كساب

[كساب @5b2z1]

الحسن بن هبه المكرمي🤍

[كساب @5b2z1]

تبآ للشعر مآ أجمله /

[كساب @5b2z1]

تبآ للشعر مآ أجمله /

[كساب @5b2z1]

شاركونا /
اجمل مطلع قصيده :

[كساب @5b2z1]

المبدع : عبدالله السراهيد
الله عليييك ي عبدالله والابببببداع /

طاول الغيم يا راسٍ شموخك جبلّه
وإترك القاع ما لك فيه صوله وجوله

الشيم وإعتزاز النفس مذهب وملّه
من تمسّك بها يمسك زمام الرجوله

النزيه يْتسامى ويتوكّل على الله
ما يخيب الرجا في حيل ربّي وحوله

والخبيث يْتلوّن كلّ فتره بْـ حلّه
حسب ما تقتضيه المصلحه والسيوله

الرجال أفلحوا واللّي يراوح محلّه
تتبعه معطيات الشكّ وتحوم حوله

يا رهين الشقا من زاد حسده وغلّه
يشرب مْن البحر ويقيس عرضه وطوله

سولف إن جاء مجال الهرج دقّه وجلّه
ساعدتك الظروف تْعيش دور البطوله

فـ التفاصيل وغياب الحجج والأدلّه
كلّ من زاد فيه النقص يشعب ذلوله

ودّي إنّك تطيب وتاخذ المدح كلّه
لكن الطيب شيٍّ ما يجيك بْـ سهوله

أوسع مْن الطريق الضيّق اللّي تدلّه
وأعمق مْن الكلام الفاضي اللّي تقوله

[كساب @5b2z1]

تبغي تعلم ضنى يام حامين السلوم
وانت ما تعرف من السلم قيد الامثله

عندنا الرجال يقلط مقدر ومحشوم
يوم ضيفك يبذل الطيب ونت تفشله

بيض الله وجه هادي جعل حضه يقوم
كلمته فالحفل تضرب عليها الامثله

مساعد بن خشمان

[مشـعل راع النخبتين ⭐️⭐️ @hf_d8]

🙂🙂🙂🙂🙂🙂🙂🙂🙂🙂🙂🙂

"لاتجي في محل مطير وتهدي" !!

ونعم في مطير وفي يام لكن الرجال ابد ماوفق في كلامه ما اعرف الموقف كامل لكن الواضح ان يامي اهدى يامي في محفل مطيري والرجال ذا زعل لانه اهداه في حفله غرييب

[كساب @5b2z1]

يقول محسن مترك . عابر /
ابيات في محبوبته بالحب الصادق

أنتي بنت رجالٍ سنافي ومقدم قوم
وأنا غرّة بيوت الرجاجيل ما اكشفها
-
ماودي اسهب والفت انظار الرجال
وانا من اللي لاهتوى قلبه خطب
-
انتي عفيفه عرض وانا حمر عين
من نزوة الهفوات بيض ثيابي
-
الحب ستر وذرى وأمان قبل القصيد
وأنتي ستيرة وبنت أصول وأنا رجل
-
أما حبيبة قلبي وراس مالي
والله ما أعرضّ وصفها لـ الرياجيل
-
أنتي ستيرة عرب وأنا ولد راس قوم
في وجهي ووجه أبوي إنه مايلحقك أذى
-
سترت حبك مادرى كاين ِ كان
وحتى بيوت الشعر فيها سترتك

[كساب @5b2z1]

سلطان الحويقل /

حي الرقاب اللي مثل علط الارماح
وحي الوجيه الضافيه والخليقه

تبى تبديكم على صيهد رماح
وتبى تولع فى المزاين حريقه

هاذي عوايد فعلها حمس الارواح
وهاذي مطيرت الخصم في دقيقه

[هود🇵🇸 @hoood_q8]

ياحي صدرك يالحويقل اليا فاح
تقول يطرد له من الصدر ضيقه

- مجاراة فارس الحشار لسلطان الحويقل ، اللي عنده ابيات الحويقل يرسلها ولا تهونون

[كساب @5b2z1]

