السلام عليكم من وحشة الفرقى
ورحمة الله من الحنين و طواريه
بكتب من القصيد والعين غرقى
أما بعد : المشتحن لا تسأل شفيه
طرالي ذيك الليالي جعل تسقى
شتا و جفا و حنين بعيني اخبيه
تراني على حطت ايدك اببقى
والله يحقق اللي بالخاطر و امانيه .
ياصاحبي جعل الليالي تصحيك
يامرخصٍ قدر الصديق السنافي
لاتحسب اني بـ ترجاك وابكيك
ما الله خلقنا نرتجي كل هافي
ماجاك مني من جمايل تكفيك
وان كان ضيعت الجمايل عوافي
دامك تبيع اللي يعزك وشاريك
وتبيع من هو قدم الكيل وافي
خلك مع ضعوفٍ تعزك وتغليك
دام الذهب غالي ليا صار صافي
ذنبك على جنبك ولا لي شغل فيك
ما دام مأنت بتستمع للنصيحه
كل ما نصحتك تحسب اني معاديك
وانا اشوف انياب حولك كليحه
قال المثل خلك مع من يبكيك
من يضحكك دوّر عليك الفضيحه .