ِ

شخصٍ عليل يداويه الشعر

[ِ @5I0l2]

مابكينا من مفارق ولا حب ولا حنين
مابكينا الا على قبور سمحين الجناب

ما شعاني فالحياة الا مقصور اليمين
ندفن النشاما دايم وهو فوق التراب

[ِ @5I0l2]

الناس ما يتبعون الا الرحوم الودود
راعي الجناب الدماث الي بوجهه حيا

ولا يقطع ارزاق خلق الله يا كود الحسود
الخيـر ما يفعله فيـهم يا كـود إتقيا

و ان كبرت الهقوه الي ما وراها حدود
بعض المشاريه من بعض الرجال ابريا

- سعد بن جدلان

[ِ @5I0l2]

ليت رد الجمايل مثل رد السلام
لكن الله جعلها مثل دين و قضى

كنها في يمين اللاش برد و سـلام
و كنها في يمين الحر جمرة غضى

- ناصر النـسي

[ِ @5I0l2]

على هامش الذكرى وقفت اناظر الي فات
لقيت اجمل ايام العمر اصبحـت ماضي

[ِ @5I0l2]

يرحمك راحم الأموات يا حبً تهايل عليه التراب
ما بقى فيك عرقًا ينبض إلا ذِكر الاحباب لـ حبابها

[ِ @5I0l2]

الكلام الحقيقي تجربتنا جامعة للخطأ و الصواب
و ابرز عيوبها يوم الليال السود ما نحسب حسابها

- سفر الدغيلبي

[ِ @5I0l2]

الكلام الحقيقي تجربتنا جامعة للخطأ و الصواب
و ابرز عيوبها يوم الليال السود ما نحسب حسابها

- سفر الدغيلبي

[ِ @5I0l2]

ما يغسل الكبد عقب الكذوب الا الصدوق
و ما يبيـن قيمـة الطيبين الا الـردي

- عبد الله بن شايق

[ِ @5I0l2]

تصبـر تراني واثق ان الزمـن دوار
ولا احدٍ درى عن ضيقة ٍ ضيقت صدري

مثل ما تجيك الكربه الي بدون إشعار
يجيك الفرج من خالقك و انت ما تدري

- راشد بن قطيما

[ِ @5I0l2]

كبدي لكل ارماح صدك تصدت
و القلب عز الله للحزن خيال

و العين بـ دموع الحسايف تبدت
و الحال ويش الحال ما عاد به حال

روحي مع مشراف الاحباب عدت
عـدت و لكنها مع راس هيـال

تحبـني لكن عزومـك تردت
ما احتلت في ��صلي مثل منت محتال

- محمد بن فطيس

[ِ @5I0l2]

الله يعـز الوطن و يعـز حكامه
إخـوان نـوره سلاطيـن السعـودية

في ظلـهم ما طـغّـت هامة على هامـة
بـ الدين و العدل و الأحكـام شرعيـة

#السعودية_العظمى

[ِ @5I0l2]

يالله بـ حظ ما يحدد بـ مقياس
يخرج من بحـورٍ بعيداً فجاجه

وسط البحر عايم و هايم و غطاس
فوق البسيطه ما يهاب المواجـه

سيلٍ حدور و يروي اوطان يبـاس
حتى البحر لو جاه غيّـر هماجه

و ان كان في رجله لـ فوق الجبل داس
خلا صخوره في سماها عجاجـه

- سليم الجهني

[ِ @5I0l2]

للشوق من صوت الطواريق ميعاد
غنّى جديده من قصايد قديمه

خلّوه يسلى ما بقى للغلا زاد
إلا جروحٍ بـ الحنايا مقيمه

استوطنت صدري و صارت له بلاد
تبكي على اطلال النديم و نديمه

ما عاد يا ليل التباريح ما عاد
سدّل ظلامك و العواقب وخيمه

- مشاري الرشيدي

[ِ @5I0l2]

امنية الليلة :

[ِ @5I0l2]

جعل يسقى لا استدارت و هبت من جنوب
يرجهن القلب و العين يغشاها الكرى

- مقبل العرجاني

[ِ @5I0l2]

جعل يسقى لا استدارت و هبت من جنوب
يرجهن القلب و العين يغشاها الكرى

- مقبل العرجاني

[ِ @5I0l2]

انا خاطري مدري وش الي بلاه و جاه
مثل بيت بـدوٍ قام يلعب بـه الذّاري

- مطرف بن شارع

[ِ @5I0l2]

شيٍ ما جا بـ الرضى ما يجي بلوي الذراع
لو قعدت العمر كله بلا أصحاب و وليف

- ماجد النصيف

[ِ @5I0l2]

انا اتحدى يشبه ملهّي إنسان
في رفعـة اخلاقه و قوة جنوبه

ابـو سلامـه ماكنً وين ما كان
على المعالي ما يلاقي صعوبه

لا غابو الغيّاب في المعضله بان
لِبس النعم بالفعل لبسه لـ ثوبه

#ملهي_سلامه

[ِ @5I0l2]

عاشق الماضي و كاره حاضري من دونك
ويش ابي فالحاضر إلي منك ماله ماضي

- سعـد الهاجري

[ِ @5I0l2]

حن قلبي مثل حنات اللواري
سايقينه روسهم ما هي خليه

كل منهم مع طريقه ما يداري
المهـم انه يبي يسبق خويه

و الحديث الي مهوب م�� البخاري
ما تميّـز بين حسنـاتـه و سيّه

كبدي الي وسطها مثل الشباري
ما نفع فيها علاج الصيدليه :)

- محمد بن حمد

[ِ @5I0l2]

انا عدو الخيانه و الخنا و البـوار
والله ما ألقي رفيقي فـ اللزوم ظهري

اذا بـدا لازمي ماني بـ ادور عـذار
اسوم وجهي على شانه و ادق نحري

- فارس الحشار

[ِ @5I0l2]

دلة مشاعرك ما فاحت ولا صبت
عط الملاهيف فنجالٍ يذوقونه

- محمد السكران