آستثنائي :)

[آستثنائي :) @484222]

ان عرضت تمشي غدا الجسم نصفين
واليا اقبلت كن القمر في نحرها

والردف لا اقفت يشلع الثوب وتبين
ساقن فضحها ثوبها ماسترها

والخصر ناحل والحشا بين قوسين
ضامر وكنه لاصقن في ظهرها

[آستثنائي :) @484222]

من شفت ردفه يزيد الطين ويبله
ينصاع راسي لردفه والهوى شامي

الثوب للردف شن الحرب واحتله
يقول ماني مفارق ردفك الحامي

[آستثنائي :) @484222]

رمى عهد الحبايب خلفه وقال الجفى قدام
تركني لأمري الواقع مابين الجرح و ضماده

بدون أسباب معروفة .. تناسى سالف الأيام
تصاغرني وأنا أكبر من حفظ له ملحه وزاده

دريت أن القطيعه .. رغبته وأن الغرام أوهام
وأنا اللي كنت أظن الحب حنا سادة أسياده

[آستثنائي :) @484222]

اليوم قلبي محرقه لاهب الشوق
على هنوف ما تهيا لقاها

ما هوب يجمعني بها دم وعروق
لكنها اقرب من عيوني وماها

شيخة جمال حاشت الزين والذوق
تقول ما فوق البسيطه سواها

تنظر لترفات الغنادير من فوق
متكبّره من كبر شي وراها

[آستثنائي :) @484222]

حاول تخلّي جلستك عند العرب ركعة وتر
خفيفةٍ تقضي لزومك كل ماصليتها

وحاول تخلّي كلمتك عند العرب ليلة قدر
كلٍ يدورها ولا يدرى متى توقيتها

وحاول تخلّي كلمتك وقت العتب رشّة عطر
يفطن لها المخطي ولاتندم إذا رشيتها

[آستثنائي :) @484222]

إن شفت وجهه تهون كبار غلطاته
وإن غاب عني مزاجي ينقلب جوّه

😔

[آستثنائي :) @484222]

لك المرحبا ولك ابشر ولك تم ٍو لبيه
ولك عيني اليمنى قبل عيني اليسرى

- ❤️

[آستثنائي :) @484222]

-

تعال :
يَ صبحي اللي : يضيع الليّـل بحضوٌرك

[آستثنائي :) @484222]

حبني يا ناعس الطرف واشبعني غرور
وش أبي في باقي الناس وانت تحبني

[آستثنائي :) @484222]

بنتٍ تثنَّى في ضواحي نجد وتفلّ الجديل
جيت أتداعى في مرابيها وروحي غاديـَّه

واللي ورا صدري على الميعاد مايبغى دليل
قلب بدويٍ مارَّعت به غير بنت .. الباديـَّه

[آستثنائي :) @484222]

مشكلتك اخطيت والقلب له شيمة بدو
إن جفيته صد وإن صد ما يقبل عذر

[آستثنائي :) @484222]

تبختري حسنْ ، ميلي غُنجْ ، تيهي دلال
أنا غرامي من الأغصان ميّاسها

فديت جيد ٍ من الشامات فيه اختيال
والشفّة اللي عرفت الخمر من كاسها

وجديلك اللي تفلّينه وألمّه ليال
وعيونك اللي تسهرّني من نْعاسها

ما نام طرف ٍ نصيبه من جمالك خيال
كم نفس لحظة مرورك تحبس أنفاسها

[آستثنائي :) @484222]

دوّامة الليل يقتلها بياض الصباح
مثل مايقتل جبينك وارفات النكد

عوضني الله بوجهك عن وجيه الملاح
ولا عاد يملى عيوني في وجودك أحد

ياريحة الورد مدري يالنبيذ المباح
ياغاية الحلم من بعد العنا والجهد

وصلك ملاذ الطموح المنتهي بالنجاح
وبعدك محازن عيون ودمعتين وسهد

[آستثنائي :) @484222]

يوم أنا مالي من الدنيا سوى وجهك زهاب
عن حمولك هاك متني واللي في بالك قله

ايه يا فرحة وصول الحلم وأعتاق الرقاب
وأثمن أقدار السنين الماضيه والمقبله

[آستثنائي :) @484222]

حبك مثل هامتي يحرم عليها المطيح
اللي نزول السماء اسهل من نزولها

انا الوحيد اللي أحبك و أحبك صحيح
حتى لو اني بعض الأحيان ما اقولها

[آستثنائي :) @484222]

ياعظيمه وانتي الاشياء الجديده والقديمه
وانتي اللي لو تصد الارض ماصديت عنها
ٰ
وانتي اشجع الانتصارات وملذات الهزيمه
وانتي اللي وين مالقّيت قلبي قال عَنها
ٰ
وانتي اعجوبة زمان الشاعر اللي هلّ ديمه
وارتوت جدب القصايد لين صح الله بدنها🤍..!

[آستثنائي :) @484222]

أفتقدت الذاكره يوم أنتثر مجدوله
ولا أنتبهت لين طاحت غترتي وعقالي

أنتهى الشوط الإضافي ما كسبت الجوله
  الله إنه يغفر ذنوبي ويرحم حالي

ذقت شيٍ من رحيق الشفه المعسوله
ليتني ما ذقت منها شيء كان أشوالي

واستحيت من الأمور اللي مهي معقوله
الأمور اللي لا تتسوى .. ولا تنقالي

🙈🙊

[آستثنائي :) @484222]

انت وجهك زين ولا انا ما شفت زين
انا فكري من تأملت في وجهك دشر

كن ربي خالقك من فلك ماهوب طين
الجمال الي اشوفه ماشفته في بشر

فيك من نجم الثريا ونجم الفرقدين
وفيك من نور اول الصبح لامنه انتشر

لو يناظر فيك عالم فلك خبرة سنين
اعلن ان الارض فيها بدر خمسه عشر
🙊🙈

[آستثنائي :) @484222]

ماجيت احبك ولكن! جاوزتني الظروف
جابك لي الله و ودعتك بلمح البصر

لكنك بروحي اكبر من قصيد و حروف
حتى لو اني كتبتك و الشعور انكسر

الله يسامح عيونك كل ما اشعر بخوف
كنت اتصدد اذا شفتك و وجهي حمر

و للحيييين لامرّ طاريّك، افزّ بوقوف
للحين صوتك بـ سمعي مثل صوت المطر

[آستثنائي :) @484222]

خذت رغبتي من كل عنقا ونجل عيون
مثل ماسهر عيني خذ من الجفن نومه