مانع المطيرى

(ابو فهد )

[عبدالعزيز العبلان @azizalablan]

لا تنهزم وأنت بعيون الزمان انتصرت
"ظل الجبل مايظلّك ياعلوّ الجبل"

ولا تندم بيوم مهما في حياتك خسرت
هذا جزا اللي يعيشون الحياة بـ نُبل ..

[عبدالعزيز العبلان @azizalablan]

طويت السنين وخاطري ذا السنه يادوب
وانا الشاطر اللي غلطته .. غلطة الشاطر

كثر ما سرح قلبي بحلمٍ ماهو مكتوب
كثر ما تعدته الليالي .. وهو ناطر

ماعاد احتمل زلة رفيق وخطا محبوب
ولا افرح لغيم .. ولا اتشفّق على ماطر

ماغير اتسلى بالهجيني ، وبالمسحوب
عسى فالقصايد ما يفرّج على الخاطر

[مانع المطيرى @4mutair]

@azizalablan يا سلااااااام عليك .. ابدعت

وصح الساااااانك ..👏🏻👏🏻🌹🌹

[عبدالعزيز العبلان @azizalablan]

- باقي الشوف ..

أنت شيٍ كثر ماعشت بعده في سلام
ودي إن الوقت يرجع .. عشان أرجعه

[مانع المطيرى @4mutair]

#الجيش_الكويتي
#الكويت_الآن

[عبدالعزيز العبلان @azizalablan]

سلامة الركن الخليجي دار دار
بشعوبها .. وترابها ، وبحورها

والله ماتفرح بالخراب وبالدمار
اللي تضم الحقد خلف صدورها

بحمْاية الله - ثم بصنّاع القرار
ست الدول محدٍ يطاول سورها

ماهيب تزهانا طويلات العمار
إن ماجعلنا كيدها بنحورها ..

[عبدالعزيز العبلان @azizalablan]

مرحبا : والمجد ماهيب تشريه الفلوس
والبقا : يامجدنا اللي ماهو بفلوسنا

بالمقام اللي على العز محمي ومْحروس
بين ذعذاعة هوانا .. وهبّة كوسنا

إن ضحك وجه المقادير وإن عوّد عبوس
لك علينا مانوّطيك ياناموسنا

من مع الله كل يومٍ له الدنيا عروس
جعل عن هوماتنا ماتغيب شموسنا

[عبدالعزيز العبلان @azizalablan]

زمانٍ مضى ، ماغيّب البال عن ذكراه
لا تنشد غرامك عن مماته وميلاده

لا زال الحيا المتبوع من يمْتك منشاه
عسى بارقه يسبق من الشوق .. رعّاده

يجمل خطاك بعيني إنك قليل أشباه
لو إن الخطا اللي منك ماهو بـ العاده

شعور الرضا ماكل من دوّره يلقاه
وأنا راضيٍ باللي يجي منك وزياده

[عبدالعزيز العبلان @azizalablan]

غابيٍ مانشد عنه الصباح .. وظهَر
كيف مالك وماله يالنهار الطويل

ملّت "النور" عينٍ ترقبه من شهر
وليلة الهم عن تسعه وتسعين ليل

والله إني ما احسب الناس ماتت قهر
لين قامت تحط بْها الحياة ، وتشيل

ولا احسب إن الغصون الخضر اكلها الدهر
لين هب الهوى مره .. وعيّت تميل

عقب سحر الهوى معها وحلوّ السهر
عن مداهيلها ..كلٍ تشوفه دخيل

كان عيّت عن اللي مدّ روحه مهر
"من تبي بنت مخلفة النوايا حِليل"

[مزيد الوسمي @mzed_9]

يا نجد مازال الرجا فيك معقود
سليلة المجد و وريثة الأئمه

من لاحفظ ودّك من البيض والسود
جعله مراح مقيط وابوه وامه

والله مايلحق عاصب الراي منقود
دام العروق الخضر تنضح بدمّه

من شاف ضلع طويق فالأرض موجود 🇸🇦
ماهوب شايف قمة ايڤرست قمه

[فيصل عماش @aldaihanifd]