المببدع شقير الجذع /
ملك شعر الغزل وتوجاد لله دره ابداع

وجودي على حيٍّ سنحناه ما جيناه
أشوف المباني مير أنا خطوتي عجله

وجودي على شوفة لطيف الحشا وجداه
وجود الكسير اللّي مشى الكسر مع رجله

لْيَا جا ينام كْسور عظمه بقت تشظاه
يجرّ الونين وْونّته ما تفرّج له

على صاحبٍ لو قلت أبا أنساه كيف أنساه
قضى العمر في حبّه وأنا صابرٍ لـ أجله

عشيرٍ جرحني بـ الهوى جرح من يرفاه
بْـ زين الوصوف ورمشه اللّي غطى نجله

على حجر عينٍ كنّه البرق من منشاه
على ساقية ندراً من الوسم مندجله

��ردها على روس النوازي تقسّم ماه
مطرها حقاق وسيل ماها هذا عجله

تقضّ الحزوم وكلّ وادٍ سرى بـ مْلاه
يزلزل بها الرعّاد والمزن يفلج له

طويل المعنّق ضامر البطن والمثناه
لا شافها راع المحبّه طمع بـ أجله

يجرّ الونين وموته اللّي مْوجّل جاه
يا كود الله اللّي كوّن الكون يفرج له

وأنا أقول يا ويل المهاوي منه ويلاه
وأنا منه ويلي لو هرج لي وأنا أهرج له

وألَا يا حليّ اللّي لْيَا أوحى وحى جلّاه
تقود الأوايل والغزيّل تعروج له

تقود الجوازي عن وطى الحزم مع مقراه
وتربّ القفور اللّي غطت نبتها العجله

وألَا يا عيون مقرنسٍ عاليٍ مجناه
تنهّض بعد شاف الحباري تدارج له

توايق على جوٍّ خلا طايلٍ مرعاه
لْيَا الخرب واقف والحباري تهادج له

وألَا يا غزال الريم أنا منك في مأساه
أحبّك وروحي من سبايبك منسجله

ترفّق بـ حال اللّي بلي بك وشفّ بلواه
وقلّه يجي ولّا إنت سجّ القدم وإج له

ترى لـ الوصل لـ مْولّعين الغرام دْواه
وكثر الجفا لـ الحبّ يقضي على سجله

يا أبو لبّةٍ كنّه شعاع القمر حلياه
ويا أبو كفٍّ أبيض من بياضه زهى حجله

[كساب @5b2z1]

المبدع رفعان العرجاني /
يسلام عليك مبدع مبدع الله يصح السانك ؛

أنت تسمع زين ، ولا فيك خِلّة ؟
من عصير أقول روحوا .. و إتركوني

حطّ جوالي على الشاحن و خَلّه
و صدّ من وجهي ، و صكّ الباب دوني

آه يا شين النهار ، و حسبي الله
يا الزمان اللي ما يشبع من طعوني

راس رمح ، و حد سيف ، و جمر مَلّه
كان لي منها علاج ، فـ علاجوني

أقبلت بيض الليالي ، مسفهلّة
و قَرت عيوني بعد قُرة عيوني

و فز قلبي للحرير ، أبغى أستحلّه
و هز جسمي كلمةٍ في تيلفوني

عشت حزن ، و همت وجد ، و ذقت علّة
و ما بقى الا هوني .. ولا أرضى بهوني

أكسريني يا الـ حلام المضمحلّة
و شيّبي عيني ، و شبّي في ردوني

و أقطعي شريان قلبي من محلّة
قبل تقطع حشرجة صدري ، لحوني

العوض فـ اللي خذاه الوقت كلّه
شيمةٍ لو تندفن فيّ ، أدفنوني

جعل فدوة راعي السود المظلّة
مجتمعنا ، الواقعي و الـ إكتروني

يا حبيبي ، خلّ دمع�� لا تهلّه
هلّ دَمعي عقبك ، و جفت جفوني

[كساب @5b2z1]

