1996 م

بعيد عن الضجة، شاعر بعض الاحيان

[ناصر الحميدي .. @al3jmii_96]

يا أهل الغياب اللي نسونا و رحلوا
حنا بخير .. ويا حلو طعم الغياب

مستطعمين المر و نردد : حلو
و نرسم على الغيمة ونغرق بالسراب

صرنا نحب البُعد لأطراف الغلو
وصار الفرح لعبة بيدين الإكتئاب

ما عمرنا قلنا : تعالوا و واسألوا
عمر السؤال أصغر من حروف الجواب

[ناصر الحميدي .. @al3jmii_96]

انا والطير واوراق الشجر والصبح وانسامه
من البارح وحنا نحتري طلة سنا وجهك

يحير الشاعر بوصفك مع انك مصدر الهامه
مع ان حروف شعره كلها لجله و تتجك

— ناصر الحميدي

[ناصر الحميدي .. @al3jmii_96]

شلون أعيش الواقع المؤلم وتوّي منفصل
عن ذكريات القصّة اللي نشترك فيها سوا

كنت أكتبك ولا نسيت أذكر تفاصيل الخُصل
في ليلٍ أعتم لونها لونه، ويلاعبها الهوا

قصّة فراقٍ كنت أنا فيها البطل، واللي حصل
المرّ والمؤسف، وحالٍ ناحل، وقلبٍ ذوا

أنت الرواية، والحبر كمّل، وأنا بآخر فصل
وطويت صفحات الكتاب وقصّته وما حوا

لا تعتذر عمّا مضى، أبشّرك، ج��حك وصل
وإن قلت لي “زعلان مني؟” قلت لك: مالك لوا

قم قهوني، لارحم أبو لاماك، من عندك وصل
ما هو يقنّد كيف راسي غير وصلك لا خوا

سمّك زعاف، وصابني من غبت، واحتاج المصل
ومنك الدوا، وأنا المريض اللي بحاجه للدوا

ونعيدها سيرة، وأكمل ما بديت، ونتّصل
ونعيش قصّه، وانتلذّذ في متاهات الغوا

ناصر الحميدي

[1996 م @3zf_117]

إلهي رد لي من غاب ردك يوسف ليعقوب
انا ريحة قميصه فدوته كلي وما املك

انا يا كيف ابسلا عن هوا حبك وكيف اتوب
وانا ضي القمر كل يوم يتهيا على شكلك

— ناصر الحميدي

[ناصر الحميدي .. @al3jmii_96]

الا ليت قلبي كنه الطير لامن طار
وابطل قفص صدري وانا اطيره لجله

عسى الله يغفرلي الخطا والله الغفار
على كثر ماضيعت من زينها القبله

ناصر الحميدي 📝

[ناصر الحميدي .. @al3jmii_96]

مليت انا اعذارك ومليت من طول الجدال
متى تمر تواصل الي مل من طول الصبر ؟

تبخل علي وانا معك مابي سوا لحظه وصال
انا انتظرتك طول وقتي .. وانت لا حس وخبر

ليه الكبر والوصل صاير من هلال الى هلال
ما هو يشوف الجنه الي فيه ذرة من كبر

ما عاد عندي للمشاكل يا حبيبي وسع بال
ضاقت علي من كل صوب وزادها الحظ الغبر

شاعرك يكتب لك قصيده كل ماجاله مجال
و المحبره من جرحه الي للورق ينزف حبر

الحب بلوى تجعل الشعار في حرب وقتال
وكم شاعرٍ يكتب معانات�� وكسره ما جبر

#ناصر_الحميدي 📝

[ناصر الحميدي .. @al3jmii_96]

لا تعتذر عمّا مضى، أبشّرك، جرحك وصل
وإن قلت لي “زعلان مني؟” قلت لك: مالك لوا

قم قهوني، لارحم أبو لاماك، من عندك وصل
ما هو يقنّد كيف راسي غير وصلك لا خوا

ناصر الحميدي 📝

[ناصر الحميدي .. @al3jmii_96]

تقول: أبيك تكتب فكرةٍ من خارج الصندوق،
وانا أقول: أبشري… شعري وأنا نفداك مولاتي.

لِيَا منها مشت ينبت بعد خطواتها الزملوق،
وتقول: الأرض ! شفها ربعت من عقب خطواتي”.

