حزام حمد

...

[حزام حمد @4Uwull]

الضيقه اللي تكتم الـصـدر بالبوح
عجزت احصل في الوسيعه دواها

احيان اقول الضيقه شوي وتروح
واحيان اقول البوح يـروي ضماها

[حزام حمد @4Uwull]

يالله ياقاضي غرض كل محتاج
مدك ولا مد اليدين البخيله
ضاقت ومن عندك قضاها والافراج
انت السند والعون وانت الوسيله
ابواب رزقك ماتسكر بمزلاج
ووقفه على بيبان غيرك فشيله

[حزام حمد @4Uwull]

يا اخوي لاتزعلك خيبات الظنون
خايفٍ قلبك من الحزن يلقى مصرعه
دام الارض احيان تجحد هماليل المزون
لاتضايق لاذبل زرعك اللي تزرعه
واجد اللي كل ماطبت فيهم يجحدون
والسماء ماطاح منها ماعاد ترجعه
الوكاد الله يعينك على جحد الطعون
مد حبل الوصل ولا اعقده ولا اقطعه
صاب قلبك حزن مدري دخل عقلك جنون
إلحق اللي تلحقه واقنع اللي تقنعه
ودي اواسيك و ارد دمعك للعيون
و آخذ احساسك واترجم شعورك واسمعه
بس انا ماعرف اواسي ولاهم يحزنون
كل ماواسيت لي شخص رحت ابكي معه

[حزام حمد @4Uwull]

في صدري همومٍ تحرا التباشير
وملامحي صارت سببها شحوبه
منها سهرت الليل كله تفاكير
لين الفجر فرضه يحل بوجوبه
يارب بدل عسرها بالتياسير
و افرج لمنهو تايهٍ في دروبه

[حزام حمد @4Uwull]

ماتستريح العين والبال مهموم
ولايستقر الحال والقلب خايف
غديت مثل اللي بالاعدام محكوم
ما مات.. لكنه من العمر خايف

[حزام حمد @4Uwull]

يامال جنات النعيم المستديم
ياوجهٍ اشتقت لحلو ملامحه
من يوم عني غاب والله العظيم
ماعاد نفسي لأي حاجه طامحه
لو الزمن في شوفته يصبح كريم
ساعه .. على شحّ السنين مسامحه

[حزام حمد @4Uwull]

تجيه رايق وانت تجهل خفاياه
وتشيّن اخلاقه وتنبش همومه
ياخوي من صمته تبين المعاناه
يمكن لو إلحاله يشقق هدومه

[حزام حمد @4Uwull]

شوفتكْ فوق الوكر ماعكّرت بال
على الوكر استانسي يادجاجه
قبلك رخومٍ تلبس شماغ وعقال
لا احدٍ زعل منهم ولاقال حاجه

[حزام حمد @4Uwull]

اما تبيّن وتوقف بكل ميقاف
والا استرح مافيه رفقه وصحبه
وهياطك اللي فالرخى فاق الاوصاف
مثل العباة اللي على جسم قـ....

[حزام حمد @4Uwull]

ترا الردي راسه مثل راس كبريت
مايقدح الا مرةٍ .... في حياته

[حزام حمد @4Uwull]

شوفتكْ فوق الوكر ماعكّرت بال
على الوكر استانسي يادجاجه
قبلك رخومٍ تلبس شماغ وعقال
لا احدٍ زعل منهم ولاقال حاجه

[حزام حمد @4Uwull]

اما تبيّن وتوقف بكل ميقاف
والا استرح مافيه رفقه وصحبه
وهياطك اللي فالرخى فاق الاوصاف
مثل العباة اللي على جسم قـ....

[حزام حمد @4Uwull]

ياخوي خابر انك صامل ومتحدي
لاتشيب همتك لو شعر راسك شيب
ولاتقول الى متى وانا الليالي ضدي
انت طيب والليالي ماتحب الطيب

[حزام حمد @4Uwull]

ياربي ماخلتني ظروف الحياه ارتاح
ولاغيرت طبعي ولاضعّفت ديني
بفضلك يزيدن المشاكل و ازيد الحاح
و احس بفرجك ليا سجدت وبكت عيني
ليا ضاقت الارض الفسيحه وعزمي طاح
عسى الركعه اللي باخر الليل تنجيني

[حزام حمد @4Uwull]

الكتف يشيل النجم ولايشيل العار
والفرق فعلٍ يرفع الراس ويطيّحه

[حزام حمد @4Uwull]

لاتغرك البزه ولا لمع النجوم
كم واحدٍ يلبس وهي ماتشرفه
الرجل يوزن بالمواقف والعلوم
والرتبه بليا شرف ماهي مشرّفه

[حزام حمد @4Uwull]

ماكل من لبس النياشين يستاهل
بعض النياشين ابتلت في صدورها

[حزام حمد @4Uwull]

الرتب ماترفع الردي لو تعلّى
والطيب يرفع رجالٍ بلا رتبه

[حزام حمد @4Uwull]

يالله استر لايجي في الراس جلطه
من ضغوطات الحياه ومن نكدها
راح عمري بين صدق وبين غلطه
خل عاد احلامي اللي وش بعدها
ودّي اخذ لي على الايام سلطه
واكسر ظروف الزمن من عند يدها
يوم اشوف ان الفرح والحزن خلطه
حالتي ماهي تطمن من نشدها

[حزام حمد @4Uwull]

الحظ تالف والاماني تشاليح
وحظوظنا تقليد شبه الوكاله

[حزام حمد @4Uwull]

الى متى وانا اكسر من الشف في بعض الامور
الظاهر إن الحزن ذالمره فرض شخصيته