فهيّد

[فهيّد @4ajjmi]

هاذا دليل اني قليل توافيق
احبها.. واردى الرفاقه خذاها"

[فهيّد @4ajjmi]

عبدالعزيز العبلان

[فهيّد @4ajjmi]

لا تعلّم غافي القلب عن خضر الطعون
هاتها والله كفيل بمرار إحساسها

فدوتك قلبٍ على كل عرقٍ به تمون
والطعون اللي من ايديك يسلم راسها

فيك ماطعت السوالف وصدّقت الظنون
سيرتك يحرم على خاطري دنّاسها

من عرفتك والقصايد تحت فيّ الغصون
جعل مايزعل مطرها .. على نسناسها

[فهيّد @4ajjmi]

أنا وشلون أقفّي وأتجاهل كل ميلة عود
وأنا أشوف أنّها "لذة حياتي وأول أهدافي

[فهيّد @4ajjmi]

عسى كل العلاقات القديمه والليال السود
فدا بنتٍ مشاعرها جليد وصوتها دافي

[فهيّد @4ajjmi]

عظيمة كنّها الدين الحنيف وحلمي المنشود
كريمة كنّها يمنى الكريم وخيرها ضافي

[فهيّد @4ajjmi]

سمّي عليش السلام وفرحة الديره
إنتي من الصبح وإلاّ الصبح ذا منش

[فهيّد @4ajjmi]

ما كنّش إلاّ صباح الخير و الخيره
لا سولف الصبح لـ عروق السما عنش

[فهيّد @4ajjmi]

خلافٍ حصل خله يا ملفى القصيد خلاف
واخذ من يجيك بشوقه وتمم افراحه

جفيا القلوب أكثر سببها الكلام الجاف
عسى الله يسامح قلبي ويبري إجراحه

لو إني ما أبذّر بالغلا ماعلي إخلاف
ابصد وعيون .. المحبين فضاحه

زايد بن ذعار

[فهيّد @4ajjmi]

على جيدك اللي لا تحدّرت به شبرين
تبين الثمار اللي من الريّ مندبله

[فهيّد @4ajjmi]

زهيت الذهب والماس واغلا الجواهر لين
عطيت الذهب والماس من طلتك قبله

[فهيّد @4ajjmi]

مطلق الودعاني

[فهيّد @4ajjmi]

فيها القصيد الجزل في كل فترة يقال
وأنا ليا شفتها ماني بـَ أشوفه جزل

من كثر ما تستثير الشعْر في كل حال
تْهيِّض المبتدي وتْرجِّع المعتزل

ما من قصيدة وحبكة قاف جات ارتجال
لا مرَّت تقول كنها تنشد مْن الغزل

شنَّت على خاطري قوَّات جيش إحتلال
قوَّاتها ما تزال وحكمها لم يزل

[فهيّد @4ajjmi]

لا قلت روفي قالت الأيام عيت لا تروف
البيت ملفى والمعزب لا لقى الضيف عزمه

من حب له بنتٍ تهلّي كل ما جاهم ضيوف
ماهو بلاقي وصلها من طيب أبوها وكرمه

ياكبر حظٍ جابها من عقب ما كان معيوف
حظٍ مضى له وقت متساوي وجوده وعدمه

[فهيّد @4ajjmi]

عادني راجيه في عيد الضحيّه
يوم راح العيد الأول ماصفالي

[فهيّد @4ajjmi]

في هذا اليوم عسى الله يحقق مُبتغانا و مُبتغاكم

[فهيّد @4ajjmi]

يا وجه ٍ تغيب الشمس من طلّة مْحيّاه
عليك العروق حْيام والروح مشقّية

[فهيّد @4ajjmi]

أنادم خيالك حزّة النوم لجل ألقاه
وأعزّب طيوفك كل ما جات طرقّية

[فهيّد @4ajjmi]

دارت بنا الايام مثل المحاحيل
عنها نحت فيّه وعني نحتها

نَحت ولا جتني خطوط ومراسيل
وليا كتبت رسالةٍ ما قرتها

لكن قرار الحب مافيه تعديل
لو عشت بالدنيا إلى اخر سنتها

يبقى مثل ماكان لو طاله الطيل
رمزٍ بذاكرتي وفي ذاكرتها

ابن زويبن

[فهيّد @4ajjmi]

ملقي الدنيا وشاكلتك قفاي
وموجهن لـ الريع ووساع النحي

ما دامني مقبول في عيون أخوياي
ما همني خسارتي من مربحي

فارس الحشار

[فهيّد @4ajjmi]

ليت الزمان يعود وأصلح خطاي
اللي بغيت أمحيه من عقلي محي

مسحت تاريخه وخليته وراي
شيٍ يضيق صدر عوجان اللحي

يالربع خلوها من الزله وجاي
ماني نبيٍ يأتيه من ربه وحي

نذنب ونستغفر أنا ولا عملاي
وندور في خطانا مثل دور الرحي

يعني على ما قيل لا تبحث خفاي
ياللي تدور للعلوم ومستحي

[فهيّد @4ajjmi]

والله انها معجبه والقصايد معجبات
ما يقنّد راسها الا القصيد النخبوي

مستعد اكسي نحرها بسبع معلّقات
كلها في مجدها .. والجمال الانثوي

كل مالدت بسود العيون الناعسات
كنها تطعن بشلفا الامير ابن جلوي