نَ

من خان مرة، سيتقنها دومًا.

[نَ @5ija__]

القلب فاضي بس ماني بـ فاضي
أفتح لكم باب الهوى والمحبه

مستانس ورايق وقانع وراضي
وما أشوف أحد يستاهل اني أحبه

[نَ @5ija__]

مع السلامة كان ضيقت صدرك
والله لولا الشوق ما كان دقيت

لو بس تدري عن غلاتك وقدرك
كان أنقهرت وقلت أنا وشسويت

بنيت بيتك فوق والناس حدرك
أخاف عذال الهوى تاصل البيت

لأني أخاف يجيك واحد يكدرك
ياليت قلبي ما تمناك ياليت

واللي يضيق خاطري وأنت تدرك
اني ليا صديت من قلبي صديت

[نَ @5ija__]

الا ياقبلة الحسن الشريف وعفة المحراب
رما الله كل حاجه فالمحبه ماتجمعنا

تجمعنا على عف القلوب وصحوة الالباب
وخلانا العيون تشوفنا والاذن تسمعنا

حروف الجر والمجرور والادغام والاعراب
بعد ماجرجرتنا وادغمتنا واعربت ضعنا

ضحكنا مع بعضنا للزمن مير الزمن غلاب
لو انه كان مايضحك علينا ماضحك معنا

- مطرب بن دحيم

[نَ @5ija__]

ياصاحـبـي مال المشاريه داعي
قدام تفرض شرهتك شم يمناك

مشاعري ماهيب نقلٍ جماعي
اجمع بها حكيك واسوّي سواياك

العام قلت انك طويل الذراعي
واليوم ابسحب كلمتي واتحداك

دافعت عنك ولا نفعني دفاعي
وسويت لك قيمة وكبّرت مركاك

ومادام كل اللي فعلناه ضاعي
مافيه شيءٍ نطلبه غير فرقاك

بعد كشفتك يا ردي المساعي
مالك علينا واجبٍ غير ماجاك

صديت عنك وحان وقت الوداعي
والذنب ذنبك والخطايا خطاياك

اليوم خليتك مطبٍ صناعي
أمرّ وأنته معترض واتعداك

وحنا وطينا فوق روس الأفاعي
وشلون ناقف عند مثلك وشرواك

#رشيد_الزلامي

[نَ @5ija__]

اقربي مني مهو وقت القصايد
الحياه اللي بليا وصل مره

ادفنيني في مداهيل القلايد
في مكانٍ ماحدٍ غيري يمره

في دماثٍ فيه من لين الوسايد
مايخلي عيشتي عيشة مسره

وان نزلت بواديٍ مسراه كايد
واديٍ مال الخطاوي فيه جره

مقدر اقف بينهن وقفة محايد
لو علي يزعل حداهن ويتشره

[نَ @5ija__]

والله اني كل ماشوفك احير
يختفي التعبير لاشفت الجسم

الشفايف راهيه والفم صغير
والعيون السود وحجانك رسم

والخصر ضامر يامعدوم الضمير
كن خصرك قاسم ردوفك قسم

كل ماتقفين انا وضعي خطير
الردوف كبار مليانه دسم

لا ابتسمتي لي من الفرحه اطير
لاشعورياً اشوفك .. وابتسم

[نَ @5ija__]

الفراق اشد نوعٍ من انواع الذنوب
وتبعت المقفي مافيها طراه وْلا حلا

وش سواة اللي لعب به هوى الريم اللعوب
غرو بدوٍ يدري ان الغلا له ، والولا

كل ما هبّت علي من نحيّتهم هبوب
قمت اردد مرحبا ب الهبوب ومسهلا

صاحبٍ خلا ب قلبي كما النار الشبوب
فاح قلبي عقب بعده على النار وغلا

في مكانٍ قبل ياتيه ما جاه مْحبوب
صد قلبي عقبه من العذارى ( من - إلا )

والله اني من مواصله ماقررت اتوب
لو تتوب الشيعه من العراق وكربلا

شيب عيني يوم كنه على الوصل مغصوب
وبري حالي يوم لِبّاه لي عوّد ( هلا )؛

[نَ @5ija__]

