من المرحبا والشوق لين السلام الحار
وله نبرتك .. كانت وسيله لـ غاياتي
دخلت الهوى طيش وملذات وأستهتار
ولقيت أنه اكثر شي سيطر على ذاتي
ما عاد ألتفت لـ الزين لو يلفت الأنظار
فدتك العيون اللي تبي كل نظراتي
وش أقول فيك وكل ليلة تعبت أختار
وتحيّرت في وصفك بعد حيرة أبياتي
لك الطله اللي كنها الصيّب المدرار
ومجيك يرد الروح يآخر محطاتي
تفز الحدايق ورد ، لو قالوا أنك .. مار
مثل ما تفز من السواليف ضحكاتي
و على عرش شعري كنت أطرّيك باستمرار
و أقول القصيد العذب وأرز ، راياتي
يعرفك غياب الشمس يا غاية السمّار
ومن يعرفك يخاف الغيابات ويحاتي
جعل ليلةٍ فارقت عينك .. وأنا محتار
فدا الليله اللي جابتك عند خطواتي
أجمل الابيات عن المطر :
جعل غيمٍ يفرّح خاطرك ما يزول
وجعل كل الليالي فيك متباركه
_ ناصر مناحي
و اذا طاح المطر و البرق لاح و قرّب المرباع
ذكرت اللي تجيني راضيه و تروح مغصوبه
_ بدر بن ذنبوح
صوتين تسرف بالشعور وربّك
تاخذني من الارض لين الغيمه
صوتك إذا عبرت لي عن حبّك
وصوت المطر على شراع الخيمه
_ ناصر مناحي
أنا أول من يبشر بالحياء مبطي لكن ذالحين
يصب و لا يطفي جمرهً في داخلي حيه
_ فهد بن فلاح
كيف يلحقني من الوقت و الأيّام روع ؟
و أنت مدّاتك سحابة و فزعاتك وبل
_ راشد ال صبيح
سيلي مع الأمطار يا بنت الرحيق
من جاك ما قدّامه الا العافيه
الجو هذا لا لنوم و لا طريق
لوجهك أنتي و الوزن و القافيه
_ ناصر مناحي
تغريني البسمه على وجهك الزين
مثل ما يغريني المطر في بلادي
_ مهدي سميطان
صار عقد الماس في لبة نحرها
مثل حبات المطر على القزازة
_ ناصر الحمادين
المطر و الغيم ربي جمعهم فـ الرياض
باقي أنت .. الله يجيبك مثل ما جابهم
_ عبدالله السراهيد
يا قبلة الروح مدري قبلة المترفات
مازال حبك مقيم و ذكرياتك .. عطر
لو تكثر الامنيات ؟ و تكثر المغريات ؟
مالي طمع غير في صوتك و صوت المطر
_ محسن بن مترك
لا تحسب انه مطر هذي دموع السحاب
حست بحزني عليك و هلّت دموعها
_ بندر الدويش
ماحسدت المطر على مكان النزول
لين بلل جدايلها و هي ضاحكه
_ ناصر مناحي
شخاتير وبله قبل تاصل حدود القاع
شعر ضبي ٍ البارود متمثنيً جوفه :)
_ محسن بن مترك
أرعدي يا رعود وزبّري يا سحايب
وارجدي الارض بالما العذب منّا ومنّا
تالي العمر خام أبيض وقبر ونصايب
جعل من يجحد المعروف ماهوب منّا
_ سعد الموقي
حتى المطر يوم سيّل فوق الأرض اليباب
قلنا: السما تبكي وقال: السما تحتفل
_ مزيد الوسمي
وصيف الأنوار و أنسام الشتا و العفاف
متى! على العهد الأول تنهمر و انهمر؟
قطّعت لذات عمري لك سمان و عجاف
ولانيب بايع بغلطة منك عشرة عمر
قل ما تبي "بيننا" لو نختلف "لا اختلاف"
حِدّة عيونك تباس و زلتك تنطمر
حنا اختلافاتنا بالراي ماهي خلاف
تمر مثل مشاكل غيرنا / من تمر
اتخاف؟ وشلون! يا مجنون منّي تخاف
وأنا الأمان المطمّن و الرضى المستمر
لو كان شورك علي وجهة نظر قلت خاف
لكن شورك علي وجهة قمر يا قمر
أنت البحر و السُفن و الأشرعة و الضفاف
ما بعد حكمك قرار ولا خيارك أمر
عليك وجهٍ بياضه من بياض الطخاف
زاهيْه خدٍ حماره من حمار الجمر
غير الظنون النظيفة و اليدين الصخاف
كثيبك المرتوي و المايجات السمر
مثل الاوادم بشر لكن بشر ما أنت حاف
بشر يقود الهوا و الما و ينبت ثمر
اشتقت لك شوق مروين الدما للرهاف
و احتجت لك حاجةٍ من شوقي أدها و أمر
قْلوبنا ما اتشاف قْلوبنا لو تشاف
لبّيت عايد علي لبّاية المعتمر
ما عاد لرموش عيني من رموشك لحاف
ولا لعطشان فاهي من شفاهك خمر
تعال خذني من ايدين المحل و الجفاف
خل المجاديب تزهر و الديار تْعمر
أنا أحسب كل ليلة معك ليلة زفاف
لو كنت تحسب حياتي معك ليلة سمر
اللهم أنزل شفاءك على من مسّه الضر، وبدّل أوجاعه عافية، يا شافي القلوب والأبدان، اشفِ مرضانا ومرضى المسلمين جميعًا شفاءً لا يغادر سقمًا، وألبسهم ثياب الصحة والعافية، برحمتك يا أرحم الراحمين ..
لا عاد تنشد عن الفقد وعن اسبابه
طبيعة اللي ينادونه ولا يوحي
مهوب انا اول حبيبً يفقد احبابه
ان ليا الحين وانا اعالج جروحي
على رجا الغايب اللي يوجع غيابه
ادوره كني ادور على روحي
_ صباح الخير ، اما بعد ،
يلجأ الإنسان لمحاولات كثير والمحاوله الأخيره اما تكون خساره او ربح ، وعن الخساره بالمحاوله الاخيّرة يقول :
فمان الله عسى ما يردك لقلبي وله وشعور
ليا هب الحنين وجيت لك طيف وتغافلتك
تجاهلتك وأنا ضايق شعور وخاطري مكسور
تخيل قد ماني بحاجة وصالك تجاهلتك
" لا أحد قبلك ولا بعدك أحد "
عفت خلق الله من بعيد وقريب
وأعتزلت الناس بعدك للأبد
كل واحد صار بعيوني غريب
من فقدتك كن فاقد لي بلد
كل همي في حياتي لا تغيب
الحياه بدون ضحكاتك نكد
ماني أول شخص فاقد له حبيب
بس بغيابك أنا أكثر من فقد