أنا لا تباطيتك علي الوله ينشاف
يبّين على العاشق وينشاف بعيونه
أحبك جعل حبٍ يجي من بعدك يعاف
وأنا حالفٍ حبك مع الوقت ما أخونه
ليا شفت وجهك والله ان ما علي خلاف
فلا تنشد اللي شاف غايته وش لونه
عيونك مثل مجدٍ قصر دونه اللي خاف
وأنا اللي يحب المجد ويموت من دونه
المحبة أنت وأنت الغير عادي
من عرفتك والمشاعر مستقره
يبتسم يومي ويطرب بك فؤادي
راحتي برضاك حلّت كل مُره
هاك قلب وهاك عين وهاك غادي
دلّه لدربك وخذ خيره وشره
وش أبي بوجيه خلق الله وأنادي
ووجهك الله خالقه طيب ومسره
مستحيل يعيش قلبي تحت قيد الشكوك
دام قلبي بين راحة يدك مثل "الدلو"
فيك من غر السحابه و من هيبة ملوك
أبسط حقوقك تشوفين جيلك من علو
من كثر تقديري لـ طلّتك : يا بنت أبوك
أشعر إني واصل آخر .. محطّات الغلو
أزعلي مره .. و مره أبي وجهك ضحوك
أنتي وجهك فـ الزعل و الرضا دايم حلو
جعلنا مانبخسّ الناس ونشوف العيوب
ولا يجي من دون حاجاتنا وجهٍ كريه
من يشوف الناس عرايا يشّاف بدون ثوب
يالله في حسن النوايا وفـ العرض النزيه
مشكله بعض العرب فـ ارتكابّه للذنوب
كل يوم يتوب من ذنب و يعود عليه
ودك ان الادمي لاطرق سمح الدروب
ما يعود للمكان المريب ولا يجيه
مقلل في وصله و جايز .. لي
مافي شي احلا من الوصل لا قل
ما نيب لا ناداني اجيه .. كلي
وان جيت خلاني مبدأ على الكل
عسى ضياعي بالمحبه فدا لي
وعسى الظروف تقرب الخل للخل
لو اقول ان البحر مثل الهوى ماهوب قدي
ماقدرت اقول قلبي تاب واعرض عن دروبه
ولو اتوب من الذنوب اللي جنت الايام ضدي
ما قدرت اتوب عن ذنبٍ يعن القلب صوبه
كيف اتوبك يا اجمل ذنوبي وأوقف عند حدي
وانت ذنبٍ لا غفره الله .. ولا لي عنه توبه ..
_ ضيدان بن قضعان
ان وجدنا شي جدنا وجينا جيدين وان منعنا القُل محد منعنا في غثاه •••••• مرةٍ ندحم مع القوم بالجنب المتين ومرتين الذيب فالليل مايلقى عشاه •••••• سامحونا واقبلو عذرنا يامسلمين من تلمّس عذر لاخيه فالدنيا لقاه •••••• والله انّا مانجنب عن العلم السمين دامنا باقين فيها على قيد الحياه •••••• غير تلغفنا الذواري من يسار ويمين والزمان الشرس من فوقنا تومي عصاه •••••• ان جملنا جملونا مع المتجملين وان عسرنا الوقت فالعذر يامال الغناه •••••• وان شكرتونا فحنا لكم من الشاكرين وان نسيتونا فمعروف والله مانساه •••••• يقطع الله من يسب الرجال الطيبين لجل شي جا يدور عليه وماخذاه •••••• ان تعذر منه شمت عليه الشامتين وان عطاه اليوم واصبح لكنه ماعطاه
••••••
الشاعر/ سعيد بن مقبل الأكلبي
ان وجدنا شي جدنا وجينا جيدين وان منعنا القُل محد منعنا في غثاه •••••• مرةٍ ندحم مع القوم بالجنب المتين ومرتين الذيب فالليل مايلقى عشاه •••••• سامحونا واقبلو عذرنا يامسلمين من تلمّس عذر لاخيه فالدنيا لقاه •••••• والله انّا مانجنب عن العلم السمين دامنا باقين فيها على قيد الحياه •••••• غير تلغفنا الذواري من يسار ويمين والزمان الشرس من فوقنا تومي عصاه •••••• ان جملنا جملونا مع المتجملين وان عسرنا الوقت فالعذر يامال الغناه •••••• وان شكرتونا فحنا لكم من الشاكرين وان نسيتونا فمعروف والله مانساه •••••• يقطع الله من يسب الرجال الطيبين لجل شي جا يدور عليه وماخذاه •••••• ان تعذر منه شمت عليه الشامتين وان عطاه اليوم واصبح لكنه ماعطاه
••••••
الشاعر/ سعيد بن مقبل الأكلبي