فز بسم الله عليك من المضره للاساءه
وارقد امن في عيوني واسهر امن في خيالي

ياصغير والذكي مثلي اليا خانه ذكائه
ماله الا يعشقك ويصير لعيونك شمالي

قم فديتك وانت حر من الف بائه لين يائه
ماعطاك الا الله اسرف واستبيح ولا تبالي

سو مايرضي غرورك واد ماتهوى ادائه
الحشاء لك بيت حاتم وانت غالي عند غالي

[نَ @5ija__]

صدمات الأيام ما تستأذن أزمانك
تقفي بغالي و تترك خاطرك خيّب

أقسى المحطات لا قفّت بخلّانك
بتراب قبرٍ من دموع الرجا ريّب

بيتٍ خلا عقب ما هو مشعل إيمانك
تسمع صدا الصمت في جدرانه يشيّب

غاب الذي كان به ضحكك و سلوانك
و الموت لا جاع ما يستثني الطيّب

الدنيا عقبه رمد في محجر أعيانك
مال للحياه لون و الواقع غدا مغيّب

الموت حقٍّ يمرّ و يهدم أركانك
ياخذ من يديك من تغليه و يغيّب

يا رب تغفر له و يشمله رضوانك
و تبلّ قبره برحمه وبلها صيّب

[نَ @5ija__]

أبتسم رغم انكسارك لكلّ العابرين
لو ورى هالابتسامة وجع في مقتله

لا تقول المشكلة كلّ ما مرّ الحنين
لو تناظر همّ غيرك تهون المشكله

راح يمضي هالحزن مثل ماتمضي السنين
والفرح له وقت ويمرّ ينهي المسأله

شفني أتظاهر بضحكه وأنا قلبي حزين
مقتنع بـ ان انكساري" مجرّد مرحله "

[نَ @5ija__]

على طاري غرامك يا حبيبي هاك ما ينقال
على البحر الطويل يسوقها موجي ومجدافي

حبيبي لا تضايق من عتبنا لك على الجوال
هذا حبّك وهذا منزلك . . في قلبي الوافي

يعيش الحب بين إللي محبّتهم وفاء ووصال
ويموت الحب من فرقا القلوب ومن جفى الجافي

أمانه ياحبيبي كل . . ما تشعر بـ ضيقة بال
تعال أضم حزنك في زوايا صدري الدافي

وأنا مافي نظامي حب يومين وجفى وإهمال
وجاك من المحبه والمعزّه . . والغلا الكافي

صحيح إن الغياب إللي حصل بيني وبينك طال
لكن ماهو بـ أنا إللي فوق حبّه يسفي السافي

لحقني من غلاك ومن جفاك اللي يرق الحال
مثل ما كنّي أشوف الحزن في طرفك الغافي

يروح إللي يروح . . من العمر وإللي بقى لازال
ويبين إللي يبين من الغلا والخافي . . الخافي

هذا نبض الشعور إللي كتبته لك على إستعجال
فديت اسمك ولبى معدنك يالمعدن الصافي (:

[نَ @5ija__]

انا وانت عشنا في خلافات تحت وفوق
وتعاطيت جرعات الزعل لين ما ادمنته

وحاولت مانترك بعض والقلوب تروق
وبغيتك تزيّن شي لكن إنك شيّنته

لما قلتلك سرن هبيته بخور السوق
وانا سرك أودعته ضميري وأمنته

انا صدمتي في عشرتك وجهها مصفوق
مثل فجعة الرجال في اخته وفي أمه

- علي بن حمري

[نَ @5ija__]

امانه يا حبيبي لأجل عينك وش بقى ما جبت
لك القلب و لك أبيات القصيد و لك معانيها

معك كل الليالي فارقه حتى ليال السبت
لو إني قبل أعرفك كنت واحد ما يدانيها !

