ٍ

قافية شعَّر .

[ٍ @4nwie]

عموماً يقول الشاعر اللي نزف دمه
أنا منجرح وأكثر جروحي من رماحي

وكل ادميٍ يحسن الظن في رمه
أبشركم انه رايحٍ مثل مرواحي

بدأ الهّم ياكل مني اكثر من الهمّه
وبدت تنتقم من عقلي خيوط مسباحي

ادمّدمّ لي مطمّه واسوي لي مطمّه
سلاحي شعر والخوف كله من سلاحي .

[ٍ @4nwie]

سمحنا وعفنا وأنثنينا عقب الاقبال 
وذي عادة لا يمكن أن حن نخليها

إذا ما لقينا من هل الدار طيبة فال 
نشوم ونخليها لمن هو سكن فيها

صحيح الفراق مضر لكن على ما قال 
ماهي تحرق الجمره سوى رجل واطيها 

عرفنا بعز النفس من عادنا جهال
وكبرنا ومن له عادةً . . ما يخليها .

[ٍ @4nwie]

ما بكيتك لأني أعرف البكى عذر التخلِّي
يمكن يطيح الغلا مع دمعتي ذنب وخطيَّة

القصايْد ما تردّ الغايبيْن ولا تسلَّي
ولا لها حيلة على ردّ الرِّضا والمقدريَّة

بس تبقى في ثنايا الذكريات وفي سجلِّي
مثل غصَّات الملوَّح فالديار العامريَّة .

[ٍ @4nwie]

ياكل الليل بأطراف الوحيد المخلّا
مثل ما تاكل النار الشبوبة حطبها

ماعرف كيف بالصبر الجميل يتحلى
لو عرف وش نهاية علته من سببها

أتركوه إن تفضى للسهد وإن تملّى
لين ماعاد تبقى كلمةٍ ما كتبها

لا تلومونه بحاله وهو ماله إلا
الشعر ، والشعر سمّ القلوب وعطبها .

[ٍ @4nwie]

ردوني الشاعر اللّي مايشوف الحياه
الا مسافة وزن بيته ، لقافيّته

مايبحث الا الشعور ويلفت الانتباه
لاحب للحب .. واليا حن .. حنيّته

يكتب حياته شعر واذا تضايق قراه
لعل يرجع شعور اللحظه الميّته

له قلب لو يتقدم صف صلو وراه
ولو نيته تنفرش صلو على نيته

_ عفاس بن حرباش .

[ٍ @4nwie]

من روعّ فرقاهم لذا الحين وجعان
وأرجي من الله عز وجل أطيبي

يمرني شيءً يغيّب بـ الأذهان
الله يا جعله مايمر الصحيبي

يعني لو إني ما ألتهي بعض الأحيان
" والله العظيم إن تفرط أيدّي جيبي " .

[ٍ @4nwie]

ياعذاب اليّ هقاويه واحلامه كبار
يحسب الدنيا تراعي شعور الطيبيّن

مايبي العالم يشوفون فيه الانكسار
مبتسم والابتسامات من طبع الحزيَن

صكت الصكات راسي جعل راسي مجار
من معآناة .. وظروف .. وبقايا راحلين

ودي اطلع في خلاّ نجد وافك الزرار
واصدح بصوتي واغني على واحد اثنين

_ فهد قطنان

[ٍ @4nwie]

لا جزا الله حمامةٍ فوق الابراج ناحتّ
اشغلتني ولا ادري وشبلاها تنوحي

سامره ليلهّا في برجها ما استراحت
لو هي تندب لها حيٍ لزوم بيوحي

اه يا فرصة ضيعتها يوم تاحت
"احسب ان الليالي الممّتعه ما تروحي"

كبدي اللي تشادي دلةٍ يوم فاحت
سج عنها المقهوي فوق جمرٍ تفوحي .

[ٍ @4nwie]

يا صاحبي ترا الطناخة جبّله
ماهيب سلعه لا بغوها خذوها

من لامني في عزة النفس قلّه
كرامتي ما خلقوا اللي شروها

مال الدراهم فايدة بالمذلّه
مفشّله حتى ولو جمّلوها

يا حلوها حلواه لا جت من الله
غصبٍ على خشوم البشر كلبوها

_ فهد قطنان .

