عزت علي نفسي ولاني بملزوم
أقربك من بعد ما رحت عني
إلى متى في دربك أطيح و أقوم
و أجيك متعني و أرد متعني
ليه اتأمل و أنتظر وصل معدوم
وليه أتمنى وش يفيد التمني
لو إني أدري وش ورا الغيم مقسوم
ما كان حبيتك ولا خاب ظني
الليالِ القديمه والهوى والجروح
انت ماعاد تدري وش بقى منها
انعقد حرفك اللي كان وده يبوح
وزفرة البعد .. بـ أوتار الوله غنّها
الموادع بروقه في سمانا تلوح
والليالي عبوس ولا ضحك سنّها
روح واخذ الحقيقة كلها بالوضوح
سيرة الحب ماتت وأندفن فنها
تبتدي وأنت الحقيقه بين حلمي وامنياتي
أنت قبل تمهّد إنك تقول قول ولا تمهد
جيتك مثل الصباح اللي يلملم لي شتاتي
وضحكتك مثل ارتياح النفس من بعد التنهد
مرحبا ياللي يمرّ البال حتى في صلاتي
بالركوع وبالسجود و بالدعاء و بالتشهد
أوعدك كان حضوري مسبب إزعاج
بودعك وأغيب و ألغي حضوري
ماني بـ فاتح باب قلبي للإحراج
ولا احب أكون أنسان ما هو ضروري
يوم انت كنت لـ ظلمة أيامي سّراج
ما خافت الخطوات حزة عبوري
ببعد وأنا أدري ما ورى بعدك علاج
والهجر والله ما هو من دواعي سروري
عندي أمل ان اللقى ماهو بعيد
رغم الجفا رغم المصايب والزعل
عندي أمل إنك بترجع من جديد
وأشوف قلبك ليه عن الزعل رحل
عندي أمل إني بسولف لك قصيد
وأشبع أسامعك قصايد وغزل
عندي أمل لكن خوفي لو يزيد
هذا الغياب ويقتل أحلام العمر
قلت لك ماني بطيّب ولا حالي بخير
لو ضحكت من النكت ، ماهدت نفسيتي
ودي اضحك ضحكة اللي من الخِفّه يطير
و في شي مقيدٍ نفسي وحريتي ..
مثقلٍ باشياء واشياء .. ماودي تصير
و كل يوم اعيشه تزيد بي سلبيتي
مكتئب ، واحس هالأرض هي بئس المصير
وأنت عادك تحسب إني على سجيتي