك كل يوم احتريها

يحن لك قلبي كما حنّت رعود
على سماء ديره انا و انت فيها

[// @3lliu9]

«عسى الله يجنبني دروبٍ تخلف ظنوني»

[الهاجري @p_91xi]

ادري انه يسمع الشعر وتجيه العلوم
ويدري انه من نصيبه قراه او ماقراه

لاتغربلني وانا من وسيعين الكموم
ولاتخلي وقتي الشين يرفع لي عصاه

كان عينك ترقد الليل؟ عيني ماتنوم
لين يذن مذن الفجر وتقام الصلاه

كل يوم اقول ترجع وتغريك الرسوم
وانت مدري دون ضني معك ولا وراه

[// @3lliu9]

غرامك و جور الوقت، والبعد والتفكير
في دنيا العنا كيف أتحاشا مخالبها ؟
- محمد بن فطيس

[// @3lliu9]

«أنا تعبت من الوصل والبعد والناس أجمعين
وقلوب تبغيني .. وأنا، ما عاد أبيها كلها»

- صالح بن حمد

[// @3lliu9]

«يصبرني على بعض الشعور أنك لازلت بخير
أنا أحوالي ليَا منك غديت بخير، مستوره»

- صالح بن حمد

[// @3lliu9]

عسى الله يجعله صباحٍ يشرق
في مدى كل فؤاد
جارت عليه العتمة وطالت

[// @3lliu9]

انا وياه مثل اللي يحاتي واحدٍ يغليه
يشوف ان المفارق صعب لكن شايلٍ همّه

يقول الموت لامن صار دوني تقدر أنك تجيه؟
وأقول الموت وينه ياحبيبي واتجه يمّه

[ٍ @woor0i]

صديت عن بعض المخاليق بالعمد
لا هو كبر مني ولا هي حماقه

لكن بعض الناس يالله لك الحمد
مافيها امل معهم تدوم العلاقه

[// @3lliu9]

«ما فكّ ريق الصباح إلّا — هوا حدرى
ولا فكّ ريق الطواري غـير طاريك »
- عبدالله آل لزيوح

[// @3lliu9]

« من خطاياك صرت أشكي على متابعيني
وصارت الساحة الشعريّة المستفيده »

[// @3lliu9]

مادام الاحباب لـ بيوت الغلا تبني
لك فـ الحشى بيت من يقدر على هدمه

ماكل احبك من اي انسان ! تعجبني
مشاعري عند بعض الناس منعدمه

من يوم .. حبيتك الله لا يعاقبني
حطيت كل الحبايب " خارج الخدمه "

-ناصر بن مفلح

[// @3lliu9]

لا شعرت إن المواصل يذل النفس
كابر حتى لو إنك من الشوق ميت