#ناصر_الحميدي 📝

[ناصر الحميدي .. @al3jmii_96]

تغيب الشمس لكن مابعد غابت امانينا
امانينا كبار ومشرقه كنها شروق الشمس

لو ان حظونا وظروفنا ماهي تراعينا
انا كلي ثقه بكره ترا ماهوب مثل الامس

#ناصر_الحميدي 📝

[ناصر الحميدي .. @al3jmii_96]

يا غزال على الغيد اعتلا و أشتهر
في عيوني وحيد وسط قلبي وحيد

الذهب من دفى جيدة قده منصهر
جعلني فدوة له من معنق وجيد

ناعم القد من قدك انا منبهر
مزوي الخصر ووصوفك مثل ماتريد

وفيك غمازةٍ منها الفواد ادهر
تسبي القلب والله مثل سبي العبيد

ناصر الحميدي 📝

[ناصر الحميدي .. @al3jmii_96]

عليك الله يا غروٍ معاضيد الذهب تزهاه
تجيني الحشرجه لامرني ذكره وطاريه

إلى منّه بغى شعر الغزل في عيني بيقراه
صبابه للعيون النجّل الحور الخياليه

سبب مانالني من جوره وصده ومن فرقاه
وانا اللي كنت احسب اني اعيش احلام ورديه

يا ليت اللي يغني ما يهيضني بجر غناه
وليته خُص ما جر الغنا في وقت عصريه

ناصر الحميدي 📝

[ناصر الحميدي .. @al3jmii_96]

إلهي رد لي من غاب ردك يوسف ليعقوب
انا ريحة قميصه فدوته كلي وما املك

انا يا كيف ابسلا عن هوا حبك وكيف اتوب
وانا ضي القمر ��ل يوم يتهيا على شكلك

#ناصر_الحميدي📝

[ناصر الحميدي .. @al3jmii_96]

يمر البال طيفك كل ماهبت علي النود
وفي رجوا وصالك والصبر ماهو على العاده

زها عقد الذهب نحرٍ جذبني فيه ريح العود
يا حظ العقد والعود المعتق في نحر غاده

#ناصر_الحميدي 📝

[ناصر الحميدي .. @al3jmii_96]

يا الفاتنه مانيب هارون الرشيد
الحاجه الي بخاطره بمره تُجاب

انا بسيط ومامعي غير القصيد
والى بغيت الشي صرت اطرد سراب

شاعر ورايي عندي الراي السديد
لو صرت كني بين ضرس وبين ناب

لكن على ماقيل ماني من يحيد
نقطه على اخر سطر في صفحه كتاب

— ناصر الحميدي

[🦌 @R_mmya]

صبّي مثل صبّ السحاب اللي على روضة خريم
وأحيي اليباس اللي بقلب العاشق اللي فزّ لك
— ناصر الحميدي

[🦌 @R_mmya]

صباح الخير اما بعد :

لا يا حبيبي لا تعذر على ما فات
ترا بيننا الاعذار ماهيب مسموحه

حبيبي فديتك والله اني على الزلات
اسامح وزلاتك على طول مدموحه

— ناصر الحميدي

[ناصر الحميدي .. @al3jmii_96]

سهرت ليلي والحزن سيّر وفي صدري استباح
ما فيه شيٍ يردع وما عاد أنا ذاك الصبور

يا ليل حزني طال وأرقب هو متى ياتي الصباح
وأشوف عقرب ساعتي واقف ولا ودّه يدور

من أوّل كنت افرح ليا شفت نو�� البرق لاح
واليوم ما عاد ألتفت.. ولا يجي ذاك الشعور

وما عاد يشرح خاطري شوف المطر لا منه طاح
ولا الهبوب اللي تجي عقبه يجي معها سرور

الله على ما كان.. واللي راح بالي معه راح
وش تنفع الذكرى وأنا قلبي غدى قحط ودهور؟

عزاه يا نفسٍ شكت من جور طعنات الرماح
الهمّ فيها لو وزنته مالت جبال الحجور

شربت من كاس الهوى كاسٍ من السم الذحاح
والعز يبقى.. وما على الرجال لو لَحْقه قصور!

ناصر الحميدي 📝

[1996 م @3zf_117]

الضعافه ماتوردّك المناوي
مايوردك الشفوف الا الشراسه

لاتفكر بالمحاسن و المس��وي
ماورى التفكير غير الإنتكاسه

تولد الفكرة بصندوق الشكاوي
وتُقتل الفكرة بقيد الدراسه

أنطح صياح العزاوي بالعزاوي
واترك أصحاب السياسة للسياسه :)

[ناصر الحميدي .. @al3jmii_96]

- من أمثلة المقولات البدويه :
" لا توجعني بكلامٍ يجرّ كلامٍ يوجعك ".

بمعنى :
" كان لسانك تحلوى الكلام المُر ترا
سمعِك مهوب متحمل بعض الكلام المُر ".

صباح الخير

[ناصر الحميدي .. @al3jmii_96]

حاله يقول :

من كَلَى حِلْوَ الرطب صقعي وبرحي
ما هو اللي يخرفه فوق الفوارع

يآ بري حالي ويا عوقي وَرَزْحِي
السّلَا ياكل يَدِي وماني بقادع .. !

#ناصر_الحميدي 📝