فهد

سبحان الله بحمده، سبحان الله العظيم

[فهد @3rekka]

ربك لاحبك مع الناس دبرك ..

[عفاس بن حرباش @3faas]

ياطول ليل الحوثي اليوم طولاه
بالعسكرية خل عنك السياسه

اللي دعمه بمال بنقص يمناه
واللي دعمه براي بنقص راسه !

[فهد @3rekka]

الحاجه اللي تبرطم بالحجاج الضحوك
يقلط لها شايبٍ عند الملاقى صبي

[فهد @3rekka]

@lbdr54707 شدخلك

[فهد @3rekka]

محدن علينا بالعطايا تجمل
والتمره اللي جاتنا من نخلنا

[فهد @3rekka]

قال لي لو جتك فرصه تفتّش بالقلوب
قلت له لو جاتني صدق ما فتّشتها

دامني لا جيت غالي مقدّر ومحسوب
قيمتي خلف الكواليس ما نبّشتها

[فهد @3rekka]

شابت شواربنا وشابت لحانا
وبار الصديق اللي عرف سر مخباي

يقول عانوا خالي الجيب جانا
مايدري ان الجيب تخليه يمناي

[فهد @3rekka]

ماني اخيرهم لكن هذا اتجاهي
كل اخو شما حسبني من خوانه

سمعتي من فضل اخلاقي تضاهي
سمعة سهيل اليماني ولمعانه

[فهد @3rekka]

أحدٍ ورى ركضه يدوّر نجاته
وأحدٍ يدوّر من ورى الركض عيشه

[فهد @3rekka]

يوم إن كلٍ من خويه تبرّا
حطيت الأجرب لي خويٍ مباري

نِعم الرفيق ليا سطا ثم جرّا
يودع مناعير النشامى حباري

[فهد @3rekka]

@ALSANAD_MESHARI تقدسون اثارة الجدل

[فهد @3rekka]

هواجر ٍ يدري بنا كل منحوس
لاضده اقوى منه ضد ونحاسه

ونتبع هوى القطعان والضد مكلوس
وما زان من قفر ٍ رعينا مساسه

وحنا لها بالخوف جيران وحروس
جوس ٍولا نبغي من احد ٍحراسه

ولا ثار عكنانٍ تقابس به الطوس
وكل ٍلبس للضرب درع ٍوطاسه

الله كسانا راية العز ملبوس
سبحان من فصل علينا لباسه

[فهد @3rekka]

@Stzchuw @MustsharA3 وش ردود المراهقات هذي ، والله لا تعرف تسولف ولا ترد الله يعين اللي حولك عليك

[فهد @3rekka]

@Stzchuw @MustsharA3 الخلا

[فهد @3rekka]

@MustsharA3 ياحبيبي شدخلك فيهم احد مشتكي لك انت

[فهد @3rekka]

@AtowRL What a save!

[فهد @3rekka]

الحُر ماينفع بليا مخاليب
والعقل للرجال زينة وهيبه

رجلٍ يودي بالسواليف ويجيب
ورجلٍ سواليفه لفعله تجيبه

رجلٍ يبي طاريه عند الاشانيب
ورجلٍ يبي طاريه عند الحبيبه

[فهد @3rekka]

مايصيد الجوازي كود بخصٍ وضاري
القنص بالركاده والتسرع جهاله

[فهد @3rekka]

في غيبتك ماغاب ذكرك و طرياك
وكل الليالي بعد صدك مخيفه

و زودٍ على جرحك وبعدك وفرقاك
عاطل و ادور في غيابك وظيفه

[فهد @3rekka]

يارب سهّل لي صلاة الجماعه
ومكّني مْن اوّل صفوف المصلّين

الفرض .. ما ياخذ ولا رُبْع ساعه
وحنّا نجي عجلين ونروح عجلين

[فهد @3rekka]

وقتي يمنّيني وأنا ما أحبّ كثر الأمنيات
في الغالب إنّ الشيّ مهما زان لو يكثر يشين

حتى ليا جت للمفاتن في وجيه الفاتنات
أفضّل الغمّازة الوحدة على الغمّازتين