الله علييك يا مطرب دحيم
مبدع مبدع ولا غرابه عليييك الابداع /

غزيل الريف حقه من قطوف الثمر
جارية الانهار والممشى الاميري يمين

رجلينه تقول فيها مثل ياي الهمر
ياطا على ياي ماياطا على كاحلين

حتى الحزام الدمشقي لو يمسه ضمر
شلون مدري ماعرف حزامه يروح وين

انا ليا شفت وجهه كأني اشرب خمر
هذا ما هو آدمي هذا خمر مسلمين

بمكعبات الثلج اللي مابين الجمر
وحجارة التلمسان اللي على الحاجبين

والدقه المخمليه ،، والخمار الحمر
والورده الطايفيّه والشهد واللجين

بالله أبنشدك يوم إن القصّيد أنهمر ؟
والسطر ما فأخره نقطه ولا نقطتين

غريبه العالم اللي يعشقون السِمر
إن كان شافوك زين وشافو البدر زين

ما حطوا مقارنه بينك وبين القمر
أوجدّ ثلاثة "فوارق " بين ها الكوكبين !

[كساب @5b2z1]

الل�� عليك ي عناد الشيباني /
ابداع ابداع غير مستغرب لله درك مبدع

-
سليم سليم ويش .. اسوي بـ سدٍ باح
وانا ما طرالي عنه اسولف ولا انوه

عيوني تبى المسرا وقلبي يبى المسراح
وعقلي يقول : بكيفك اللي تبي سوه

تناقضت مع نفسي على حزة المرواح
مع ان الحزن في خاطري شاعمٍ ضوه

والارض الوسيعه ما تبي وصف والا ايضاح
سباريتها فيهااا .. عن الضيق تلهوه

تعبنااا نحسد الطير يوم ان معه جناح
وهو عيشته ف الارض مااهيب في جوه

سليم سليم عطني .. الجيب والمفتاح
ولا عاد ابيك تدور .. اللي منه خوه

معي ضيقةٍ يوم .. اتلقا الخلا تنزااااااح
يا زين الخلا .. حتى ولو دربه ايتوووووه

متاهاته ارحم من قلوبٍ مهيب اصحاح
ومن حاجةٍ لـ النفس .. ماهيب محلوه

على اني من اللي يعشق الصبر والإلحاح
لكن الليالي ما تبي .. ( صبر وفتوه )

ياكم حاجةٍ صديت عنها عشان ارتاح
مهوب اي حاجة .. لازم تصير بالقوه !

عقلت وقعنت بحظي ان قام والا طاح
انا مؤمن بحكم القدر خيره وسوه

من يعلق احلامه على رجعة اللي راح
مثل م�� حذف جثة حواره واخذ بوه !

حياتي بلد لكن .. ما تقبل .. السيااااح
وقلبي على قطع .. الدير عنده جروه

مانيب محدود اجامل الحاقد المزااح
واضيع بعض وقتي .. على ليته ولوه

ضعيفٍ تقول : يشيل فوقه حصاة ارزاح
على الدنفسه والغطرسه عايشٍ جوه

عرفنا دواء نقص الفتامين والأملاح
لكن البلا اللي ينقصه .. عرف ومروه ؟

مشاكل بعضنا .. ماتبي حرب والا سلاح
ولا فلسفة عالم .. ولا شاعر مفوه ..!

