َ

[َ @62jik]

تجاوزت ذيك الليلة اللي بدون شعور
على صدري رماح الحسايف تركزّها

تجاوزتها مجبور ولّا ماني مجبور
انا ماهقيت اني بيوم اتجاوزها

لياليك راحت دون عفوًا ولا مشكور
من اللي حصل مافيه حاجة تميّزها

تلاشت ما باقي منها ملح ولّا نور
ولا زينها يلفت ولا عطرها يزهى

[َ @62jik]

اليوم يلبس صاحبي دبلة العرس
مدري ابارك له او اعلن حدادي

وانا عرفت ابدنيتي يابشر درس
في هالزمن تفريق الاحباب عادي

[َ @62jik]

عزاي اني الصابر على جمرة الحرمان
بعد ما انقطعت أخبارك وشانت ظروفي
أداري دموع العين وأقول أنا كسبان
وأنا غيبتي ما جابت إلّا عنا جوفي

[َ @62jik]

مبطي عن أخبارك وعيا يزين الحال
والبعد طال وسكر البعد ابوابه
أقفيت وأنا شايل بـ خاطري غربال
وقلب من الحرمان كثرت صوابه
قالوا غنايم غيبتك؟ قلت يا رجال
ما جاب طول البعد غير الكآبه

[َ @62jik]

الصدر ضاق وجاير الوقت مالي
والحزن خيم في الحنايا ولا زال

أسهر طوال الليل وأقفت ليالي
وأخفي دموع العين عن قيل وقال

أبكي خفا وأضحك بوجه الرجالي
والحزن في صدر السنافي قتال

أخفي طعوني في ضميري لحالي
وأمشي مع العالم وأنا ضايق البال

[َ @62jik]

كتمت حزني بصدري والعيون تشوف
وأقول ما فيني إلا الخير يا ناسي

وأنا من الوقت عشت المر والمألوف
وضاقت بي الأرض من راسي إلى ساسي

[َ @62jik]

أغرد وأدري إنك في خفاي تتابعين
وتدرين إني بك أغرد ولقلبك أكتب

وأعرف إن القصايد لك تبين
يومك بوسط القصيد تتعجب

[َ @62jik]

جارت صدوف الوقت والبال مهموم
والأمنيات البيض ماتت بـ يديني

ما عاد لي في فرحة العمر مقسوم
والكل يلمح حزن رمشي وعيني

[َ @62jik]

صارت لغيري وانتهى حلم مرسوم
وبشت النصيب بليلة العرس غطاها

طاح الفرح من دنيتي صرت محروم
والروح راحت مع خطاوي خطاها

[َ @62jik]

جرح المفارق هدم حلم بنيناه
وصارت أمانينا مجرد حكاوي

كلن خذا في دنيته ما تمناه
وأنا بقيت بـ علتي دون داوي

[َ @62jik]

راحت لغيري وانقطع حبل الوصال
وأقفت وأنا صامد بـ وجه المراره

نجحد جروح الوقت والدمع لا سال
نكتم حزننا لو بـ صدري شراره

[َ @62jik]

لا اظلم الليل طاري غيابهم حل
وعزي لخافق يسهر الليل ضايق

[َ @62jik]

طوينا سجلات الهوى والمشاريه
وكلٍ على دربه خذاه النصيب

[َ @62jik]

وقفّت ركاب الغرام وذبل نوره
وصارت ملامح دنيتي عقبهم ضيق

أداري خفوقٍ ماتت اليوم بروره
وأسج القدم في ليل ما بلّ له ريق

[َ @62jik]

سريت مع ليل العزلة وتويتر فضاي
أكتب همومٍ وسط صدري سجينـة

[َ @62jik]

على كف القدر نمشي ولا نطلب رضا المقفين
من بغانا شريناه . . ومن قفى عفينا عنه

[َ @62jik]

يا عابرٍ بالذاكرة.. مالي على طيفك ملام

[َ @62jik]

قولوا له إنه هو ختام الحُب ولا بعده بديل
و في كل بيتٍ من قصيدي والله إنه مقصدي

و كانه يحسبنيّ أبنسى . . من غيابه الطويل
أقول له ما أنساك كود الموت ينسى موعدي

[َ @62jik]

اذكرينّي لا قسَى قلبه عليّك
واذكرينّي مع عبارات الغزل

واذكري كلما تجمَعتوا سوا
ينطعن من خنجر الغّيرة رجل

من هنا لأخر مشّاوير الحياة
اعشّقك بجنون ما اعشّقك بعقل

اخذي عيوني من عيوني وشُوفي
كيف قلبي لا لمح وجهك ثمل

[َ @62jik]

تجاوزت ذيك الليلة اللي بدون شعور
على صدري رماح الحسايف تركزّها

تجاوزتها مجبور ولّا ماني مجبور
انا ماهقيت اني بيوم اتجاوزها

لياليك راحت دون عفوًا ولا مشكور
من اللي حصل مافيه حاجة تميّزها

تلاشت ما باقي منها ملح ولّا نور
ولا زينها يلفت ولا عطرها يزهى

[َ @62jik]

فقدت الغرام وضحكةٍ كنت أداريها
وعزاي إن بقايا طيفك اليوم تكفيني
ليالٍ مضت ودي لو الوقت يشريها
ولكن نصيبي في غيابك يبكّيني

[َ @62jik]

أنا رفيق الحزن من يوم غبتي
ما عاد لي في سجة الخلق رغبه