َ

مَاني بحيّ اللـہ .

[َ @5jr_r]

دوّروا خير فيني واذخروه لـ غيابي
ولا فقدتوا حضوري اذكروني بخير .

[َ @5jr_r]

من يعرّض وجهه كل ليله على السوّام
لا يزعل إلى حطوّ له الناس تسعيره .

[َ @5jr_r]

من نسى قدر العرب حزة الشبعه
فالشدايد لا يصوّت بـ أساميها .

[َ @5jr_r]

ياعذابي لقبل الليل وانكف النهار
وين أبلقالي نديمٍ يشاركني عناي .

[َ @5jr_r]

كم واحدٍ من رصاص القوم متنبّه
ولا صابه إلا الرصاص اللي من حزامه .

[َ @5jr_r]

وشلون املّ المكابر فالامور الكبار
والكبريا جزء من نفسي و تكوينها

عجزت لا اناظر الدنيا بـ عين انكسار
ادعس على غارب الايّام واهينها

مايعتذر بالظروف الّا عديم القرار
وما يبكي من الحياه الّا مساكينها .

[َ @5jr_r]

أشرب شاهي و أهل البيت نيام و في عزّ الإختلاء بالنفس و سماع أغاني و هواجيس تتمحور حول
"و الله أني كثير على ناسٍ كثار" .

[َ @5jr_r]

من تذكرني على صفوة مزاجـه
ينتظرني لين يصفى له مزاجي .

[َ @5jr_r]

الذيب لو ذموه ما تفرسه شـاه
و المدح ما خلى الحباري قرانيس .

[َ @5jr_r]

مانصدق كذوب ولا نجادل سفيه
ولا نفتش صدور ولا ندور عيوب

انتخطى سوالف باردين الوجيه
مثل تخطي الاعلان فـ اليوتيوب .

[َ @5jr_r]

ياحليل اللـي يصلي بـ الجماعه
والـجماعه لاا تـصوم ولا تصلي

شيخهم لا زال في سن الرضاعه
سجّد الالعاب مـن باب التسلي .

[َ @5jr_r]

زمن عدّى وعمرٍ راح وسنينٍ تجرّ سنين
ترفرف بأجنحة حلمٍ قديم وتبذل الأسباب .

[َ @5jr_r]

لاتحسب ان الليالي تحت راس اصبعك
اعرف ان الهم و الموت والداء فيك فيك
ㅤ
والظروف اللي تمشيك ما تمشي معك
والكلام اللي مايمشي معك يمشي عليك .

[َ @5jr_r]

احط راسي على كتف الكرامه وأنام
لا دلهم الليل وإحتاج الخليل الخليل
ㅤㅤ
أغناني الله من اللي يدّعون الغرام
والعالم اللي يحطون المشاعر سبيل .

[َ @5jr_r]

هوّن على نفسك إذا ضقت وتهون
لا تنشغل بالشرح والجرح جرحك

اللي يبي يكرهك بيكرهك من دون
واللي يحبك ماهو محتاج شرحك .

[َ @5jr_r]

لأجل ثغرٍ ليا منّه ضحك تفرح بشوفه العين
عليّ حقٍ و في وجهي .. لا أسخّر له سبايبها .

[َ @5jr_r]

ماني بناقص عتاب احباب ومحاسب
حاسبت نفسي بنفسي لا تحاسبني

أحيان اشوف الخطا صحيح ومناسب
وأحيان اشوف الصحيح وما يناسبني .

[َ @5jr_r]

خافو الله فـ البشر يـ العالم المدّاحه
واحد ٍ ما يستحق المجد ليه يمجّد ؟

[َ @5jr_r]

مايخسر الناس الا صاحب مواجه
ولايكسب الناس الا من ينافقها .

[َ @5jr_r]

رفيقي اللّي ما يطيق المنّه
لا ضعف ما أبيّن لضعفه طاري

أحارشه كنّي مانيب أحنّه
عشان ما أحسسه بنّي داري .

[َ @5jr_r]

كم لذةٍ ما تنتخلّى على جنب
و نجيزها لو حكمها غير جايز

يا ليت نفسي لا بغت ترتكب ذنب
تذكر شعور مكفّنين الجنايز .