دعم الهاشتاق R/5 ♚

السلام عليكم ⬇ لـ تبادل رتويت 5/5 تغريدآت . . عطني ( تم ) ولك بالمثل.

[شاعر غزل @eee4eee3]

✍🏻
ٰ

طهارة وجهك الراضي كأنه منخلق من لين
سحابٍ يروي أحساسي طهر ويلملم شتاتي

ذخرتك للشقى صدرٍ .. يكفيني عن الباقين
وذخرتك للمدى هقوه تشتت كل ضيقاتي

أنا يا ضحكة سنين الزمان .. وكل علمٍ زين
تركت الناس متعمد وعليك أسوق هقواتي..!

[شاعر غزل @eee4eee3]

✍🏻
ٰ

ليا قالوا لك انك فارقة قولي عليكم زود
عليكم زود وازينكم وجه مشروب فنجاله

ياسبحان العظيم اللي فرق وجهك عن الموجود
يجي والناس حوله جالسين وكنّه لحاله

انا ماودي اشكر في حياتي غير ابوك العود
مسوي له جمايل بعد ماجاب اجمل سلاله ..!

[شاعر غزل @eee4eee3]

✍🏻
ٰ

كل ما أسمع من يقول التجربة حلوه .. و مرّه
قلت يا إنسام الصبا لو تسمحين إخذي و هاتي

( الغلا ) في داخل ضلوعي و في عيني مقرّه
يا الفريد : إللي سطا حبك على عقلي و ذاتي

أنت من حبيت خيره .. و أنت من حبيت شره
و أنت من يطري علي من وين ما تطري غناتي

الجمال إللي طلع فوق الثراء ( مطلاع درّه )
من يلوم إللي ليا شاف الحلا سوا .. سواتي

كل يوم .. أصافح ( طيوفك ) غلا مدري مبرّه
ووين ما لديت أشوفك وجهتي فـ أربع جهاتي

ماقدرت اعيش ( لذات الحياه ) المستمرّه
لا بغيت أواكب الحاضر رجعت .. لـ ذكرياتي

كل حاجه معك ؟.. ما تسوا لها مثقال ذره
كيف لا وانا على شانك زهدت فـ تضحياتي ..!

[شاعر غزل @eee4eee3]

✍🏻
ٰ

كيف اوصف جيد وأغازل جديله
وأنتي الي فارقه في كل طله

". في صباح العيد يا أجمل جميله ."
البسي ثم أكشخي في كل حله

الجمال في عينك الحور الكحيله
زينت قاف القصيد العذب كله

حمرت شفاهك وليل طال ليله
ضيعت من كان جالس في محله

انتي أجمل شخص وأجمل مستحيله
الصباح بطلتك ماحد يمله

في تفاصيلك تواصيف طويله
صعب أوصف مالقيته منك والله

الله أنه يقطع سلوم القبيله
ردت الي ضاع وسط عيون خله

مابقى فالقلب ولا اليد حيله
غير اقول الله عليك بكل طله ..!

[شاعر غزل @eee4eee3]

✍🏻
ٰ

تفرّدت يا وجهٍ جماله صنيع الله
لك القلب يبعث لك معَ العين برقيّة

من اللي يشوف الوجه هذا ! ولا يهواه
وش الملح ! لو ما هي ملامحهْ شرقيّة ؟

عيونك ليا هام البصر في حورها تاه
نواعس تقول إنها من الخمر مسقيّة

لك الحق تِدْلّل وقلبك عليّ رْضاه
عليك الدلال وللجمال الأحقيّة ..!

[شاعر غزل @eee4eee3]

✍🏻
ٰ

عطاك الكريم احلا عيون وخشم وحجاج
وحمر الشفايا موت والسحر في لسانك

وجسمن رقيق وأرق وألين من الديباج
اتصدق عليك اغار حتى من اخوانك

وخدن عطاه الله بياضن بلا مكياج
وهبته جمال الحور يارب سبحانك ..!

[شاعر غزل @eee4eee3]

✍🏻
ٰ

غمضي عينك وراسك لا يفارق كتفي
من هنا حتى تهبهب نسمة الفجريه

يا فؤاد القلب ، يا روح الهوى ، يا نصفي
يا مشاعر فرحتي ، يا السيره العطريه

يا سبايب قوتي ، يا احلى سبايب ضعفي
يالمزوح الرااايقه.. بالساعة الجديه

يا البشاير ، يالسعد ، يالفزعه اللي تكفي
يا ذعاذيع البراد نهاية الصيفيه

يا علاج الراس لا جاه الصداع النصفي
يا انشراح الخاطر من الحااله النفسيه

يا بخور الصبح ، يا نور الصباح الملفي
يا مسايير الحبيب و قهوة العصريه

يا القصيد النخبوي من بدعي ومن وصفي
يا عيون كتابتي ، يالهاله الشعريه

في قدومك كل ما يزعج مزاجي يقفي
وكان قفيتي تعود الضيقه الوحشيه

اشتكي من دمع عيني واشتكي من نزفي
لا لبس يوم التعب .. عباته الليليه

تطول يدينه ويركز خنجره في حرفي
لين يقبض روحه بصوره شبه وحشيه

اسمعي صمت العذاب اللي يقوله عزفي
حسي بموت اللحن والنوته الحرفيه

دندنه حزن ومساها من عناها مطفي
تمشي خطاها على جرة خطى المرثيه

واعذريني لو تعدى حد صبري وصفي
وسامحيني لو اقول اللي اقوله.. فيه

معك راحه ترمي حمول المتاعب خلفي
اقربي عسى يدك تشفي جروح يديه

وقصي حبال الهجوس اللي تقرب حتفي
وعمّري ليل السهر بـ احلامك الورديه ..!

