'

الحزن ماربي خلَقه يعيش فـ وجيه الظبا

[' @3na__2]

ما زلنا بين وجد و بين ودّ و طول غيبه .

[' @3na__2]

صار إختياري لـ بعدك في حياتي مَتاع
وفارقتك بطيب نفس ، وطيب قلب، ونقا

وكثر ماوقّفت للفرقا وقوف الشجاع
قدرت أوّقف .. ولكن الظروف مْحَقا !

معودٍ قلبي ، انه مايخاف .. الوداع
من وين جبت الوداع اللي بثوب اللقا

[' @3na__2]

ودّي أبعد عن شِعوري وأتوارى
لين أعوّد وفي يدي قلبٍ حديدي .

[' @3na__2]

-الحمد لك و الثناء الليّ في جلالك يليق
يَـا الله عفُوك و مغفرتك وماحولها .

[' @3na__2]

أنا اذل من الصداقه وذلي مايبين
جعلني ما اجبر على ذلةٍ متبينه

بعضٍ من الأصحاب ودك تعرفه مرتين
وبعضٍ من الأصحاب ودك ما عاد تعيّنه

- سلطان بن عباس

[' @3na__2]

#سعيد_الدحابيب

[' @3na__2]

كان شفت القل مني والرّدى في صفي
ياخي أنت وشرهتك تآمر علي وتنهى

وأن هقيت تحط من عزمي وتقرع دفي
وفر جهودك وكلمتك الخفيفة صنها

ما ندمت الا على ظني وكرمة كفي
والمدايح يوم اروجها وانا ضامنها

ودي أرزك على وجه الثرى متوفي
بس مارزك على الهقوة وتقصر منها :)

[' @3na__2]

السنين تدور والخطوة حثيثه
والعقول أنواع لكن وين نوعي؟

ضعت مابين النظيفه والخبيثه
جعل نفسي ماتحرّف دون طوعي

كم لي ألحّق ورى الجمرة: وريثه
ودي أخذ سجتي وأنسى رجوعي

كيف أواكب: طقة الناس الحديثه
وأغلب الوقت الحديث يزيد روعي

لا ضحك سن الغثيث من الغثيثه
تندبل كبدي وتطلع من ضلوعي

[' @3na__2]

عاقده أحلامي على دعوة سجودي
في رجاء ربٍ لعبده ما تنكَّر

[' @3na__2]

ما دام مابه لقى الى اللقاء يا رفاق
والله يبدل تعب قلب لقا ما لقا

ان كان عذرك ظروفٍ واهيه ما تطاق
انا امحق من الظروف اللي تقول محقا

وانا اكبر من التّهكم في الامور الدقاق
وانت اصغر انك تحقق هقوة اللي هقا

وانا اصدق من اللقا الصادق بليّا فراق
وانت اكذب من الفراق اللي بليا لقا .

[' @3na__2]

ماهوب شرط العزله اسباب القلق والانفصام
اكثر مشاكلنا من اللي شوفهم بذ الخفا

الناس شفهم يربطون الحزن مع نوح الحمام
ويرددوُنه في قصايدهم ليا طال الجفا

[' @3na__2]

والله اني ما ألتفت في ضيق بالي
لا ذكرت انك على وجه البسيطه :(

[' @3na__2]

يابو ضحكةٍ ماهيب تنسى ولا تنعاد
لا تجرح مواليف الغرام ومواليفك

لو الله عطاني عقبك المال والاولاد
انا زينة الدنيا بعيني سواليفك

[' @3na__2]

تخافون من ذكر الحبايب و أنا ما أخاف
لو إني دريت إن فيه ناسٍ تراقبنا

خليلي خليلي لو عيونه ما عاد تشاف
مريّحني إنه يوم قفّى . . تحاسبنا

أحبّه ليا وقّف من الوجد في مشراف
( وجوده وجودي ) ما خلق وجد ناسبنا

معاه الحياه برغم الأوجاع ما تنعاف
لو إنها خلت من لذّة المال و الأبنا .

[' @3na__2]

أتحمل وطأة الحزن وأعيش السرور
والكلام اللي رتق والكلام اللي جرح

بس مانيب أتحمل ضبابية شعور
الشعور السادة اللي لا حزن ولا فرح

[' @3na__2]

أظني سمحت من المواعيد والأعذار
مع إني ماهوب أدناة حاجة تسمحّني

[' @3na__2]

يا طارشي ود السلام و رده 🙇🏻‍♀️

[' @3na__2]

من فايض الوحشة ومن عسر المرام ّ
يارب أنا مالي سوى وجهك ولي

افسح لي من الأرض وأهلها مقام
تسوقني رجلي على حدّ جهلي

في وجهك إن وقفت قِل وانعدام
لا تفرح أعدائي ، ولا تزعل هلي

علمني أثبت .. كلما عز الكلام
ولا أحب اللي ما هو مكتوب لي .

[' @3na__2]

تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله !.. نزاهة ضمير ورأي
يغيب الغياب ، اللي يخلّيه !.. متواجد

لاتشره عليّ يوم أبتسم في وجيه عداي
محبّيني !.. أكثر من معاديني ، بـ واجد "

[' @3na__2]

غريتك بكلمة تراك المبدا
وتغيرت اشياء ماهي بتخفاك
ㅤ
قلبي واعرفه لا تحدى تحدى
لا تامنه لو كان كل يوم وياك
ㅤ
حتى لو ان ظرفك قوي لا اتردى
لن الردى يبقى وظرفك بينساك
ㅤ
عذرك حديد وحاشه الما وصدى
واخاف لا يمشي الصدى لين يملاك
ㅤ
ماني براضي بس مبسوط جدا
دامك تعوّد كل ماجيت بجفاك :)

[' @3na__2]

غنى النفس بشتٍ مايعلق على معلاق
يشيخك لو تمشي على الارض كعابي