والله مدري وش ورا ذا الانطفا
ومْحاولاتي جلّها كيف اشتعل
تولّجوني.. بالمشاريه وأفا
وانا ماحب اقسى ولا اداني انفعل
كثْرت معاذيري ولا قالوا كفى
مدري عن الضيقة ولا أسباب الزعل
يبغوني أشرح سر كثر الاختفا..
وانا ما اميّز فعل أو ردة فعِل !
- نوف العثمان وأنا
والله وجتني بك الدنيا وأنا لاهي
لولا الدفا اللي بصوتك ماتذكرتك
هز البطا صورتي ولا على ماهي؟
دار الزمن فيك .. ولا الناس غيّرتك؟
مدري متى مات لك حبٍ على شفاهي
بس أذكر إني سهرتك عمر وأسهرتك
دور وتلقى عساك تعيّن أشباهي
أنا تنازلت عنّك .. كثر ما أخترتك.
- عبدالعزيز العبلان
غريبه الدنيا ؟ ولا يشبه لها غير البحور
ترفع جيْفها فوق وتنزل جواهرها تحت.
- جمال بندر
الجواهر ما تحصل على اسياف البحور
البحر هزله على السطح والجزل اسفله.
- عويد النجود
ما تشوفني أبدي على غيرك غرور
ومعك أضيّع وجهتي بـ التفاته؟
وما تشوفني انثر من اللهفة زهور
لا أقبلت لي والكون عمّ بسكاته؟
وما تشوف إنك تعبر بصدري عبور
وتخلي الحسرة تزيح أمنياته؟.
- تساؤلات عبدالله السرحاني وأنا
عسى ظلما مشاوير المواصل، والشعور الجاف
فدى وجهٍ ماغطى نوره! ألا شعرك المبتل
يا منسوع الجديل، الجرح لا يسمع ولا ينشاف
إذا في خاطرِك تجرحني اجرحني ! تراك بـ حل.
- عبدالله السراهيد