أهدي إلى مسامعكم قصيدة مرحلة الـ ٣٠ :

ما ردّ الشاعر اللي ما استباحت نبرته .. خافيه
يطول به السكات .. و نظرته تنبيك عن جوفه

[فيصل عماش @aldaihanifd]

" بيني و بينها " :

إن ميّل الغصن ريح و طيّر الحايمات
ظفّت معاليق قلبي في جناحينها

أنا نديم الزهر و اليانع من النبات
و الغيم لا أقبل عليها يطلب يدينها

عسى العوّض فالسنين ، سنيني المقبلات
يا أقسى محطات عمري و أجمل سنينها

مالي جهات أربعه غيرك يالأربع جهات
لو بان لي حدّ شلفاها و سكينها

من علم السبت يحرمني بعدك السبات
ما علمك كيف تنسى الشوق من حينها

ما يحبس الدمع غير اللي بقى من ثبات
لولاه يمديه جافت دمعتي عينها

مريت نفس الطريق اللي تركني شتات
وحواسي الخمس يا جعل الله يعينها

( من بيني وبين عطرٍ مرّني ذكريات
و ما بيني وبينه .. اللي بيني و بينها )

أحيى بي الوجد و التفكير و الأمنيات
و قصيدةٍ كل ما ضقتي تغنينها

لكن وش يرجع اللي فات ، ما فات مات
من هو مجرّب قساها ما رجى لينها

غلطتك يوم المفارق ما هي زله و جات
وأنا أدري إن كل طعنة جرح تعنينها

وقفت بين الوهم و الطيش و المغريات
والبرد و الجوع و الفرقى و روتينها

ولا تقولين بعدك كيف أشوف الحياة
أشوف حاجات جعلك ما تشوفينها .

[عبدالعزيز العبلان @azizalablan]

العذوبة والإحساس

[مزيد الوسمي @mzed_9]

العوض في غيبة الفرد بـ المجموع
ناسبت قلبي وتلّت معاليـقه

[عبدالعزيز العبلان @azizalablan]

رح الله لا يسامح وحشةٍ تطريك
كثر ماقل وصلك .. قل تقديرك

أنا : مهما فقدت اللي لقيته فيك
أبلقى اللي لقيته فيك - في غيرك

[عبدالعزيز العبلان @azizalablan]

مالها عندي إلا أحفظ لها الذكريات
صورتك .. هَزّت الأيام بروازها

قبل لا بيني وبينك يطول السكات
أنا ممتن لعيونك على إيجازها

خذ من الأمنيات أطيب وأعز أمنيات
وعطني الضحكه اللي ما أنت معتازها

أقدر أقول لك : ماهي مسيرة حياة
قِصتك مرحلة فالعمر .. واجتازها

[عبدالعزيز العبلان @azizalablan]

مَرد الزعل لا زاد يوم ، وتلاشى يوم
يميّز غلاك وياخذ الما من عيونك

قلوبٍ ماتربطها الموده .. عليها اللوم
خذ بخاطرك واليا رضينا - قل شلونك

حبيبي عسى مانيب من ضحكتك محروم
لا تهتم .. باللي ما اتوقع يهمونك

يقولون جمعّهم قدر .. والقدر محتوم
وأنا أقول شاكرلك زماني ، وممنونك

تربّع بقلبٍ معك لو ما أنت أخوه التوم
يطيحون ويقومون دونه .. ويلقونك

مسوي به اللي مايسوّا عساك تدوم
لا عكر صفاك .. ولا تجرا على ظنونك

طبيعي ماعاد تذوق عيني بعدك النوم
وانا ارقد وانا وياك .. واقوم من دونك

[عبدالعزيز العبلان @azizalablan]

الخطا يفداك

[مانع المطيرى @4mutair]

@azizalablan يا سلاااام ابدعت يابو عبدالله … وصح السااانك .. 👍🌹🌹

[عبدالعزيز العبلان @azizalablan]

للوهله الأولى