هــــــداج.!

كل بيتٍ يستحق البقاء… مكانه هنا"

[هــــــداج.! @51___1w]

مشكله لاصرت ما عاد تدري وش تبي
كنك اللي في ايده السيف ويدور عليه.

[هــــــداج.! @51___1w]

خشومنا أعبر من خشوم المحاديب
و خشوم [ ملّاك الملآيين ] فنسى ـآ

خليْت مخابينآ .. من مزارق الطيب
ولا عاد نلقى اللي يسلف و ينسى

[هــــــداج.! @51___1w]

تمثل لي انك هيئة الامو بالمعروف
وانا عارف انك المنكر اللي نهو عنه

مقتبس.

[هــــــداج.! @51___1w]

يا عديل الروح خذني على الصدر الحنون
و أعتبرني زيت زيتون مقريً عليه'

[هــــــداج.! @51___1w]

ياموطن الروح والظاهر فضح مابطن
لا تشهرين العيـون ... اعمارنا فانيه

بحل قيدك لو يقولون .. خاين وطن
واوعدك ما كون " خاين " مرةً ثانيه

- متعب العتيبي

[هــــــداج.! @51___1w]

عليه اتلهّف يوم مال الظلال عصير
مثل لهفة الزاهد على الحور والجنه

تصير الفجوج الواسعه مثل عين الطير
الى راح وانا ماسمح خاطري منه

- جابر النشيرا

[هــــــداج.! @51___1w]

عبدالله السراهيد :

لي أيام سارح ما يشد أنتباهي شي
يمر الكلام المختلف كنه العادي !

تحاصرني الدنيا واموري مثل ماهي
والازعاج يملي مجرياتي وانا هاادي

[هــــــداج.! @51___1w]

اخذني من كل شي فيه حقران ومهونه
تدري أن مالي على التهميش والإهمال قدره

— عويد النجود

[هــــــداج.! @51___1w]

حبيبة خيالي و الحقيقه على الاشهاد
رفيعة مقام و بنت من منسبه عالي

فداك القصيد اللي زهى ليلك المنقاد
كثر ما تجي و تروح و تمر في بالي

هذا العيد من دونك تجلوا عن الاعياد
انا الحالي اعايدك و احبك الحالي

تحت دبرة الوالي احبك غلا و عناد
مالي قوه بقلبٍ تحت دبرة الوالي

خذيتك على وضح النقى و السيوف حداد
ولا زلت احبك وانتي الجوهر الغالي

سليلة هل الفعل المخلد على الامجاد
وريثة شجاعٍ يقرع الموت من تالي

اشوفك سماء نجدي و اشوفك وطن وبلاد
و اشوفك تعب صبري و حلي و ترحالي

مرام الكريم و غايته و الظروف جهاد
انا منك لا سامح و انا منك لا سالي

تركت الغلا يكبر على شوقي الوقاد
مثل ما تركت الكل و المحتوى الخالي

نديمة نسيم الصبح و ملاوع الاسهاد
جعل فدوتك صبحي و ليلي و عذالي

يزيد الزمن جوره و حبك بعد يزداد
كذا حبك الصادق من اول و من تالي

انا ماني بـ سالم ولا ني ولد شداد
انا واحدٍ حبك ولا هوب متشالي

لقيتك بعد غربه و ضيقة حزن و ابعاد
مثل ما لقيتك حلم في مركب امالي

اصوغ النوادر و اتمادى بحرف الضاد
زهى وجهك اعجابي و حبي و موالي

[هــــــداج.! @51___1w]

أحيان اسلم من اجل تأنيب الضمير
واحيان لا اسلم— ولا ارد السلام .

—مدغم ابو شيبه . ( كفايه مجامله ي مسلم)

[هــــــداج.! @51___1w]

أصوم عن كل حاجه غير " ذكراه "
ذكراه حاجه عجزت أصوم عنها !

_ بندر الدويش

[هــــــداج.! @51___1w]

من ليلة البارحة.. كني على جال نار
ياطول الأفكار في بالي .. ويا سمنها

لاذت جميع الحلول الممكنه بالفرار
مدينتي .. خوفها، حلّ بـ محلّ أمنها

أحلامي الواقفة! في صالة الإنتظار
يؤسفني إنّك مراح تكون من ضمنها.

عبدالله السراهيد.'

[هــــــداج.! @51___1w]

اما عن مكالمات تالي الليل المليئة بالمشاعر قال لنا .. خلف بن فنيس:

يوم استهل الكلام العذب وأسكرنا
مدري رقدت امس ولا عادني سارح؟

قالت لي احبك ، البارح .. وسكرنا
واصبحت واحبك اسمعها من البارح !

[هــــــداج.! @51___1w]

- يقول سورين كيركغور:
« أشدّ اليأس أن يعجزْ الإنسان عن الهرب من نفسه. »

- ويقول عبد العزيز خلف:
« قدرت اتحاشى زحمة الناس بين الناس وعجزْت اتحاشى زحمة الناس في راسي »

[هــــــداج.! @51___1w]

لا طاح معكاز الهقاوي على القاع
اثبت على ساق الصبر في محلك .

[هــــــداج.! @51___1w]

حاولت فيك وصرت كنك ولد نوح
ناداه ابوه .. ولا ركب فـ السفينه .

عايض العاطفي

[هــــــداج.! @51___1w]

وجُب التنويه :
" بتحدك مقادير الدهّر والليالي العوج
على جمرةٍ مالك على لمسها حاجه " .