[شاعر غزل @eee4eee3]

✍🏻
ٰ

حضنك مفصل على صدري ويزهى به وقدّه
لا أرتميت من عنا الأيام تاسعك المحاني

أعتقد ان اللي أحسه معك أسمه مودّة
الغلا شي والمودّة عند ربي شي ثاني

ومن طمع بك شوفتك جنبي تكفيه وتسدّه
مو أنا اللي أترك العالم تجي تجلس مكاني ..!

[شاعر غزل @eee4eee3]

✍🏻
ً

طلة محيا العيوف .. إللي غلاها عفيف
فيها الكبر والغيا و الغطرسه والحلا

ما بين سحر المفاتن و الضمير النظيف
وشلون ما أقول تفرق عن جميع الملا

العود ماله شبه .. والوجه ماله وصيف
جمالها .. يستحق التضحيه و الولا

في صوتها من قناد الراس فنجال كيف
لو كان ما تنطق .. إلا مرحبا يا هلا ..!

[شاعر غزل @eee4eee3]

✍🏻
ٰ

يميّزك الدلع من غير لا خاتم ولا خلخال
جمالك بين ترفات الحسن في منصب قيادي

يصير اللبس عادي لين يكسي عودك الميال
بعدها يكسر ارقام الترند ويصبح اريادي.. !

[شاعر غزل @eee4eee3]

✍🏻
ٰ

يا لقاي بذاتي المتغرّبه ، عن ذاتي
يارضا نفسي على خير الزمان وشره

أنت جيت وجابك الله عقب طول شتاتي
وعودت فيك السنين الذابله مخضرّه

نظرتي ، ذوقي ، سواليفي ، غناي ، سكاتي
ودي أعرف لـ إرتباط اللي معك وش سره

فيك من حزني ، كثر مافيك من ضحكاتي
فيه أحد قال أنت تشبهني قبل هالمرّه ..!

[شاعر غزل @eee4eee3]

✍🏻
ٰ

على غيرها تفرق بالأسلوب و المنطوق
مع زين خد وخشم وشفيّتن ذبله
:
شعرها على الردفين متثني من فوق
طويلٍ معنقـها ومـع زينهـا قّبّله ..!

[شاعر غزل @eee4eee3]

✍🏻
ٰ

يالله برتويتٍ يبل الظمايا
تدوي رعوده عالم الطير يا طير

أما من العتبان ولا الطنايا
والامن زهران والامن مطير ..!

[شاعر غزل @eee4eee3]

✍🏻
ٰ

الله عطاك الجمال ، الباذخ ، السافر
إللي : ما شفته على لبّاسة .. الشيله

بـ عيونك السود مايؤمن به الكافر
رمشٍ : تبرّت بناته .. من رياجيله !

والصدر توّه على أول زمته .. نافر "
لا واهني من تقهوى .. من فناجيله ..!

[شاعر غزل @eee4eee3]

✍🏻
ٰ

مايحتاج اسولف في ملامحك والا اعيد
على خطف الاضواء ما تعبتي. ومليتي

خذيتي .من الزين المعرب بلا تحديد
وعلى ..عرش ربات المفاتن ..تعليتي

تركتي عيون منافسينك على التهديد
تجلّى ..عليها. الهم .لا من ..تجليتي

على طلتك هذي بعد طل صبح العيد
انا تو ..عيدي .يبتدي .يوم ..طليتي ..!

[شاعر غزل @eee4eee3]

✍🏻
ٰ

كل عام وانتي قصيده ما لحقها ملام
من اول العيد لين اخر حدود السنين

كل عام وانتي حكاية كل ليله وعام
لو يختصرْك الشعر والشاعر بكلمتين

عليك من شاعرٍ غنّى لقلبك سلام
لو ما حصلّ له سلامه بين شامه وعين

لفّي من الغيم ثوب وزيدي الابتسام
انا اوّل انسان يحضن غيمه ونجمتين ..!

[شاعر غزل @eee4eee3]

✍🏻
ٰ
ٰ
عظيمة نسب والله خلقها عظيمة زين
على زود مافيها وصوف رهاويه

فيها من الهيبه حضور يشرف العين
وفيها من الطيب الأصيل السجاويه

لها من علو الشان مقدار وتمكين
تطيح دون وصفها جميع المعانيه ..!

[شاعر غزل @eee4eee3]

✍🏻
ٰ

عيّدي يا مذهبة عقل الهواوي
وانزلي قصرٍ نظيره ما تشيّد

وقفّي بين الهقاوي والمناوي
واتركيني لا طليق ، ولا مقيّد

سيّدة الأسود والأبيض والسماوي
أيّ لون انتي اخترتيه ؟ يتسيّد
ㅤ
مبسمك صبحٍ على الأحداق ضاوي
من يشاهد " ثغرك الوضّاح " عيّد ..!

[شاعر غزل @eee4eee3]

✍🏻
ٰ

هلا وأسمى القصايد تنحني لك خود تلو الخـود
هلا وأنتِ بدونك وش مصير الشعر وأمجـاده

هلا في عنقك النايف هلا في الخادرات السـود
هلا ولك الولاء والسيـف والفرسان والقـاده

هلا في خصرك المايس هلا بك والثنا مـردود
لخصرٍ لو طلب عوج المحاني جات منقـاده ..!

[شاعر غزل @eee4eee3]

✍🏻
ٰ

" خلابة العيد " يا دهشة عيون الحضور
تشابه الحسن وأنتي حسنك إللي فرق !

يا فتنة العيد شمسي ، والضحى ، والبكور
غابو عن الصبح لكن " وجهك إللي شرق "

" عيدك مبارك " وأنا عيدي غرام وشعور
مايوصفه شعري إللي لـ باب قلبك طرق ..!