«ما عشقت إلا المحبّة والتّسامح والمروّة
ولا كرهت إلا التّحاسد والتّباغض والتّجافي
الزمن جرحه يخلّي واعي الفكر يْتأوّه
لو معاليقه نظاف وقلبه مْع الوقت صافي»
«بتزين واللي خالق الخلق بتزين
عندي أمل بالله لو هي عسيرّه
كم واحد ٍيمسّي على الهم والبين
والصبح ربي كاتب له سريره
حنا علينا الفعل ونزيده يقين
نؤمن بحكم الله شره وخيره
أقدارنا كتبت على لوح واجبين
واللي كتبه الله عسى يكون خيره»
مروعني الوقت لو ياخذ طموحاتي
وتروعني الناس في صدمة مباديها
بارد ولا شي .. يلفت انتباهي
تمرني أشياء ما تمشي وامشيّها
" مسكر اذني .. و مقلل علاقاتي "
تتساقط الناس من عيني واخليها
تعودت من صغري على من صِبر ماجور
على جرحٍ عاش بداخل اعماقي وشيّب
ولا ياخذك ظنّك على حالي المستور
انا طيبه و الوقت ما هو معي طيّب
تخيل فتحت الباب ادور بصيْص النور
احس الفرج بيزور .. و امالي تخيّب
وتخيل كثر ما خاطري بالزمن مكسور
اذا طاب لي حي احس يومه قريّب .