3zlh

[3zlh @5q7xx]

وين انت ياللي بـ قربك و بـ غيابك نبيل
عسى الليالي ما حطت لك محابيلها

تزعل وترضى لكن تبقى الحصان الاصيل
اللي يصون المشاعر و يعدل ميلها

يحزني اقول من بعد الغياب الطويل
" مافيه ذكرى قدرت انسى تفاصيلها "

[3zlh @5q7xx]

يهوّد الليل ونجوم السما غرّا
والليل دايم مع الاحزان متداخل

اتصنّع الوِنس والضحكات من برّا
وانا طويق المسمّى شايله داخل

— عمر الودعاني

[3zlh @5q7xx]

ماعاد نبغى من العالم تسد اللزوم
ياكبر معروفهم لا سدو . . حلقوهم

[3zlh @5q7xx]

نديم الصمت مـ والله تحصل لك عليه دروب
يازين الساكت اللي ماحدٍ يدري وش ظروفه

ترى لـ العقل ( عوره ) مايغطيها شماغ وثوب
تحمد واشكر اللي حطها ماهيب مكشوفه

سوالفك الرخيصه كنها الاعلان فـ اليوتيوب
الى منه اعترض فـ المقطع اللي نبغي نشوفه

[3zlh @5q7xx]

لا تلوم الملتزم بـ الصمت لا شحّ بـ كلامه
وش يقول الساكت اللي كلّ ما فيه يتكلم

- عبدالله السراهيد

[3zlh @5q7xx]

ان زانت اوضاعي تواضعت لـ الناس
و ان شانت اوضاعي .. بديت اتكبّر :)

[3zlh @5q7xx]

مشاريه العيون أبلغ رواية مالها عنوان
دخيلك لا تمعنت بعيوني، صد لا تقرا

- صالح البرازي

[3zlh @5q7xx]

رقيبك الداخلي ماهو بحاجة عيون
تقدر تشوف اكثر الأشياء بعين العقل

الشعره اللي تجي بين العقل والجنون
تجي مابين النجاح وبين حد الفشل

وان كان حصلت جهدك من طموحك ودون
الجنه برحمة الله ، ما تجي بالعمل .

- مرهب البقميّ .

[3zlh @5q7xx]

مع اهل الهوى مانيب طالب ولا بـ استاذ
عسى الله يجيبك فـ المقابيل ي استاذي

امانه معك لاتختبر صبري النفاذ
من اغلا قصيدي مابقى عندي الا ذي

همومي بحر واشوف قربك فريق انقاذ
اربك مع الايام بتحاول انقاذي

اكثّف هجومي والزمن يلعب استحواذ
تعوذت منه ولانفعني تعواذي

[3zlh @5q7xx]

أنا الطريق الممتلي بالمحطات
لا تخدعك رحابتي .. وامتدادي

أعرف من الألوان لون البدايات
أخضر ويذبل ويتحول رمادي

وأجهل من التوديع كل العبارات
إلا فمان لله ، وطيب ، وعادي . .

[3zlh @5q7xx]

عفى الله عن كلامٍ في حنايا الصدر ما ينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه

وعفى الله عن هواجيسٍ توقف بي على الأطلال
تعيد الذكريات اللي مع الأيام منسّيه

[3zlh @5q7xx]

ياغايبه ما أبغى ملامحك تنعاد
أنا خلصت من الفراق وبكيته

سافرت عن طيفك من بلاد لبلاد
ولا وصلت لديره الا لقيته !!

[3zlh @5q7xx]

أنا لا نفسي عصيّه و لا قلبي قطوع
أجفي الدنيا وأعوّد وأصير صحيبها

عن مشددة اللواحظ ومرخية السموع
قافلٍ بيبان ودّ الـعلوم وجيبها

ما درى باللي تكنّ الضلوع إلا الضلوع
وش تبي تنفعني الناس لو تدري بها .

[3zlh @5q7xx]

@h5liii يانسيم *

[3zlh @5q7xx]

" علومي عفاك . . لا هاته و لا ودّه
من غيبتك , كل حاجه مثل ما كانت "

انا انا . . لو جفيت و طالت المدّه
ما ضاعت العشره بعيني ولا هانت !

[3zlh @5q7xx]

مافيه شخصً على الدنيا ماهوب مهموم
ذا طبع الايام جملتها وتفصيلها

واللي معه قو شخصيه وقلبً رحوم
ان سلم من راسها ماسلم من ذيلها

مرت . . . . ( 365 ) . . . . يوم
مـ انا اعرف ويش مايوها من ابريلها

نكرم من الخوه اللي في طرفها لزوم
ونكرم من الوقفه اللي باردً حيلها

المرجله والمعرفه والوفاء والسلوم
مشيت كل الدروب اللي توديلها

ياجعل نفسً من الهزلات ماهي تشوم
تاطا عليها ظروف الوقت برجيلها

محمد بن عفيّفه ( الله يرحمه )

[3zlh @5q7xx]

تناثر التبغ مدري طاحت الكاسة
تساقط شعور مدري فاض له مدمع

لبس عباة "اصمعي" قلبه "ونوّاسه"
وفي لغز الايام من مبطي وهو يرمع

لا كبّر الشعر ثم صلى فـ قرطاسة
في سفرة الحزن ما يقصر ولا يجمع

بس عنده احساس تقدر فتنة احساسه
تخلي اعمى (يشوف) ، ومنطرش (يسمع)

[3zlh @5q7xx]

( عليه الشحم ) لكن تراني بعد مليت
وكلمة ( على خشمي ) وش الفايده منها

صبرت وتحريتك ورحت ورجعت وجيت
وعوّدت تلعني المشاريه . . والعنها

وفيت وكفيت بوقفتي لك ولا منيت
ولاني بـ ملحقها الحسوفه . . ولاكنها ؟

تبي الصدق ؟ توجع كبوة الظن لا ظنّيت
تمنّيت فرقانا قبل شوف باطنها

على شرهتي وإلا انت وش عاد لا صديت
وجيه الرجال اتساق للي يثمنها .

[3zlh @5q7xx]

الصمت يغنيني بعض الأحيان عن كثر الكلام
وانسان ماني عاجبه مانيب مكلوف أعجبه

أنا ما جيت أدوّرك ياللي تدوّر الإهتمام
الإهتمام اللي ماهو من قلب محد ٍيرغبه

لا عاد ترسل واهي أعذارك وتطلب الإحترام
الإحترام اللي ما تقدر تكسبه .. لا تطلبه
– سعود مهدي

[3zlh @5q7xx]

احبك والشعور المرتمي بالقلب ما يخفاك
أنا كتابٍ رماه الحب في يديك .. وتصفحته

اداري خاطرك وأعذر مشاعر قلبك الشكاك
تمادى بالجروح وقال سامحني و سامحته .