هّدلان

حسن الظن ، أناقة فكر

[هّدلان @3sssr_]

من اول احب الظهور لـ معظم اسباب الظهور
واليوم حتى معظم أسباب الظهور الغيتها

ماهوبّ من باب الثقه عندي ولا باب الغرور
حبيت اعلمكم ب امورٍ فالضمير اخفيتها

انا استفدت من الكلام اللي يخبى فالصدور
خلاني اكره ناس واجد مثل ماحبيتها . .

[هّدلان @3sssr_]

أنتِ حضورك يخطّف قلوب كالعادة
دقّت قلوب الناس دقّت خـلاخيلك

لا تنظر عيونك لي بنظرةٍ ساده
والله ما يجرحني الا مظاليلك

لك انتمى قلبٍ تغرّب عن بلاده
لعيونك النجلا ولأجمل تفاصيلك .

[هّدلان @3sssr_]

احارب، واخسر حروبي مدام اني بحربي فرد
وانا ادري غير اموت بيوم ماني ماخذٍ ثاري !

[هّدلان @3sssr_]

انا في داخلي ( فوضى ) كثيره تستحق السرد
ولكن .. ما لقيت الي ينشدني عن اخباري

بقى آخر عود كبريتٍ، وانا يدي ذبحها البرد
واخاف العود لا يطفي قبل ماتشتعل ناري !

سقيت بـ كل ما فيني ومع هذا؟ يموت الورد
وقضيت العمر أتساءل: وش الي موت ازهاري ؟

[هّدلان @3sssr_]

المحبة قبل اعرفك شي عادي واعتيادي
بس عقبك والله انها في نظر عيني عظيمه

ودي احطك وسط عيني واغمض لا ارادي
من كثر خوفي عليك من الصواديف الاليمه

أعشقك واغليك واميزك عن كل العبادي
ومستعد اعيش انا وياك في رمله وخيمه

[هّدلان @3sssr_]

مرحباً..

الإنسحاب في بعض الأمور أشبه بالعفو عند المقدرة
مثل ماقال سفر الدغيلبي :
«يوم شفنا الشك والريبه وعودنا نكايف
والرجوع من الدروب العوج نوع من الشطاره»

[هّدلان @3sssr_]

سيرة ذاتية :

" تموت بداخلي خيبة مشاريهي على الأحباب
ولا شافوا سوى وجهٍ سموح .. وبسمة محيّا "

[هّدلان @3sssr_]

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه

وعفى الله عن هواجيسٍ توقف بي على الاطلال
تعيـد الذكـريـات اللي مـع الأيـام منسيّـه

[هّدلان @3sssr_]

لـ مقابل القوم .. و الصكّات متولّم
و ليلٍ يجيب المنايا .. جعله مبارك

[هّدلان @3sssr_]

من عشق من ديار العزوه الفيصليه
ما يلد النظر للغرب ومخلّفاته

سعود مبارك

[هّدلان @3sssr_]

ما دكّ "ذود المشاعر" من مفاليها
إلا طواري؛ (هنوف) دكت حصوني

إن همت؛ ما لي هيام .. إلا بواديها
وإن ضعت ما ودي إن الناس يلقوني

حتى الحياء اللي عن الأنظار مخفيها
ما قد منعها ولا "مرة" عن جفوني

ما أخذت عيون القصايد واكتفت فيها
أخذت عيون القصايد وأخذت عيوني

[هّدلان @3sssr_]

ماقدرت اعيش لذات الحياه المستمرّه
لا بغيت أواكب الحاضر رجعت لـ ذكرياتي

يوم جيتك جيّت اللي يدري إن الموت مره
تاركٍ من خلفي الدنيا و أهلها و أمنياتي

ايه و اللي نفسي بـ يده و رزقي و المجرّه
انك إللي تستحق أفضلك عن مغرياتي

[هّدلان @3sssr_]

في زحام المغريات، وليلها المتمادي
من ترك لله شيٍ عاضه أبرك منّه

يالله أعصم من محابيل الحرام فوادي
عصمةٍ تاخذني بيمناي لين الجنّه

ياعظيم الملك وأنت المستعان الهادي
باب جودك جعل مانيب محجوبٍ عنّه

كل ظنٍ في سواك من الخلايق غادي
وانت عبدك عند ظنّه لاحسن بك ظنّه

[هّدلان @3sssr_]

يارب أنا طالبك بعد الحياة و عمري الفاني
المَغفره والعفو ، و الستر و الجنَّه

[هّدلان @3sssr_]

حنا شبعنا من كثير الحسافات
على القلوب اللي ملاها السوادي

خلك بنفسك لا تزيد الملامات
غادي ومن يتبع هوى الناس غادي

الناس بين الناس فيها اختلافات
مثل الاصابع تختلف بالايادي

واللي تحسبه سابع المستحيلات
إلا يجي لك يوم ويصير عادي

[هّدلان @3sssr_]

أحبّك ايه أحبك وان بغيت انساك كيف انساك أشوفك ياعيوني في عيون أهلي وفي اوطاني

توهقت بغلاك وصرت أحبّك وأعشقك واهواك وحاولت اتراجع وانسحب لا شك ما امداني .

[هّدلان @3sssr_]

وين أبهرب منك و أنت العابر إللي صار غالي ؟
مرّني معجب و خلاّني من أكبر معجبينه

[هّدلان @3sssr_]

ما طحت من سبّة غيابك لكن طاح
دمعي وصبري والطموح اللي اطمح

اكلمك وانا على باب الافراح
والمح من الافراح مدري وش المح

قلي كلامٍ زين يمكنّي ارتاح
ولا كلامٍ شين يمكنّي اسمح

خالد مبارك