[ٍ @4nwie]

" سحابة حزن "

[ٍ @4nwie]

" الله يزين ماتقبى من تواليّها "

[ٍ @4nwie]

كبدي من أربع وخمس شهور معّلوله
خيم على صدري الهوجاس وأعياني

ردو سلامي على حظي وقولوله
خاب الرجاء ياعساه يجيه ماجاني

عن وقفته طايب ويمناي مغسوله
جعله يدورني ولاعاد .. يلقاني

وجهتها لـ اللّه الوهاب منقول
مجري هبوب الرياح ومحيي الفاني .

[ٍ @4nwie]

على وجه الصباح أنفض من البارح بقايا ضيق
واغيّر نظرة عيوني عن الواقع وأجملها

اصبّح ب امنياتي و امنياتي ما تبلّ الريق
ولا تروي ظمأ روحي .. ولكني اعللها

أعلّقها على جناح الأمل وادعيلها التوفيق
وأطيرها واقول اللّٰه يبلغها منازلها .

[ٍ @4nwie]

ورى الصدر ضجة هوشةٍ مالها فرّاع
من اسبابها صخاف السراجيف مشتكيه

اجامل و انا كنّي من المجتمع مرتاع
ولا عاد اداني ضولة الناس والتكيه

ما غير اتلذذ بالسعه لذة الملتاع
إلى عيّن اللي قده شفقٍ على حكيه

معي ضيقةٍ قبل الغروب تْحشر الاضلاع
لو انّي ما اسج الرجل .. دنيتها بكيه .

[ٍ @4nwie]

ماملكنا لاعقار ولا عماير
مير سمعة روسنا تصل المجرّة

ماتقل مرّت بنا بعض العزاير
لامسكنا المال بـ ايدينا نثرّه

الرجاء بالله ماهو بالتجاير
مايضيّع لك ولا مثقال ذرّة

من عطاه نجود مانذخر ذخاير
والعوض مدبول منه بكل مرّة

ماغبطت اللي يديرون الدواير
هامتي حرّة واسج الرجِل حرّة .

[ٍ @4nwie]

سمحنا وعفنا وأنثنينا عقب الاقبال 
وذي عادة لا يمكن أن حن نخليها

إذا ما لقينا من هل الدار طيبة فال 
نشوم ونخليها لمن هو سكن فيها

صحيح الفراق مضر لكن على ما قال 
ماهي تحرق الجمره سوى رجل واطيها 

عرفنا بعز النفس من عادنا جهال
وكبرنا ومن له عادةً .. ما يخليها .

[ٍ @4nwie]

الحزن ماهوب لا ضاقت عليك الدروب
الحزن فـ " الذكريات " إليا تخطيتها

ماودي إن الجروح تصير مثل الندوب
عشان ما آقول ذي لحظة .. وعدّيتها

ياغاية إللي .. يحنك من نسيم الهبوب
مرتني " طيوفك " البارح ، وكبيتها .

[ٍ @4nwie]

الليالي ماتعوّض كل نـادم
والقصايد ماتفسّر كل خـيبه

التشبّث بالحياة وبـالاوادم
قل دين وقل عقل وقل هيبه .

[ٍ @4nwie]

يوم جنح الليل بأطرافه " حضنّي "
أستفاق الجرح من وسط المحاني

كنت داله كنت سالي كنت أغني
" مابغيتَ الحزن والحزن ابتلاني "

_ علي عواض .

[ٍ @4nwie]

ورى الصدر ضجة هوشتنّ مالها فراع
من اسبابها صخاف السراجيف مشتكيه

اجامل وانا كني من المجتمع مرتاع
ولا عاد اداني ضولت الناس والتكيه

ماغير اتلذذ بالسعه لذة الملتاع
الى عين الي قده شفق على حكيه

معي ضيقتن قبل الغروب تحشر لاضلاع
" لو اني ماسج الرجل ،، دنيتها بكيه "

_محسن بن مترك .