إلى من لا يهـمه الأمـر

اللهم لاتدع لنا ذنبًا الا وغفرته

[إلى من لا يهـمه الأمـر @5_iirexa]

حبيبي لو تضيق الارض وصدور العباد تضيق
يعز إنك علي مْن الزعل — تقطع مراسيلك 

عليك أخاف من جرح الكلام ولوعة التدقيق
وأحنك من قساي ومن قسى الأيام وآوي لك 

لك الله ماقدرت اسلا بعدك ولا قدرت أطيق
تفاصيل الحياة اللي مافيها من تفاصيلك

[إلى من لا يهـمه الأمـر @5_iirexa]

اسوء شعور يمر بالشخص :
أنك تنجبر تترك شخص وانت باقي تبيه وخاطرك فيه

اقسى من الدمع صوتٍ تقتله ونّه
والونّه اللي تجي من شوق غلاّبه

الانسان من كثر ماتغليه وتحنّه
تختار فرقاه وانت تضيع في غيابه

[إلى من لا يهـمه الأمـر @5_iirexa]

ترانا على خبببّرك لو دارت الايـام
تتغير تواريخ السنه وحنا ماتغيرنا

[إلى من لا يهـمه الأمـر @5_iirexa]

من طاب طبنا فوق طيبه بعد طيب
وإلي تردى وش كسب ووش خسرنا

دنيا العنا فيها دروس وتعاجيب
وعلى كثر صكاتها ما انكسرنا

[إلى من لا يهـمه الأمـر @5_iirexa]

وساعه مطيحك يوم هنت العشره اللي ماتهون
والله ولا دمعه من دموعي لقيتك قدها

[إلى من لا يهـمه الأمـر @5_iirexa]

رفيقي اللي كنت اضنك ماتغيرك الضنون
انا اعتبرك الصدمه الي قدر الله صدها

خنجر وحديتك ووريتك مضاريب الطعون
ويوم التفت الها بجربها جرحني حدها

كان اكبر من المستحيل انك تطيح من العيون
وانك لو انك طحت مها سال سيل سدها

[إلى من لا يهـمه الأمـر @5_iirexa]

" لا تشره على مقفي ولا تشره على زعلان
احدٍ تراضيه الايام وواحدٍ تجيبه الحاجه "

[إلى من لا يهـمه الأمـر @5_iirexa]

اقول ابنسى واحسب اني نسيته
الحب الأول صعب نسيان راعيه

عانيت في بعده كثر ماهويته
لا احتلت في قربه ولاني بناسيه

[إلى من لا يهـمه الأمـر @5_iirexa]

أحاول أبعد عن طريقك وأمرك
عيبي على فرقىٰ البشر ما تعلمت

حتى ابتسامة خاطري .. لا تغرك
على كثر ما احتجتلك، ما تكلّمت

[إلى من لا يهـمه الأمـر @5_iirexa]

مادامك بخير … غيري واجد بتلقى
لكن ليا ضقت ، ماتلقى احد غيري

لـ أرشيد عبدالله القفيدي

[إلى من لا يهـمه الأمـر @5_iirexa]

مات الشعور اللي تمنيته يعيش
وعاش الشعور اللي تمنيت موته .

[إلى من لا يهـمه الأمـر @5_iirexa]

« خذني معك في رحلةٍ مالها تشريع
على وين ما تفرق لكن . . لا ترجعني »

[إلى من لا يهـمه الأمـر @5_iirexa]

اخترت نفسي ما رضيت الهزيلات
يقسى عليّ الوقت و أقول عادي

مرات احس الحظ عاثر و مرات
اعاند ظروف الزمن بـ إجتهادي

صعب ولا تعجبني كثرة العلاقات
و بعالمي احب اكون انفرادي

[إلى من لا يهـمه الأمـر @5_iirexa]

متى هقوتك يطفى سراج الزعل ونعود؟
يا شخصٍ ماعاد غياب وجهه على العاده

على كل حال إن طال حبل الرجى المعقود
مصير الغريب — يردّه الشوق لـ بلاده

- صالح بن حمد

[إلى من لا يهـمه الأمـر @5_iirexa]

إكتشفت إن الحياة بـ كبرها قطعة مسافه
تغوي المفتون لين العقل يصحى و ينتبه

و إستعذت من الدروب اللي نهايتها حسافه
قبل ترميني ملذات الزمن في جوف غبه

ما يخاف المؤمن اللي فيه من ربه مخافه
مصدر الخوف الحقيقي واحدٍ ما خاف ربه

[إلى من لا يهـمه الأمـر @5_iirexa]

أنا اعطيك درسٍ فالمكابر على الأحزان
وأنا والله إن بعض .. التفاصيل تحزني

جابر النشيرا

[إلى من لا يهـمه الأمـر @5_iirexa]

لو اخفي الحزن منك ماهو بخافي
الحزن بين علي في وجهي وصوتي

محتاج لي ضمتن في حضنك الدافي
لو انها الضمه اللي عقبها مووتي

[إلى من لا يهـمه الأمـر @5_iirexa]

تعلمت أخفي وجع قلبي عن القوم
وأضحك ولو روحي من الحزن كسيره .

[إلى من لا يهـمه الأمـر @5_iirexa]

عفى الله عنك ياحلم رسمته بالطريق وتاح
وانا في داخلي فوضى حزن واوجاع مختلطه

[إلى من لا يهـمه الأمـر @5_iirexa]

ادري منتب بحلالي وحبي لك حرام
غير جعل الله يكفر ذنوب المبتلي .