ناصر بن رشاش

اكتب ما اقول

[ناصر بن رشاش @3uuax]

خثاريق كاتبها ناصر بن رشاش

[ناصر بن رشاش @3uuax]

عزلت الأوادم وكرهت اغلب الناس
وعشقتك انت وخلصت حب الناس فيك

ماعاد يشدني شي ولا عاد يحس الإحساس
إلا بك يا أسمى معاني الحب اللي تناجيك

[ناصر بن رشاش @3uuax]

سيّارة الأحلام اللي أشعلت نار الطموح
هي طنةٍ بالبال ومساعيها سنيني

نونتي نية الفوز ونيتي خيلٍ جموح
ودها نجوم الليل مسباح يديني

[ناصر بن رشاش @3uuax]

عذبك الطموح بالنفس الشقية
الدرب عسير والمشاهي جلالي

نويت و اول المساعي بالنية
بها تخيل النجوم و الاحلامي

اما غديت بدر بين نجوم ضية
ولاالثرى دامني ماحققت حلم بالي

[ناصر بن رشاش @3uuax]

غدى طاريه في خاطري حضري
يزرع ويحصد فأرضٍ له هي مرابيع

وانا اللي من اول لي طبعا ابدوي
صرت مقيم في مدينته اشري مابيع

[ناصر بن رشاش @3uuax]

يابنت عشقك قلبي و زاد انتحابه
اجبري جرحي لايوصل للرمق الأخير

اما افتكيه بالشوفه اللي تنسيه مابه
ولا اقتليه ببعدٍ ماعنده ضمير

[ناصر بن رشاش @3uuax]

يارب في يدك مفاتيح المغاليق
فرجها يارب لعبدٍ ينادي باساميك

[ناصر بن رشاش @3uuax]

لو اكثر فيك امن الشعر ماوفيك ذره
مهما أسهبت فيك تراني مقل عن ماشوف

[ناصر بن رشاش @3uuax]

قتلك الله يالشوق بالوصل والنظرة
والله يحيي القرب لخلٍ أبعدتنا عنه الصروف

فاقده والفقد مايقتل الرجال بسره
لين يبين بوجهه ولو غيره ماتبين الظروف

يطرق علي الشوق هوجاس بكل حزه
يشغل به البال وينتحي له وينلاف لوف

[ناصر بن رشاش @3uuax]

ياهنوف ياحب بان بوجهي من المسره
مابعدت عنك ذله مير حلمٍ أبيه معسوف

ونا عقبك حالتي العن بها من يشره
فيك أنا سقيمٍ مابي التشافي و الروف

بلاني طيفك الغالي ونا من عادتي مارده
يجي بالفكر وبين الناس وفي كل معزوف

اعيش بك يالغضي وانت ماتدري عن ما امره
حياتي الكسيفه جنة من عشت بالجوف

[ناصر بن رشاش @3uuax]

ياثقل الوقت من دونك ياناحل الخصر
تقل الوقت وقف ساعة الفرقى ينتظرك

[ناصر بن رشاش @3uuax]

يغشي العقل معك لذة ونشوة وينلاف
ولو العقل رزين مال معك ميلة جنان

مغيب اللي تبعك جايك مهياف
يبي صفو الود وهو صعبٍ عليك الحنان

[ناصر بن رشاش @3uuax]

شفقٍ على شوفتك والقلب لك ميلاف
ولف الطفل لافقد حس امه بالمكان

ليت يانفسي اني للهوى كنت عياف
كان ماتبعت زولٍ حتى بالحلم مابان

و اخ يازول الغضي ليتك من الأضياف
كان مريت عابر ولا سهرت الاجفان

مير ان غلاك جار ولا عرف الانصاف
تقل صابني بمقتل سهم الحب و اردان

[ناصر بن رشاش @3uuax]

تراني غديت من التجارب والحب شبعان
واللي راح ماعاد يزيد شيٍ فالجاي وفيني

[ناصر بن رشاش @3uuax]

سلامي على اللي ماسالت دماه بعروقي
لولا خوالي مالقيت اسمه بديرتي ولا لقاني

ظبيٍ عفر مسكنه جبال صعيبةٍ عالراقي
يهيب وعرها مير الهواء اجبرني وناداني

[ناصر بن رشاش @3uuax]

ليتك طليت بالصدر وشفت اللي يلوج
من محاني صرختها يزيد مابي من كدر

تقول صحيبك وين واقول الباب مزلوج
بالكرامة والجفاء والبعد اللي مامنه مفر

قالت ندوره بين العرب اللي تروج
قلت اخاف اجمع الصفر على صفر

واخاف القاف يشيب ويغدي منه حروج
لاوصفك وعجز عن عينٍ هي السحر

[ناصر بن رشاش @3uuax]

غديت فالدنيا بحار وراكب موج
بعد ماغرقت وذقت ملوحة البحر

زان لي كدره يوم غدت الدنيا تعوج
كاس العز ولا قراحٍ فيه من يذخر

وانت ياللي تبخل والعين عيت تموج
بدموع الشوق اللي سببت لي ضجر

آزرت العزه على البوح بشيٍ به حوج
وماتت النفس راغبةٍ مافيها صبر

[ناصر بن رشاش @3uuax]

ضيعت ايامك يازين بين زعله وبكية
وانا ادري ان غبت بيأخذك الندم

مير مافي اليدين أنسى انه في يديه
ولا غاب خذاني الوله والشوق المعدم

[ناصر بن رشاش @3uuax]

قد قالوا اني اكثفت فالشعر
مادروا اني من جرحي انزف اشعار

الخاطر ادماه جرح المفارق العسر
وتهاولت عليه المشاعر و الأفكار

ابعد عن الشعر ويجي متذلل منكسر
يبي أحييه ببيت ونا يقتلني بيتي امرار