_ محمد معضد

[نَ @5ija__]

أصلاً أنا حتى بجنبك أعاني
يعني ما تفرق لو وصالي تركته

ما توقف الدنيا على شخص فاني
كم كنت أبي قربك والحين كرهته

لا تذكرني بالشعر والأغاني
اللي مضى من بيني وبينك نكرته

حتى لو تحب أحد ثاني
أنا أعظم من بحياتك خسرته

[نَ @5ija__]

إكتشفت إن الحياة بـ كبرها قطعة مسافه
تغوي المفتون ، لين العقل يصحى و يتنبه

و إستعذت مْن الدروب اللي نهايتها حسافه
قبل ترميني ملذات الزمن . . في جوف غبه

مايخاف المؤمن اللي فيه من ربه مخافه
مصدر الخوف الحقيقي واحدٍ ماخاف ربه

[نَ @5ija__]

احب الصمت في ظل اندفاع النفس للتعبير
واشوف ان الفرح خصلة حميدة والحزن عورة

يكبرني الهجر سن ويرجعني الحنين صغير
وأشوف يدين محبوبي طريق وضحكته نوره

وأثر صلف الزعل بـ الذات ما يشبه نسيم عصير
كسر غصن الشجر و أركى عليه و طار عصفوره

رفيق الليل تذكرّك الليالي الموحشة بالخير
وعين لا تناست شافتك .. وسط القمر صوره

لك الله ماذخرتك عن مدارات الهوى تقصير
اخافك دون هقوات الشعور ويانع زهوره

على انّي كنت مؤمن في كفاح الشخص للتغيير
كفرت أن " قلبك " يغير مع الايام دستوره

تمتع و أضحك بـ وجهي كبر ، و اللي يصير .. يصير
أبيك تغيض حزني لين .. يطلع عن مدى طوره

يصبرني على بعض الشعور إنك لازلت بخير
أنا أحوالي ليّا منك غديت بخير .. مستوره
-صالح بن حمد

[نَ @5ija__]

هقاوي الرجال اثقل عليها من المعروف
ولا حس فيها واحدً "ما يداريها"

ترا كلمت ابشر ماهي ابشر فقط وحروف
ياكم راح من دون ابشر! ابشر وراعيها

"اسامي الرجال" تزبن الخايف الملهوف
قبل يزبن "وجيه الرجاجيل" ويجيها

ياكم راح شيخً يحتمي ضامر السرجوف
لجل واحدً ماهوب محتال "يحميها"

يبان "الشجيع" فحزةً كلبوها خوف
ليا ذكرو الشجعان فيها! باساميها

كريم العرب لو لحقه من الضروف! ضروف
"يفادي" لجل يكرم ضيوفه ويرضيها

طبايع ضعيف الرابعه ماتجيه ضيوف
مايعرف من "علوم الكرم" غير طاريها

- سيف بن جرمان

[نَ @5ija__]

َ كل ما أحس ودي أعاتب
يطري علي بيت بن فطيس لما قال:

"إن ما جبرك الغلا ما أقدر على جبرك"

دام غلاي ما خلاك تحسب حساب للخطاء
هنا العتاب ماله أي معنى وهنا نلتزم بالصمت
والبعد أفضل من علاقه "ما تحفظ قدر راعيها"

[نَ @5ija__]

"مرحبا يا بنت قلبي بعد طول السهر
ذاب صوتك فـ المسامع و حرّرني نداك

كفكفي دمع المحاجر على فوح الزهر
ما يحسّك من صدوف الدهر جعله فداك

يا سليلة مفني الكوم و الدنيا دهر
تقصر أشناب الرياجيل عن هيبة حماك

لا تقولين إنتهينا ترى يومي شهر
ألحقيني ركب الأحلام لـ أجل ألحق مداك

ما لقيت الطيّب اللي يشد بْه الظهر
و ما لقيت الكلمه اللي تعبر عن غلاك

لو نضمت سنين عمري على جيدك مهر
ما تساوي دمع عينك و لا ضحكة شفاك "

[نَ @5ija__]

أخترت روحي في زحام العلاقات
وقويت مع روحي تفاصيل روحي

لا أحاتي الآتي و لا اندم على الفات
أتبع خرايط رسم ربي بـ لوحي

اللي بدع هالارض تحت السموات
وكلت مكتوبه يلوّن صروحي

للـ مرحبا حشمة و خاطر و وقفات
وللـ بالسلامه جعل دربك سموحي

ماراح يذكرني أحد بالتنهات
اطريهم بطيبي و ضحكة مزوحي

الوجه واحد ما اختلف بالتلفات
يشبه بصدقه و اعتباره وضوحي

اكبر وتصغر بالعيون الخلافات
و يصعب وجودي ويتسهل نزوحي

ما عاد يغريني جمال البدايات
انا النهايات الجميله طموحي .