السفيّر

سفيّر لأفكاري وأحاسيسي هُنا ، أكتب ما يعجبني

[السفيّر @5t5z]

ياخوك انا تصفق بقلبي هواجيس
وبمكافح الهاجوس باح الكنيني

واليا سمح لي بالزقاره قرينيس
فلا علي من راعي الجمعتيني

اكوي بها جرحٍ على الكبد ماقيس
في روضةٍ خضرا وكني سجيني

ولاني بناشد عن ملام الدنافيس
طوال الالسن قاصرين اليديني

[السفيّر @5t5z]

متكاثر ً ترسل رسالة تسلم ؟
يمكن أنا الليلة هنا وبكره اموت

قلبي مثل قلبك حبيبي تألم
كبّ المكابر قبل لا يفوت لك فوت

اليا متى ازريت اعاتب واعلم
لافادت افعالي ولا فاد بك صوت

لا صرت شايل في ودادك تكلم
العمر مرّة وتالي العمر تابوت

[السفيّر @5t5z]

ايه ياقدم الرسايل ويا حلو الكلام
ودي أحضن كل كلمة وأقبل كل حرف

[السفيّر @5t5z]

@1wwor لأنه ابن كلب بكل اختصار يا صديقي العزيز

[السفيّر @5t5z]

من غيبته والله انه ضايقٍ صدري
اللي غيابه .. مخلي حالتي حاله

معقوله انه بحزن القلب .. مايدري
وما جيت في خاطره والا على باله

[السفيّر @5t5z]

غبت ياللي تدري إني من الفرقا حزين
ماتخاف الله من الروح واللي ناشها ؟

صار حبّك مثل الايام من عمر السجين
تنحسب له من حياته .. وهو ما عاشها

[السفيّر @5t5z]

عقب رمضا زماني جيت ادور ظلالك
بل ريقي بقربك عقب طول الصيام

#رمضان_كريم

[السفيّر @5t5z]

@1wwor مافي احلا من القديم

[السفيّر @5t5z]

@1wwor كلب ومات

[السفيّر @5t5z]

غاب عني وانا ماني بـ داري 
فاقد حـس صوته 
جعل ما ذوق هم وحزن موته
حتى من هبة النسناس احنّه

والله ان الهوى غبن وعزاري
ليت مافيه فرقـا
كان ما قلت ليت الحظ يرقا
ولا قفيت التنهاته بـ ونّـه

[wa7tyysh . @9enkl]

وما الدهرُ إلا جامعٌ ومُفرق
وما الناسُ إلا راحلُ ومُودعُ

فإنْ نحنُ عِشْنَا يجمَعُ اللهُ بيننَا
وَإنْ نحنُ مُتْنَا، فالِقيامَة ُ تَجمَعُ

[الطـواري @_Al6wary_]

"إذكريني كل ماشفتي غيمة سحاب
قولي تراه يحبني كثر المطر"

[السفيّر @5t5z]

ام النوااااميس ولا سمها ام الدموووع
بكّت لها رجااال بالحاها واشانيبها 🔥
#الموت_الحمر

[السفيّر @5t5z]

ليتك معي ساهرٍ ليل الهوى كله
ما انوم أنا وإنت لأجل الحب سهراني

[السفيّر @5t5z]

ياوردة البستان يا ريح ريحان
يشمّك الصاحي ويسكر على الريح

الخشم سلة سيف والرمش فتّان
والعين عين اللي كسر للملاويح

وشعرٍ حرير ليا نزل فوق الأمتان
أرجعه بأصابعي فوق ويطيح

وكتف وردف وجسم والعود ريّان
ياجرح ياطب القلوب المجاريح

حرام مامثلك رأت عين انسان
ياقاهر الزينات سيد المماليح

[هـذّام ' @1wwor]

في اول صباح من 1 ديسمبر

أحبك

[السفيّر @5t5z]

تطري على البال لاغنى ابو نوره
"انت البدايات و اخر ساحل ومينا"

[‏قحطاني @tr7ix]

الشامه اللي بطرف صدرك من يسار
هذي هي النقطة اللي ما بعدها كلام .

[السفيّر @5t5z]

يا شيخ لو تكثر علينا الاباطيل
سحار موسى سحرهم ما سحرنا

يضحك علينا والليالي مقابيل
ناسً نظرهم ما يوافق نظرنا

ان شككوا فينا على عابر القيل
بالفعل حنا كل قول اختصرنا

وان صار فالدعوى تحدي وتنكيل
اما نزلنا صح ولا شهرنا