نّ

⠀. مرحبا والقلبّ ينطق تراحيبه .⠀⠀

[نّ @4xza_]

لا بأس يالقلب الشجاع، الدنيا ماتجينا على الكيف

[نّ @4xza_]

الحبّ مخلوق مثله مثل الأنسان
يكبر ويضعف — ويمرض ويتوفّى

[نّ @4xza_]

نصف عمرك طفل يتمرجح هوى بين الأيادي
ونصف عمرك حرب لاستنزاف ذاكرة الطفوله

[نّ @4xza_]

« تطلين مثل البدر يا أم الجناب الذرب
لو البدر ماله ربّ من عقب هـ الطله

يكفّيك بـ إنك لو تمّرين بـ أية درب
تسمي عليك القاع و عيون خلق الله »

[نّ @4xza_]

عفى الله عن كلامٍ في حنايا الصدر ما ينقال
تركته لـ الزمن لو هو ثقيل و جمرته حيَّه

وعفى الله عن همومٍ ما تهلي مستريح البال
يعيش أيان عمره في صفا ذهن و صفا نيَّه

وعفى الله عن هواجيسٍ توقف بي على الأطلال
تعيد الذكريات اللي مع الأيام .. منسيَّه

[نّ @4xza_]

شفت القمر اللي نُوره مسرّات
عليه من وجهِك رسوم وملامح !

[نّ @4xza_]

ياعيونٍ تسهر السبت وتنام الربوع
السهر لا عانق الحزن جاب اللي وراه

[نّ @4xza_]

بعض العرب طبعه صراحة يحيِّر
ليّا تركته جاك وإن جيت .. خلاك

​وبعض العرب مثل الذهب ما تغير
ما دام له عندك قدر صعب ينساك

[نّ @4xza_]

فيه مرحله يوصلها الإنسان
هي الإكتفاء بالنفس والسلامة الداخلية

​طرّاه اللي يقول

أستميل لعزلتي وأبعد ولا عندي سبايب
غير حبي للهدوء إللي عن اللجة مبدّأ

​- العزله عزّ له -

[نّ @4xza_]

اللي ورى نيتك .. ما قاله لسانك
واعذارك الواجده ماعاد تعنيني

​انا لو اكذب احساسي على شانك؟
وشلون بكذب اللي شافته عيني !

[نّ @4xza_]

يوم شفت إن التشرّه هجمته مرتدّه
صار لي فتره مفعّل خدمة المتغاضي

[نّ @4xza_]

«شّدة السعي هالفتره تحت شعار»

"لو حرمت النفس مدّه من هواها
الهنا باكر يضوي لي شموعه"

[نّ @4xza_]

الله يبعدني عن الأيام إللي توردني الحسايف
وتخليني أقول ماضيع الطيّب إلا قلبه الطيّب

[نّ @4xza_]

رح .. اللّٰه لا يسامح وحشة تطريك
كثرماقل وصلك .. قل تقديرك

أنا مهما فقدت اللي لقيته فيك
أبلقى اللي لقيته فيك ، في غيرك

[نّ @4xza_]

- عن نعيّم ، التجاوز/
«أحسك شي بين الأضلاع ــــــ وطااااح »

[نّ @4xza_]

"سنين العمر تطويني وأنا في عزتي هارون
وكم أيوب في صدري شكا صبره وإصراره"

[نّ @4xza_]

هي فرصه واحدة
و من عقبها أنا مثل
" السراب تشوفني بس ما توصلني .

[نّ @4xza_]

ودي لو إن العمر يرجع بي و أعدل ما جرى
وأقفي عن دروبٍ نهايتها حسافه وانهزام

وأنسى مداهيل قديمه كانت لـ قلبي ذرى
وأنساك يا سبة ملامي وأعتبر مالك مقام

[نّ @4xza_]

من مبهِّت هالحياة ولونها في عيني؟
عشت عمري يومٍ ارضى به وعشر أتضجَّر

توّها أحلامي صبيَّه ! والعمر عشريني
والشغف ماكنّه الا شايبٍ متحجِّر .

[نّ @4xza_]

تساؤل فجري:
بماذا سينفعك ضوء النهار إذا كان الليل في قلبك؟

[نّ @4xza_]

وبالختام يا أحبه :)

اما تجي وتقول انا بالحيل مشتاق ولا نخيت شمّر يجيبونك .