ابو بدر🇰🇼

كرة القدم ليست 90 دقيقة فقط
هنا نتكلم عن اللاعبين، المدربين، التكتيك، المشاريع وكل ما يصنع اللعبة

[ابو بدر🇰🇼 @4m3or]

والله اني ماراح أشيل هذي التغريدة من التثبيت الى إذا ليفربول حقق السابعة.

[ابو بدر🇰🇼 @4m3or]

لفت انتباهي ��شابه غريب.

روجرز جاء قبل كلوب، وسلوت جاء قبل إيراولا.

روجرز وسلوت استلموا فرق جاهزة للمنافسة بشكل كبير، بينما كلوب وإيراولا جاؤوا بعد نهاية مرحلة وكان مطلوب منهم بناء هوية جديدة للفريق.

طبعاً الظروف مختلفة، لكن التشابه ملفت بالنسبة لي.

شنو رأيكم؟

[ابو بدر🇰🇼 @4m3or]

مع كل مشروع جديد، يتكرر نفس السؤال: هل الأهم هو التعاقد مع أفضل اللاعبين، أم التعاقد مع المدرب المناسب ثم جلب اللاعبين الذين يناسبون أفكاره؟

بالنسبة لي نجاح المشروع يبدأ من وضوح هذه النقطة.

شنو رأيكم

[ابو بدر🇰🇼 @4m3or]

مع الحديث عن إيراولا، أشوف واجد ناس تربط نجاح المدرب مع فريق متوسط بقدرته على النجاح مع فريق كبير.

بالنسبة لي الموضوع مو بهالبساطة، لأن التوقعات أعلى، والضغط أكبر، والمنافسة على البطولات مختلفة تماماً.

هل نجاح المدرب مع فريق معين يكفي للحكم على نجاحه مع فريق ثاني؟

[ابو بدر🇰🇼 @4m3or]

إذا استلم إيراولا تدريب ليفربول، شنو أول مركز لازم
الإدارة تدعمه؟

عن نفسي أشوف قلب الدفاع أهم من أي مركز ثاني. لأن أسلوبه هجومي وجريء، وإذا ما عندك خط دفاع قادر يتحمل المساحات الكبيرة، راح تواجه مشاكل طول الموسم.

شنو رأيكم؟

[ابو بدر🇰🇼 @4m3or]

@FatahFartas والله اتوقع مستحيل احد يقدر يقنع الثاني بوجهة نظره فلذلك خل ننهي النقاش اللذي بدأ من امس بسلام هههه

[ابو بدر🇰🇼 @4m3or]

للي ما يعرف إيراولا أو أسلوبه، فهو من أكثر المدربين اللي يعتم��ون على الفوضى المنظمة:

لمن تشوف فريقه تحس اللعب عشوائي وفوضوي، لكن بالحقيقة كل ضغطة وكل حركة وكل ركضة محسوبة. أسلوبه يعتمد على الضغط العالي، اللعب المباشر، ورفع رتم المباراة عشان يجبر الخصم يغلط ويستغل أخطاءه بسرعة.

[ابو بدر🇰🇼 @4m3or]

بحسب الأخبار، ديوماندي عطى الضوء الأخضر لليفربول وباريس.

عن نفسي أشوف ليفربول أنسب له. باريس عنده خيارات واجد بالأطراف، أما ليفربول يقدر يعطيه دور أكبر وفرصة يطور نفسه أكثر. بالنهاية مو كل شيء اسم النادي، الأهم المكان اللي يطلع أفضل نسخة من اللاعب.

شنو رأيكم؟

[ابو بدر🇰🇼 @4m3or]

@FatahFartas إذا كان الانهيار دليل على فشل الأسلوب، فحتى فرق الاستحواذ انهارت بعد مواسم ناجحة. المشكلة مو بالأسلوب، المشكلة إذا الفريق والمدرب ما قدروا يتطورون مع تغير الظروف.

[ابو بدر🇰🇼 @4m3or]

شنو أكثر شيء يميز الفرق الكبيرة عن الباقي؟

برأيي مو الأموال ولا النجوم، بل جودة القرارات.

شف ريال مدريد عقب رحيل رونالدو، وبرشلونة عقب أزماته المالية، وحتى بايرن بعد فترات التخبط. الفرق الكبيرة مو اللي ما تطيح، الفرق الكبيرة هي اللي تعرف شلون ترجع بأسرع وقت.

شنو رأيكم؟

[ابو بدر🇰🇼 @4m3or]

@FatahFartas مو شرط فريق صفوة يطبق أسلوب إيراولا نفسه بالحرف. شفنا ليفربول كلوب وأتالانتا ينافسون بالضغط والتحولات أكثر من الاستحواذ. بالنهاية النجاح مو بطريقة لعب وحده، المهم شلون تخلق فرص وتفرض أسلوبك على الخصم.