ياليت الورش فيها لبعض العقول اصلاح
ونقدر نصلح .. كل خربان .. ومشوه

[كساب @5b2z1]

' وجهت نظر تتفقون ام تختلفون :
عندي قناعه جابر النشيرا افضل من اخوه صالح /

راحت بقلبي مثل ما را�� حكم الشريف
مراح غرسً جرفه السيل يوم انجرف

وان مال ذاك القوام المنصهر يالطيف
غصنً لا هب النسيم يميل منه طرف

اطيح طيحة قوي ماهي بـ طيحة ضعيف
طيحة شجاعً هزمه الحب لين اعترررف

الله عليك ي جابر النشيرا ابداع 👏👏

[كساب @5b2z1]

الله عليك ي جابر النشيرا /
ابداع ابداع من اجمل قصايد الغزل

من شاف وجه القمر فالارض حطه وليف
حتى لو انه على حذ السراط انحرف

مضارب رموشها اللي حدها حد سيف
مكانها الصدر واللي غيرها ف الطرف

في مثل هاذي العيون اللي هدبها كثيف
تسلم الروح ويموت الشجاع بشرف

[كساب @5b2z1]

الله عليك ي جابر النشيرا /
ابداع ابداع من اجمل قصايد الغزل

من شاف وجه القمر فالارض حطه ول��ف
حتى لو انه على حذ السراط انحرف

مضارب رموشها اللي حدها حد سيف
مكانها الصدر واللي غيرها ف الطرف

في مثل هاذي العيون اللي هدبها كثيف
تسلم الروح ويموت الشجاع بشرف

[كساب @5b2z1]

مفرده الليله ( كن )

كنّ في راسي من البارحة سكة قطار
و كنّ في صدري من الضيق هبّاب و جمر

و أنتم وش تحفظون يا مبدعين شارككونا ؟

[كساب @5b2z1]

ياملح الأيام عيت تستقيم البخوت
لي عقد أحاول وأحاول غير مالله قسم

عيو عليك الحرار م��رعين البيوت
صوارمٍ في مجالسهم يفوح الدسم

زبدة خليط الكلام اللي يهتك السكوت
يبقى وتبقين في خيرة قصيدي وسم

والله مانسى معاريفك علي لين أموت
مادام فالقلب نبض وفالريايا نسم

سعود مبارك

[محماس @Al_ruwqi_511]

وش تحفظون لهم؟

[كساب @5b2z1]

ناعم العود لا مرّ النسيم الجريد
مّر طاريه والذكرى رمت نردها

ليت الأيام ترجع وأعشقه من جديد
فاقد سنيني العطرة وماء وردها

أثر الأحلام لذتّها وهي من بعيد
وش هي أحلامنا ؟ لولا تعب طردها

ليلة مفارقه سافرت فيها وحيد
ليلةٍ كنت أخاف أموت من بردها

سعود مهدي

[كساب @5b2z1]

يسلاام عليك يبو طفلان ابداع ابداع /
غير مستغرب لله درك 👏👏

امشي معك لو ما عرفت الدرب وين
ما قلت لك ما طال من شيً قصر

ان قلت نهر النيل حول الرافدين
بوافقك واقول دجلة في مصر

المشكلة سلبت غير القلب ، عين
ولا كفاك ان زينك اعجوبة عصر

ضيعتني بين الثغر و الوجنتين
ضيعة فقيرً في ممرات القصر

ما كان به عذروب في ذيك السنين
الا انها مرت مثل لمح البصر

هزيمتي ما هي بمره مرتين
كل ما بغيت اعدها ما تنحصر

ضحكة منها مثل من عنده يقين
انه لو يدوّر على النصر انتصر

[كساب @5b2z1]

اللي يصادف هالجمال يْدوخ
يسحب على الإنذار .. حرفيًّا

ليه ألتفت و أدوّر الصاروخ
قدّامي الصاروخ شخصياً

#صفارات_الانذار

[كساب @5b2z1]

اجمل منظر وصوت عند البدوي /

[كساب @5b2z1]

محبه علي الدعيه لخوه الغناوي /

الله علييك ي الدعيه ابداع ابداع جعل محبتكم دايمه

يالغناوي كيف حالك عساك الى بخير
والله اني عاد فيني على البر شفقه

رحت منك ونت ضايق ونا خوك الصغير
اتضايق كل ما شفت كن فيك اغلقه

/

نصده بيت الغناوي عما عين الحسود
ولد ابوي ودرع جنبي ليا در البرا

من فراق اخوي كني على الكبد مهبود
خل يسمع من سمعها ويقرا من قرا