عزيز ؟

[عزيز ؟ @3oni0]

أذكرك و أذكر تفاصيل الوله و الحنين
حتى لوّ ان الليال بـ غيبتك ناكره

وشلون أبنساك يا عشقٍ بقلبي دفين
وانت المشاعر معك ممتنة و شاكره

صحيح انا الساهي النسّاي في كل حين
" الا معاك انت ما خانتني الذاكره "

[عزيز ؟ @3oni0]

تحسب ان الليل هذا ليل هادي ؟
والله ان ماهو بهادي ، لا يغرك

قبل ساعة ؛ كان راح يمر عادي
لين هب النود ، من غربي ومرك

جاب لي من ضفتك ؛ عمبر وكادي
منه غصن الشوق، في قلبي تحرك

وابتدا يعزف على ريشة عبادي
ياوليف الروح حالي مايسرك

[عزيز ؟ @3oni0]

خذاك الزمان اللي تركني وطن محتل
ولا عاد باقي شي .. يستجمع حطامي

ويبدو لي ان تبع المقفي .. هوان وذل
عساني ما اضحي في مقام اسمي السامي

قدر كل طيب لو يعيش الحياه بـ قل
يحامي عن اسمه ما يدور له محامي

انا وامنياتي ما خلقنا نعيش بـ ضل
خلقنا عشان نكون فـ الصف الآمامي

[عزيز ؟ @3oni0]

هذا البال مدهل و الطواري عليه ضيوف
ضيوفٍ ثقيلة دم ماهي بـ عاتقته

ما تثر عليها نغزة الحكي فـ المكشوف
لو أصد عنها جات لـ الباب و أطرقته

تمادت و عدت حاجز المستحى و الخوف
و تخاوت مع قلبٍ على الحزن سايقته

ما هي هاديه يا لين تمكن صميم الجوف
طواري هدفها جرحي اللي ملاحقته

جروح الغلا تمكن ما هي ناقصه ملقوف
على اللي شكى حظه و الأيام ممحقته

ما دام التسلي صار خارج عن المألوف
رحل و آخر أحلامه هي اللي موهقته

نصايحك وفرها يا راعي الحكي المصفوف
أنا إنسان و همومه عن الحكي خانقته

لقى الصمت حاله حال فزعتك و المعروف
لا صار الكلام يقال ، في وقت مو وقته .

[عزيز ؟ @3oni0]

جيت ياغايب وانا عندي يقين
من يغيب بلا سبب ينقص غلا

ياحبيبي ليت لك عذرً سمين
وادفع الفرقا مثل دفع البلا

عذرك الواهي غلافة كلمتين
وقابل الاعذار من صدري جلا

شف مقامك كيف كان وصار وين
ما شفع لك جمال ولا حلا

الكرامه عند مثلي فرض عين
يا وصال فيه قيمه او فلا ..

[عزيز ؟ @3oni0]

الليل حالك والمساري موحشة والدرب خوف
والذكريات أشياء يستعصي عليّ إتلافها

أثر الأماني وارفات ظْلال دانية القطوف
والأمنيات أكثر ما يخشى الحالمين ! إسرافها

على رصيف الصبر ملّ المنتظر طول الوقوف
وين الحياة اللي تخيّلت ولمحت أوصافها ؟

[عزيز ؟ @3oni0]

بعد ما اسدل ظلام الليل نور الشمس ذاب وغاب
تذوق العين حر الدمع في مطلع محاجرها

سكون الليل يلهمني واعيش بحالة استغراب
ولا ادري كيف احررها ولا ادري كيف ابررها

اهيم وعقلي المرهق بليا وعي واستيعاب
بعد ما قفت عيونك عن عيونٍ تسامرها

بقايا الشوق واللهفه وذاك المبسم الجذاب
ليا حل المساء حلت علي بكامل صورها

حبيبي تنساني كذا حتى بدون اسباب
ذكرت اللي مضى وشلون تنساني وتذكرها

بقى لي منك حاجه مبهمه في خافقي المرتاب
ليا من تاهت افكاري طيوفك جت تحضرها

اشوفك كالحضاره راسخه في معرض الكتاب
كتبها الوقت رغم انه تلف معظم مناظرها

فقدتك والفقد موجع وصرنا بالحياه اغراب
بعد ما كنت لي كل الحياه اللي اناظرها .

[عزيز ؟ @3oni0]

@H_Alotb2 فعلاً ههههههههههه

[عزيز ؟ @3oni0]

عليك السلام اللي يليق بمحانيك
و بحضرتك غصنه من الطيب وارق

مدري على وشو حقيقة .. اهنّيك
كل شي بك متميز .. و حيل فارق

هاتي من احساسك و طربة اغانيك
لحن(ن) يخلي مبسم الصبح شارق

والله يحقق لك و تضحك امانيك
ضحكة تخلي مدمع الجفن غارق !