[ابو بدر🇰🇼 @4m3or]

بحسب الأخبار

سلوت كان متوقع يكمل للموسم الجاي، وحتى هو كان يتكلم بثقة عن استمراره. لكن بعد مراجعة نهاية الموسم، الإدارة شافت إن المستوى تراجع، والهوية الهجومية ضعفت، والمعنويات نزلت لذلك تم تغيير القرار

(مو بسبب مشكلة كبيرة داخل النادي بل بسبب اختلاف الرؤية للمستقبل فقط لاغير)

[ابو بدر🇰🇼 @4m3or]

أصعب التحديات لمدربين توب 7 الموسم الجاي من وجهة نظري:

أرتيتا: البطولات

ماريسكا: المحافظة على الهيمنة

كاريك: فرض هويته

تشابي: التوازن وإدارة النجوم

دي زيربي: الاستقرار الدفاعي

إيمري: الاستمرارية

إيراولا: التعامل مع التكتلات وتطبيق أفكاره تحت ضغط جماهيري وإعلامي كبير

[ابو بدر🇰🇼 @4m3or]

@SCOUSER777 أتفق إن الفرق المتكتلة من أكبر التحديات لأي مدرب، وممكن إيراولا يحتاج يطور هالجانب. لكن أشوف ظلم نقول ما عنده أنماط. بورنموث مو مجرد كرة طويلة وضغط، عنده تحركات واضحة، ضغط منظم، وحلول بالأطراف. إمكانيات ��لفريق هي اللي كانت تحد من تنوعه أكثر من أفكار المدرب.

[ابو بدر🇰🇼 @4m3or]

@Ahmedsa47611132 جونز كامكانيات فهو لاعب ممتاز جدا وشفناه الموسم اللي طاف ضد تشيلسي شلون عذب ماريسكا ولكن الاعب عنده عيب وهو يحب يخلي الكره برجله، الاعب حاليا وده يروح للإنتر عشان دقايق لعب اكثر، حاليا القرار عند جونز إذا بيطلع او لا واتوقع انه راح يطلع.

[ابو بدر🇰🇼 @4m3or]

إذا استلم إيراولا ليفربول أشوف أقل اللاعبين توافقا مع أسلوبه هم:

إندو: الرتم العالي
تسيميكاس: المساحات
غوميز: البناء تحت الضغط
��ييزا: الإصاب��ت
جونز: يطول بالكره

مو لأنهم سيئين لكن لأن إيراولا يعتمد على الرتم العالي والضغط المستمر، فلذلك أتوقع خروج بعضهم خلال أول موسمين.

[ابو بدر🇰🇼 @4m3or]

@TheLariani @a7_we20 اتفق ولكن هذي ليست ميزه بالسلبية

[ابو بدر🇰🇼 @4m3or]

أرتيتا: ✅ شغله مرتب ❌ حذر بزيادة
إيمري:✅ ثعلب تكتيكي ❌ دفاعي مرات
تشابي :✅ يطور لاعبينه ❌ يبيله وقت
إيراولا: ✅ ضغط وجنون ❌ مساحات ورا
دي زيربي: ✅ كورة ممتعة ❌ يخاطر واجد
ماريسكا: ✅ استحواذ ❌ يتوه تحت الضغط
كاريك: ✅ هادي ❌ خبرته قليلة

ايجابيات وسلبيات المدربين

[ابو بدر🇰🇼 @4m3or]

@a7_we20 كاريك مو مجرد اسم، عنده أفكار واضحة بالبناء من الخلف، السيطرة على الرتم، وتطوير اللاعبين الشباب. ممكن مو أفضل مدرب بالقائمة، لكن عنده هوية كروية واضحة.

[ابو بدر🇰🇼 @4m3or]

إذا إيراولا استلم تدريب ليفربول، أشوف الفريق يحتاج:

ظهير أيمن.
قلب دفاع سريع.
محور دفاعي يغطي المساحات.
جناح مباشر وسريع.
ظهير أيسر احتياط.

لأن هذي المراكز تخدم فكره أكثر، خصوصاً مع الضغط العالي والرتم السريع اللي يحب يلعب فيه.

[ابو بدر🇰🇼 @4m3or]

@FatahFartas أشوف فيه خلط بين الاستحواذ والهيمنة. مو كل فريق يمسك الكرة يهيمن، ومو كل فريق يلعب مباشر يعني فوضوي. بالنهاية العبرة بخلق الفرص وفرض أسلوبك على الخصم. وإيراولا أثبت مع بورنموث إن الضغط والتحولات السريعة تقدر تنافس فرق تملك جودة وإمكانيات أعلى.

[ابو بدر🇰🇼 @4m3or]

أحس بعض الجماهير متخيلة باركولا لاعب مختلف عن اللي أشوفه بالملعب.

[ابو بدر🇰🇼 @4m3or]

بما إن برشلونة حسم تقريباً صفقتي جوردن وبرناردو سيلفا أشوف الأولوية الحين رأس حربة وقلب دفاع.

إذا ما جاء ألفاريز، فأرشح كاسترو مهاجم بولونيا لأن ستايله قريب منه من ناحية الضغط والحركة والقتالية.

أما بالدفاع فأرشح لوكيبا، سريع ويعرف يغطي المساحات ويناسب فليك واجد.

هل تتفق؟