النّود

⠀ ⠀⠀⠀⠀⠀⠀ ⠀ مزاجييهّ حضور وغغيابب . .

[النّود @5i3l_]

كُلنا راحلون، إنّما يبقى الأثر فأحسنوا الأثر🤍.

[النّود @5i3l_]

شان وجه الزمان وزعّل الراضي
ما ينفعه قو عزم وصملة الحازم

المنتصر ما قضى عمره على الفاضي
والمنهزم يعترف في هيبة الهازم

الذكريات القديمه مطرقة قاضي
تفرض قرار السنين وحكمها جازم

من كثر ماني بفاقد لذة الماضي
مشتاق للغايبين …اكثر من اللازم

[النّود @5i3l_]

هاجس الليل عنك ويش انا ذاخر ؟
ليه البطا وانت تدري ما معي حيله

يا مرحبا يا خوّي الماضي الزاخر
ترحيبة العود بـ عيال اصدقاء جيله

تعال سولف علي بـ اسلوبك الساخر
خل الحزن ذاك تضحكني تفاصيله

الليله ان كان عندك لـ المطاف اخر
وصلني اخر مطاف احزانك الليله

[النّود @5i3l_]

اجرعي مر الصبر .. يا نفسي الدمّاحه
بين حاجات الزمن وضغوطه النفسيه

[النّود @5i3l_]

حط لهقوتك في معظم الناس حد وقيد
لاترجع مع الاوهام في حرب ومشاجر

ضياع العشم يأثر على البال بالتنكيد
مثل ما السهر يأثر سواده على الحاجر

بعضهم حبال الوصل تمدي معه وتزيد
وبعضهم سلام وانت هناك ومواجر

احد جيّته لك عيد و احد ٍ مراحه عيد
مابين الغلا والكره ومقيم ومهاجر

[𝑅𝑘 @rsh_198]

خلقنا الله كبار ونكره التهميش والتصغير
وحنا لو نبي نلغي وجود انسان ماخفنا .

[النّود @5i3l_]

غلض النسيان دينه ولا برت
والليالي غصنها بالعنا ثاقل

يوم طاح العج في خاطري ثرت
قصة تكرم على مسمع الناقل

كل ما مرو هل الذاكره مرت
كنها عقب اللغو كلمة العاقل

[النّود @5i3l_]

اقرع اللحظات ويهج تاليها
من ورى القراع فيها تفلاته

كنها وضحً صدح صوت راعيها
لو ندهها والبحر بينهم جاته

صاحبي ما فيه حاجه نداريها
كان عندك حل غير الجفى هاته

السنين من الدلج خيرها فيها
وانت لحظات الفرح معك فواته

[النّود @5i3l_]

ياصدري والله انحن للصبر والعزم محتاجين
حروب البارحه .. بيشلها بكره على كتفه

نسانيس الصباح تعالج الجرحى من الناجين
وتدفن كل حلمً لليلة البارح .. لقى حتفه

[النّود @5i3l_]

@_l5cl اللله

[النّود @5i3l_]

تحبّني حتى الهبايب والسحاب واللي
معه عقلٍ رشيد لا بُد إنه يحبّني:)

[النّود @5i3l_]

ياعظيمه وانتي الاشياء الجديده والقديمه
و انتي اللي لو تصد الارض ماصديت عنها ⠀

و انتي اشجع الانتصارات وملذات الهزيمه
و انتي اللي وين ما لقّيت قلبي قال .. عنها ⠀

و انتي اعجوبة زمان الشاعر اللي هلّ ديمه
و ارتوت جدب القصايد لين صح الله بدنها

[النّود @5i3l_]

اصبحت يا رب السماوات بجلالتك استجير
من غفلة الدنيا تحت عفوك عزومي فاتره

انا الضعيف اللي ظلم نفسه وحملها الكثير
وانت الحليم اللي تزيده من نعمك وساتره:)

[النّود @5i3l_]

فيه من لطف الاكابر ومن حد الصقيل
وفيه من طيب المراجل ومن قو الثقه

كل علم يرفع الراس والواقع دليل
محد قبله على الطيب يقدر يسبقه :)

[النّود @5i3l_]

عليها السلام المعتبر بدّ كل بلاد
عساها من حقوق المخاييل ممطوره

غلاها تمركز واستحلّ الفواد وعاد
مداهيلها ف عيوننا مالها جوره

[النّود @5i3l_]

تراني ما أتردى و لا أحب القصور
و أتجاهل كل من هو ضعيف و مبتلي
َ
رافعتني عزة النفس .. لـ حد الغرور
و الثقه بـ النفس لـ أعلى مكانٍ معتلي
َ
لا دعولي والديني .. بـ تيسير الأمور
ما علي من باقي الناس لو تدعي علي

[النّود @5i3l_]

على كثر الوجيه الغايبه عن راسي المزحوم
حضر وجهك .. نيابة عن عموم وجيه غيَّابي

يعسّ بـ قاع بالي فيضة جروح، ومناقع لوم
وينصب له خيام من السهر ويطيّر أسرابي

خذاك الحلم من نوم العوافي لين صح النوم
وخذاني ليل لا جيت أرقده وقّف على أهدابي

[النّود @5i3l_]

يا هلا بك كثر ما أعلنت الوداع
عن دروب أشوفها ما هيب لي

وعن وجيهٍ تلبس البسمه قناع
حدها لمس البساط المخملي

يا حبيبي ، والمحاني لك وساع
منزلة قلبك .. غدت من منزلي

كنت أقول انك شبيهي بالطباع
تنعكس في صورتك صورة هلي

لين عشتك بـ المحبة والضياع
واثر لك قلبٍ " أحنّ منّي علي"

[النّود @5i3l_]

عداك الملام وشرهة الولف يا نزّاح
عن دياري اللي منت بأول خسايرها

تبعت السراب إلين سلمك للمرواح
ولديت ! وعيوني تزوّر عبايرها

قنعت وتركتك للزمن والزمن فضّاح
على مهله اسرار المخاليق يظهرها

بقى لك معي ذكرى ليا غمّض المرتاح
تمشط بقايا كبدي بروس أظافرها ..

[النّود @5i3l_]

تعبت اكون الغصن قدام الهبوب الذاريات
لا ضاعت الخطوه وضاع الدرب من تقصيرها

خايف من المجهول بوجيه السنين المقبلات
ولا قدرت ألمح من الدنيا سوی تکشیرها

ومدري متى بـ اوادع اللي فات و ألمّ الشتات
وانا لا جيت افارق جروحي .. تجيني غيرها

[النّود @5i3l_]

أمكثي فـ أطيب مرابط بعيدين الشفوف
واحتمي في هيبة حماهم ، بليّا حرس

لأنّك من أطيب قلايع مخضّبة السيوف
منوة الفرّيس ، ما أنتِ بـ حيّ الله فرَس