بن عـبدالله

لا اله الا الله

[بن عـبدالله @5ak9f]

اللهُّم اجعلنا ممن يأتونَ إليكَ بالدعاءَ
فتأتي إليهمْ بالرحمةِ و الإستجابة.

[لهَف @Nnge]

أعذروني عن غياب ٍ زلّته مدموحه
وأسمحوا لي لين أراجع سيرتي وسجلّي

غبت كليّ والدوافع كلّها مشروحه
أفتحوا كشف الحضور وسجلّوني كلّي

هكذا طعم المحبّه .. حلوه ومملوحه
وهكذا الفرقا مملّه .. والوصال مسلّي

العلم مرفوع يا اللي ترفعون اللوحه
الشحيح يصدّ عنيّ والكريم يهلّي

دام باقي في ضميري نافذه مفتوحه
عبرها ينفذ شعوري لين يبرد غلّي

قلبي المجروح مدري كبدي المجروحه
جرّ عمرك يا النسم بين الضلوع وقلّي

دمعتي تبحث خفاي وضحكتي مذبوحه
هيّنه والصبر طبعي والقناعه دلّي

ما بقا للشعر واهس والهجوس تشوحه
بين منقود الرفيق وبين شرهة خلّي !

أنقرض نسل القصيد وراح راحت روحه
وأكثر الشعّار ولّت والزمان مولّي

أنتكس حاله وحال الساحه المسيوحه
الحصن تضبط وتربط والكديش تفلّي

يا معين الصايبه والمخطيه مسموحه
قام يمشي مع رصيف الشمس..راكب الليّ !

جاك وقت الذرّه المفترّه الدرموحه
عقب باد ( المارتين ) وبادت ( العصملّي )

يفزع الطحطوح وألاّ تفزع الطحطوحه
الدعاوي حطّها وأشتالها بامجلّي

كيف صدّرت الفتاوي يا بناخي توحه
وأنت لا تعرف تصوم ولا تعرف تصلّي ؟

كلّ ما هبّ النسيم أستنزلت منفوحه
والعليّا يا ماشاء الله حظّها متعلّي

القضيّه بين شمطان اللحا مطروحه
ينقطع حبل النفاق وعقدته تنحلّي

طاوله وأربع كراسي وأمسيه وأصبوحه
والله الله .. مير حلّي يا حلاوه حلّي

- سداح العتيبي

[بن عـبدالله @5ak9f]

لك سيرةٍ بالمحبه ما اقدر اخلفها
لو هي سبايب سهر عيني وغربالي

[بن عـبدالله @5ak9f]

من يشوفك ولا قدّم الحب والاجـلال
من يفارقك . . ولا قضى عمره ينادي ؟

خذ الوصل حيطه لا تعود على الاهمال
ولا تكسر فوادي . . قبل تكسر عنادي !

لا تنقاد لـ الفرقى و انا شاعر و رجـال
احب اتعوّد . . بس ماحب معوادي (:

[𝖺𝗃𝗆𝗂 @ll6eq]

ما ينقاس حبي لك على حسبة الاميال
رغم بعدك الجغرافي . . إلا انك بلادي

يا لبيه . . لا طرّفت لي طرفك القتال
ابعلمه وشلون ادلـه . . وانـا غادي

يطل القمر لاجيت اشوفك على الاطلال
واميّز من العادي . . و من ثالث اعيادي

ليا مال قلبي . . في رجى عودك الميّال
تمايل وهد القلب بـ سلوبك الهادي

مفادي عيونك يا عيوني بـ حال . . ومال
ولي الشرف لا صرت لك عاشق مفادي

ماهو عادي ابيع العمر . . دون حبة خال
لكن لا غدا خالك زبون " ونعم "عادي (:

مرتب لك ظروفي لجل . . نرسم الامال
قبل لا أرتب لك من الشوق ميعادي

من يشوفك ولا قدّم الحب والاجـلال
من يفارقك . . ولا قضى عمره ينادي ؟

خذ الوصل حيطه لا تعود على الاهمال
ولا تكسر فوادي . . قبل تكسر عنادي !

لا تنقاد لـ الفرقى و انا شاعر و رجـال
احب اتعوّد . . بس ماحب معوادي (:

[بن عـبدالله @5ak9f]

"تعالي .. والطّريق اللي تجينه تزهر أوراقه
أجل وش ظنّك بقلبي لو الليلة تمرّينه".