[عزيز ؟ @3oni0]

وصل الكلام آخر حدود الميانه
واللي تعثر قام واللي قسى حنّ

مافيه أحد يستاهل إنك عشانه
تعيش راجي فضل وتموت ممتن

تقدر ترجّع كل شي ب مكانه
بس المسير لوين و الخطوة لمن

لا خانك اللي كنت خوفه و امانه
بيخونك التعبير و يخونك الظن

[عزيز ؟ @3oni0]

على الهون .. يازهرة شبابي وتو الناس
علام العمر يمضي ، والافراح منسرقه

تلّج الطواري .. كل ماذعذع النسناس
على واحدٍ بين العرب .. واضحٍ فرقه

شعور المسافة بين حبل الرجا والياس
شعور المسافر ، كل ما طالت الطرقه .

[عزيز ؟ @3oni0]

وان غابت الشمس قبل اصوات سرب الطيور
انذوب الليل في " كاس الحياة " المرير

والله ما خفنا الليالي .. والليالي دبور
خفنا من دموع غالي وابتسامة حقير ) !

مهما تمر الظروف اسمح لها بـ المرور
مافيه شر يجيك الا تقفاه خيييييييييير .

[عزيز ؟ @3oni0]

تقسى الطبوع اللي من أول ليّنه
وش عاد يبقى لابدت تقسى الطبوع

وجه الوصال اللي تعبت أزينه
أصعب علي أحيان من كسر الضلوع

خلّ الكلام مغلّظه وحنينه
راح الكلام ولا بعد جات الدموع

الخوف من ليلة وداعٍ هينه
عقب الوداع الهينّ نعاف الرجوع

[عزيز ؟ @3oni0]

عط الوجع فرصه يطيب و عط الذات
فرصه تعدّيك العتب و الملامه

يمكن يجي و يعيفك كل الأصوات
صوتٍ يخاف إنه يكمل .. كلامه

رقيق ، لا رتل عليك العبارات
لبّس تجاعيد السنين ، إبتسامه

حتى جروحه يوم يجرح سهالات
من الجروح اللي ما تترك علامه .

[عزيز ؟ @3oni0]

نسامر نجوم الليل وضوء القمر ماغاب
والأحلام ما ضاعت والامال موجوده
ُ
وتمضي الليالي والعمر والحياة أسباب
وكلن يجازى في العمل حسب مجهوده
ُ
كبار الهقاوي باقيه في قلوب احباب
مادام الموده بين الاحباب موجوده

[عزيز ؟ @3oni0]

على نور الصباح وهب ذعذاعه و صوت الطير
ثلاث اشياء كفليه تنعش اشواقي و تحييها

صباح الطيب والا الفل والا الحب والا الخير
تخيّر في الصباحات الجميله وانت راعيها

[عزيز ؟ @3oni0]

على باب الحياة.. أمد صوتي يا خلي البال
عسى ما تسرقك من روض صدري كلمة الجاهل

أشوفك فالنسيم، وفالشجر، والغيم، والأطلال
مع إنك غبت لا زال المكان فـ حضرتك آهل

قديم الود.. وأيام الصبا والحل والترحال
أعرفك مثل نظرات الوله في عين متجاهل..

تمهل لا تغافلك الليَالي، والسنين طوال
أنا للحين أغني في عيونك.. وأنت تستاهل!

[عزيز ؟ @3oni0]

البر شوفه ينسيك التعب و الهموم
والعالم اللي مقابلهم يجيب المرض .

[عزيز ؟ @3oni0]

يا صاحبي والوقت عجله ثوانيه
حرام اعيشه بين ليت و لعلّه

العذر ما ينفع سوا قلب راعيه
لا تعتذر لي من بعد كلّ زلّه

ماني رفيقٍ لـ العتب والمشاريه
معذور من قبل إعتذارك تسلّه

العمر واحد ليه اضيّع مساريه
بمخاصمة خلقٍ يحاسبهم الله

كلّ الطويل مْن السواليف ما آبيه
بعض التفاصيل المُملّه ، مُملّه

لو عين كل شخصٍ تبيّن خوافيه
ما كان دوّرنا الحجج والأدلّه

يا خافقي واللي رحل لا تناديه
اللي يجافي درب لقياك خلّه

[عزيز ؟ @3oni0]

لو أنك غيمةٍ يجذب مطرها صادق التهليل
شربتك .. لين تبتل العروق و يزهر فؤادي