ِ

[ِ @5laey]

اللهم صل وسلم على اشرف الخلق

[ِ @5laey]

مرت " ثلاث سنين " كنها أمس
كل تفاصيل هذيك الأيام أذكرها

[ِ @5laey]

طلّتك ياسيد العذارى ضحى العيد
صاروووخ ماردّه . . دفاع الحكومه ؛)

[ِ @5laey]

شبيه الهم ! أنا المخطي ادوّر من وراك انصاف
لو الإنصاف في هذا الزمن ماهوب بالساهل

تراني في حضورك أو غيابك | ما عليّ خلاف
تجاهلت الخطأ البيّن ولكن : ماني بجاهل

أنا اسرفت في حبّك وأنا اسف على الإسراف
ياليت انك على كثر الغلا اللي جاك ! تستاهل .

[ِ @5laey]

خذتك الظروف اول و رديت لي ملهوف
وخذتك الظروف لـ سجنها مرةٍ أُخرى

و انا اسمي لا مر الناس فزوا معاه اوقوف
و على الرغم منْه تسوقني صوبك الذكرى

احبك بـ قلبٍ غير مدرك ولا له شوف
و احبك بـ عقلٍ واعي جْروحك الكبرى

واحب اتمادى لين ما اخرج عن المألوف
و احب الجروح اللي من يديك ما تبرى

[ِ @5laey]

مرحبا ياحي رقم اللي تمادى في غيابه
شلت جوالي وانا أحيي وأرد وهو يحيي

فرحتي به عيّت تخليني أبدا في عتابه
كنه يقول : أدري أن بطاي يشفع له مجيي

أطرقٍ ما كن في الدنيا نعيم إلا عذابه
هو معيي يسمح من الكبرياء وانا معيي

[ِ @5laey]

والظروف اللي ترد محبوب من محبوب
ما توصفها مشاعر واحاسيس شعراء

كم لنا والحب نسقيه من دم القلوب
كم لنا والوصل مثل الثريا والثرى

انجحت كبدي وانا لا نجاح ولا رسوب
ليت قلبي مثل راسي ليا رد البرى

[ِ @5laey]

ابتدا فصل الحياه المتعب .. المتشابه
وانتهى اكثر فصل حبيته وهو مشقيني

ما اقتنعت ان العمر عجّل .. وهج ركابه
لين عشت الواقع بروحي وشافت عيني

مادريت اني خلصت من الهوى واصحابه
لين صار الليل يجمعهم .. ولا يدعيني .

[ِ @5laey]

سلام الله و أنا ماعاد أبي غير السلام وبس
سلام الروح.. ماهوب السلام اللي تعرفونه

أنا طيّب ومتسامح ومتواضع ومرهف حس
وكاشف خطة المحتال لو تضحك لي سنونه .

[ِ @5laey]

مرت " ثلاث سنين " كنها أمس
كل تفاصيل هذيك الأيام أذكرها

[ِ @5laey]

لك الله ماخذلتك واتركي الوسواس
احبك .. وانتي فيني وكل ما فيني

ليا منّي لقيتك ضاعوا الجلاس
وليا مني فقدتك . عاد انا ويني ؟

ورغم كل المشاغل سيرتك الاساس
ليا صار الحكي ما بيني وبيني

انا اشوفك بقلبي , والنظر للناس
غرامك .. عاجزٍ لا اشوفه بعيني .

[ِ @5laey]

ياحبيبي لا توريني طرف دمعك واحبّه
انت لك عينٍ ترد الآدمي لأول حياته

اعتبر قلبي حطب غابه وشب اللي تشبّه
لين تستانس دفاه ولين تستغرب ثباته

الوكاد اني عليك من الهيام امشي وأشبّه
يا حبيبي والسلام ورحمة الله وبركاته
- ناصر مناحي

[ِ @5laey]

يا حبيبي و انت عُمر و سعة صدر و هَنا
وحبّك اسما من خرافات ربعي يا هلي

واحدٍ روحه و روحك على الوِد اخدنا
" لا تذوّقه العزاير وهو ما هو شلي "

ضمّني في سكرة العشق يا عود القنا
ضمّةٍ تبهج ضميري و تمتص زعلي

ايه اقدّس سحر عينك و خصرك لا انثنا
مثل تقديس الروافض لـ بو طالب علي .

[ِ @5laey]

يا حلمي المستحيل ، وفكري الساهي
ما فيه حاجة ورى الأيّام ، مخلوفه

إلآ من تحجّم ، المغرور ، والراهي
وتشدّ بال القصيد ، وتفتن حروفه

تقول : شفت القمر واحد من أشباهي
وأقول : خليه عنك ، وخلي وصوفه

أنتي جمال الحياة ، الفارق ، الناهي
أشوفه " وكنّي أول مره أشوفه "

[ِ @5laey]

"شعوري الليله شعُور البدايه
بين القديم من السكك و المنازل

شعور من يبغى الرضا و الهدايه
و يواجه انواع الحيل و المهازل

غريب ماله من ورا الناس غايه
و بينه و بين الواقعيه عوازل

راحت حياته ينتظر و النهايه ؟
يوم اقترب من كل حاجه تنازل

[ِ @5laey]

عهدي بهم يوم اللقايا مفاريد
وقتٍ هل البل ماجهلهم حسابه

_مفلح بن شجاع

[ِ @5laey]

نفسي من احّزانها ربي يخارجها
عاميَن هي هي وحزاني هي احزاني

من جادلٍ بالغلا .. قلبي متوّجهاا
ما باقي الا تنافس حب شيباااني

يا مقرب طيوفها يا مبعد فججها
ولا ارتاح الين اتمثنا دارها عاني .

[ِ @5laey]

على الجفا و القطيعه لا تشجّعني
ما ودّي أمر عينك .. و أتعداها

_ سداح العتيبي

[ِ @5laey]

تمنيت ان مصيري في البدايه ما تعلق فيك
لانه ما على الدنيا دوام —الا اللّٰه الدايم—

لو ادري بكل غفوات المنام تجيب لي طاريك
من اول ماعرفتك لين فارقتك؛ وانا نايم

تشوف إن الجفا يرضي غرورك / سو مايرضيك
«ويبقى الكره قايم ياحبيبي والغلا قايم »

-مطلق بن شويه

[ِ @5laey]

جزاي مْن المحبه ما تخليني وانا مجروح
نويت تروح ؟ خدرني بتهويده و تقبيله

[ِ @5laey]

كل ما ذعذع النسناس والليل هود
اقتحم خلوتي طيفك وبيح خفائي

ما اقدر أنساك واعتاد الجفى واتعود
وبيعتك كل ذكرى عام تفرض ولائي

ولا اقدر اقول واحشني ولا اقول عود
بعد شككت في حبي لك وفـ اكتفائي

عاد حبك ورى عوج الضلوع امتجود
وعادني تحت سيف اسكاتي وكبريائي