[بن عـبدالله @5ak9f]

مْلكتني ثلاث حروف وتملّكني الذهول
من محيّاك لين رمشك وآخرك لين أولك

يا خشير الروح ما ترضيني أنصاف الحلول
لدّ عينك للحياة وشوفني مستقبلك

بإنتظار الليلة اللي نلتقي فيها وأقول
" يا بعيد وجابك الله لين عندي وصّلك "
❣️

[بن عـبدالله @5ak9f]

إن تحالفتو علينا .. ماعلينا
ماقوينا إلا من أسباب التحالف

ومن سواياكم فلا خوف علينا
ماخبرنا عندكم غير السوالف

و مانخاف إلا عليكم من يدينا
إن سلمتو من يدينا ما يخالف

[بن عـبدالله @5ak9f]

أنتِ شعاع الشمس وأنسام الخيال
وأنتِ حقيقة للخيال وعتيمة

أنتِ نهارٍ يعقّب أفكار الليال
وأنتِ جوابٍ للسؤال وعليمه

لو يميل الحظ والعالم كله تمال
أنتِ اللي من بدّهم مستقيمة

[بن عـبدالله @5ak9f]

يوم جاء وجهك صباحٍ فيه ما للضيق داعي
جادت الدنيا سلام، وسافرت بالعين قرّة

للسّماء قبلة عيونك، لأوَّل دروبك مساعي
لآخرك نجمٍ قديم، وفي وهَج وجهك مجرّة

كيف أشوفك في فتور من الهوى وأنت إندفاعي؟
شايفٍ فيك أجمل أيّامي.. ملذّات، ومسرّة

[بن عـبدالله @5ak9f]

عزيزة نسب وأطهر من الديّن التواب
رفيعة مقام . . هان عمري ولا هنتي

تمرين ويصير السماء خيرها صبّاب
وتزين الأراضي كل . .ما أنتي تزينتي !

احبك كثر ما اشوف طيفك على المرقاب
وكثر ما تماديتي . . على جرحي ومنتي

فداك الشعر والناس والحلم والأحباب
وأنا والسنين المقبله . . وين ما كنتي (:

[بن عـبدالله @5ak9f]

الوكاد اني عليك من الهيام امشي و أشبه
يا حبيبي والسلام ورحمة الله و بركاته

- ناصر مناحي

[بن عـبدالله @5ak9f]

والله ما أرضى البدايل فيك و الخِيره
لو العَوَض فيك رزقٍ كثره يْهوّل

وإن مر طاري المفارق شوف لي غيره !
أنا مطوّل و حبك شكله مطوّل

[بن عـبدالله @5ak9f]

كأنها وسط الجَهل // رايٍ سديـد

[بن عـبدالله @5ak9f]

هلابك من قدمك لغرّتك ليا شعرك المنثور / هلا
في كل شي فيك — وانتِ احلى مساييري

[مزيد الوسمي @mzed_9]

الله على اللي كلمته شانها شان
ما كل شيٍ لا لقاها .. غرفها

والألسن اللي مالها سرج وعنان
لا مرت صحاح الدروب تحرفها

كثرت مزهبة البنادق بالأكوان
لو بالحقيقه ماهيب تحترفها

حتى على نفسي وهي نفسي أحيان
صارت تجيني سالفه ما عرفها

[بن عـبدالله @5ak9f]

عيونك لا تدربى دمعها في وجهك المملوح
ترى كنك تدربي في خفوقي من حصى الحره

[بن عـبدالله @5ak9f]

ما فلج قلبي يا كود المحبه والسحى
والقلوب اللي تكلم وتخفي ماتقول

لا بغيت أسج قلبي بطاريك أنتحى
وكل ما جينا بننهي قضيتنا تطول

ادرك الموضوع حد الشعر فوق اللحى
لا يجي حمل ينوخ ثقيلات الحمول

من دخل غيبوبه احلام حبك ما صحى
كثر خيري كاني منك مارحت مهبول

[بن عـبدالله @5ak9f]

تزينت لندن / على شان طاريك
وغنت شوارعها بدوبك و هونك

حظ المكان .. اللي تمره خطاويك
وحظ النسيم اللي يعانق متونك :)

[بن عـبدالله @5ak9f]

سـيّدة عذب القصيد وسـيّدة شبه الجزيره
صوتها ملح الحياة وعينها حد الشباري

من غلاها اشوف ضيعة خطوتي لا ضعت خيره
ومن هواها ما عرفت الا محطات المساري

غايضت بنت الامير وغايضت بنت الاميره
ما بعد ذاك الغرور الا الهبوط الاضطراري

[بن عـبدالله @5ak9f]

الاقيك في مطلع قصيدة ونسمة نود
وفي البدر لا ضوّى .. وفي الورد لا ندّى

وفي كل طرف أدعج وفي كل ضامر عود
وفي وجه من لبّى وفي صوت من فدّى