@

[@ @3s_300]

أنا من دافع العشره وكنا ذات يوم أحباب
بطرّف بابي إن ضاقت على قلبك تواليها

[@ @3s_300]

مساحة الليــل …… ما كانت تكفّينا
كنّا نسولف ثواني و الفجر يطلع

و الحين عقب المفارق صار يمدينا
نشبع هواجيس من وحده الين اربع

[@ @3s_300]

مرات أقول الخطا مني وأنا السبه
ومرات أقول السبب قسوة مقاديري
َ
ويا عيني اللي تهل الدمع وتصبه
على فراقٍ سرق فرحة تباشيري
َ
تقول : سامح زمانك والحزن خبه
وأقول : منهو يعوضني مخاسيري؟
َ
وشلون أسامح زماني واللي أحبه
خذاه غيري وأنا أولى فيه من غيري

[كيف @kiiiif_]

تدهل الضيقه خوافي صدور الصامتين
و يخلا منها ضميرٍ الى ضاق ، ، اشتكا

[@ @3s_300]

منابت الحب في صدري كلاها العجاج
سلّم على الغالي اللي كل روض سهجه

بعض العلاقات يحكمها القدر والمزاج
مهما تحاول تعدلها يجيها عوجه

واللي ما قد ذاق لذتها وقلبه زجاج
لا عاد يشره على قلبه ولا يزعجه

في سلمها لو على راسه من الحب تاج
لا بد تاتيه لا طال الطريق عرجه

[@ @3s_300]

محتاج أعرف أخبارك اللّيلة والى قدني غريب
غريب وأقرَب لك وأحبّ مِن مَن دخلت وصايته

تعال وطمّن لك غريبٍ يحسب أنّ عاده حبيب
و عـَطه علـومـَك كلّها لـو أنّ بعضها بـايـته .

[@ @3s_300]

لو إني في عيون اللي يعدّون الصحيح أدمنت
أنا لك و أدفع شعوري على واديك و أهيمه

تِمر الناس مثل اللي يمرون النظر بس أنت
تِمر و تاخذ دموع أوّل العمر و خواتيمه

[ديم الفايز @Deem7alf]

العين عن زلة الغالين معميها
اغمّض العين متذاكي ومتغابي

[وَدان @__1989l]

…

علمني الصدق ، حط لريبتي رادع
حتى ظنون الحزين توافق شعوره

لسانك يرّحب ، ونظراتك توادع
اصدق الصوت والا اصدق الصوره.

[@ @3s_300]

ناظريني واعقدي لي طرفش المتسامح
انا ما احب الحياه بلا وجودش فيها

وان نشدتي ويش مضمون الزمان الرايح
قلت حطيتش حياه اعيشها و ابغيها

والطيوف اللي تجيبش لي غلاها راجح
والله ما اغلا من الطيوف الا غلا راعيها

[@ @3s_300]

الخطا سهل انتجاوزه وتكراره معيب
و الصراحه طعمها مر …. لكنها ذرا

[وَ @llljdl]

كل جرحٍ غير جرحك يطيّب بلا طبيب
و أنت جرحك لو بروه الأطباء ما برى .

[H @husegzl]

يارب .. الايام ماتمشي على طوعي
وانا ادري انك كريم ، وعبدك تحبّه

صوت الليالي وهي تأكل ضلوعي ؟
يشبه لصوت الحطب والنار مشتبّه

[@ @3s_300]

تنتهي كل النقاشات يالفكر العقيم
بـ إبتسامة عفو ما هي نفاق و ريا

والله إن القلب باقي على العهد القديم
من وفاه .. يحسب ان المخاليق أوفياء

قد خذيت من الليالي جروح في الصميم
كثر ما اخذت من يديني حبايب واخويا

أتغافل بعض الأحيان عن هرج الغشيم
واستحي .. لو أكثر الناس ما فيها حياء

[@ @3s_300]

مافيه راحه .. لـ عين مدوّر الراحه
نص الفضول إقتحم سور الخصوصيّه

حلمً تلاشى وقفلً ضاع مفتاحه
و جديّة الحزن .. ما تحتاج جديّه

أستامن العين واثر العين فضّاحه
طرالها شي محدٍ جاب .. طاريّه

مدري تعاظم كبر جرحه وجراحه
ولّا البطل دايم جروحه بطوليّه

[@ @3s_300]

راسي من الفكر لا يهدا ولا يستريح
تقول كن فيه من كثر الهموم سعره

اعالج الوضع مثل اللي يعالج جريح
ان طاب ولا يزول من الجريح اخطره

ودي اني اسج لو ضاق المكان الفسيح
ولا استمع للهروج اللي بدون ثمرة

من قيدته الظروف و حدته للمطيح
الله لا يجعل عيون العرب تسبره

[@ @3s_300]

مادريت إن الهوى ناوي بنا يجمعنا
لين قام الحظ ينهينا قبل لا نبدي

البدايات الجميله .. ما تطوّل معنا
والنهايات المريره عاادها في كبدي

[☪︎ @k_5a2]

- فيه مثَّل قديم يقول/
من فرط بالجواهر النادره يقضي العمر يجمع بالحصى

« بمعنى »
- لن تعرف فعلاً قيمة الشخص حتى تعاشر إنسان غيره.

[ًً @rk7h_]

كم جميلٍ يسجلي وهو من حسابه
جعلني ما عدم هوماته المستحيله

يوم حتى كبير القوم رزقه هبابه
مجلسه دارجٍ عوده وبنه وهيله .

العود❣️.

[وَدان @__1989l]

الوقت خلاني على وضع السكوت
ناوي على نيه ولا ادري وش نوى

والفرصه الي كنت ابيها ماتفوت
اقفى عليها الليل يوم انه ضوى

باقي معي ضحكه لكن بدون صوت
حاول يشوها الزمان ولا قوى

والي سمع يونس في بطن حوت
ماهو بناسيني وانا اشم الهوى .