بخيت آل زايد

[بخيت آل زايد @5b_]

أساير الوقت والضيقة بصدري،
وأضحك وأنا من داخلي منكسر.

[بخيت آل زايد @5b_]

سيبقى قلبي أجمل قلب مرّك .. ولا ضرّك

[بخيت آل زايد @5b_]

على اني من اللي يعشق الصبر والإلحاح
لكن الليالي ما تبي ..( صبر وفتوه )

ياكم حاجةٍ صديت عنها عشان ارتاح
مهوب اي حاجة .. لازم تصير بالقوه .

[بخيت آل زايد @5b_]

يا هلا بك كثر ما أعلنت الوداع
عن دروب أشوفها ما هيب لي

وعن وجيهٍ تلبس البسمه قناع
حدها لمس البساط المخملي

يا حبيبي ، والمحاني لك وساع
منزلة قلبك .. غدت من منزلي

كنت أقول انك شبيهي بالطباع
تنعكس في صورتك صورة هلي

لين عشتك بـ المحبة والضياع
واثر لك قلبٍ " أحنّ منّي علي"

[بخيت آل زايد @5b_]

من البارح وأنا بين الكلام وصمتي المعهود
أحرر لك عبارات المعاتب وارجع اسجنها

حبيبي يا أكبر أطفال المشاعر واخر العنقود
تحت عيني كبرت و وسط قلبي تامر وتنهى

ما حزّ بخاطري غير الكلام الجارح المقصود
لو إنها رميةٍ من غير رامي ماعليّ منها .

[بخيت آل زايد @5b_]

ما يصنع القيمه " غياب وتواجد "
ان كان ما للشخص قيمه وتأثير

عرفت الانذال .. وعرفت الاماجد
والما هو اللي يفرق البير عن بير

احب قرب اللي يحب المساجد
وماحب قرب اللي يحب الدنانير

لا تدور اللي عنده " الخير واجد "
دور على اللي فيه واجد من الخير

[بخيت آل زايد @5b_]

يقولون الحذر لماح واقول الحذر خواف
كلام اللي يغامر والعمر في دبرة الوالي

[بخيت آل زايد @5b_]

تمهَّل لا تغافلك اللّيَالي — و السنين طوال
أنا للحين أغنّي في عيونك و أنت تستاهل !
_محمد السلطان .

[بخيت آل زايد @5b_]

"يقدّيني ضميرٍ حي و قلبٍ يجسر الصعبات
يكفيني لو إني بس أنا من يكسب إعجابي "

[بخيت آل زايد @5b_]

من معطيات التجارب واختصار الكلام
انجح عقول الأوادم فالزمان أربعه

من فضّل الصمت لازادت هروج الأنام
ومن ينثر الطيب لاشاف العرب تجمعه

ومن شاف زلة رفيقه تو عينه و شام
ومن برّ في والدينه برّه بينفعه

[بخيت آل زايد @5b_]

" مالك مِن أيامك إلا صالح أعمالك
ولا أنت جثه .. وأعز الناسَ يدفنها ".

[بخيت آل زايد @5b_]

فَاصْبِرِي يَا نَفْسُ حَتَّى تَظْفَرِي
إنَّ حُسنَ الصبرِ مفتاحُ الظَفَرْ

[بخيت آل زايد @5b_]

وجهك اللي مستعد اعيش له واموت حوله
يا كثر مافي " تفاصيله " وجودي وانعزالي

والعيون اللي قبل شوفك من الدنيا ملوله
صار يملاها الشغف حتى وانا اشوفك قبالي

الحظيظ .. اللي لقى بعيونك النجلا قبوله
من يلومه لا زهد في الامنيات وفي الليالي ؟

[بخيت آل زايد @5b_]

الحلم له نافذة .. والرزق بابه كبير
لا تقفل الباب! وتعوّد على النافذة

[بخيت آل زايد @5b_]

ياخاطري لاباح صبرك ومليت
مالك عن المقسوم صده وحيله

ان زان حظك جاب لك ماتمنيت
وان شان خـّلا الهينه مستحيله .

[بخيت آل زايد @5b_]

صباح الخير ، اما بعد :

لولا هقوةٍ تشرق علي كل مطلع نور
ما حققت من غايات عمري ولا غايه

[بخيت آل زايد @5b_]

“ يجازيك الله على صدقك، وسلامة قلبك، وصفاء نيّتك، وتمنّيك الخير لغيرك، فتجدهُ يُسخِّر لك الأحداث، والمواقف، والأشخاص، من حيث لا تحتسب، وتجد الخير يسعى إليك من حيث لم تطلبه، ذلك أن الله صدَق وعدهُ إذ قال: "إن يعلم الله في قلوبكم خيرًا يؤتكم خيرًا" “

[بخيت آل زايد @5b_]

واحدة من الايات العجيبة
( إِنْ أَحْسَنتُمْ أَحْسَنتُمْ لِأَنفُسِكُمْ)
يعني حتى الخير اللي تسويه للناس ، بالنهايه انت قاعد
تسويه لنفسك ، لانه بيرجع لك لو بعد سنين
- و الأثر لا يزول ؛ راح يبقى لما يجيك.

"يفنى العباد ولا تفنى صنائعهم
فاختر لنفسك ما يحلو به الأثرُ".

[بخيت آل زايد @5b_]

اللهم ثلاثين ليله ، جبراً لنا ولأرواحنا .

[بخيت آل زايد @5b_]

أنا طموحاتي بعيده . و راسي ، عنييّد
ماأسمح من المستحيله غير لا طلتها

رزقني الله ، بـ ( موهبةٍ ) مداها بعيد
تزاولت لي . على دربـي ، و زاولتها

رغم إني أملك نوادر من عيون القصيد
تغريني اللي ( ليا هالحين ) ما نلتها

ماعندي أجمل قصيده من قديم وجديد
أجمل قصيده - قصيدةٍ ما بعد قلتها