شاعر غربه

[شاعر غربه @666BNB]

افرشك من قاف وعطيك معناه
ورسم من الافكار بستان ورده

وعطيك من وزنه على راس شلفاه
مايختلف بعيار صيفه وبرده

ترعد وبرق المزن توضي ثنياه
ناطا على الفيضه من الصيف جرده

[شاعر غربه @666BNB]

سهرت لعيونك وانا في حراويك
شفت القمر شكله ولاشفت نوره

سحاب وصلك مخفيٍ كل مافيك
ومن الخيال اللي بقى بس صوره

مع هاجس الذكرى وشوقي يناديك
بالقلب بستانك تغني طيوره

كل الحلا والزين واللطف كاسيك
على كمال الذوق فتنة زهوره

[شاعر غربه @666BNB]

الجرح جرحك والسوايا سواياك
والنار فيني ولعتها يدينك

نهايتك ماهي تشابه لمبداك
وصدتك عن عيني الى جت بعينك

بدت تغير كل يومٍ نوياك
ماعاد باقي شي بيني وبينك

[شاعر غربه @666BNB]

اعظم شعور مداعبك للمشاعر
مابين شد وجذب حسك وحسه

اما تحس براحةٍ وانت عابر
والا وصال الود تبدأ تمسه

ظل الغلا من دونه العرف كاسر
لابد من هرجه وقلبه تعسه

[شاعر غربه @666BNB]

ياشاعره مادام قلتي تشعرين
لاراح بك للشعر كله بك وزاء

الصيف حره حر ياحر السنين
ياحاسبه ساعتك وحروف الهجاء

غني لنا موال والقاسي يلين
والحاضراحسن من مواعيد الرجاء

[شاعر غربه @666BNB]

عامٍ جديد الله يعوده على خير
للمسلمين وصدت الضيق والهم

وحاجاتنا تقضي بهون وتياسير
وثوبٍ من الصحه لبوس عن الغم

ورزقٍ مبارك له تسوق المقادير
ماهوب محسوبٍ ولا عارفٍ كم

القلب من زود الفرح كنه الطير
بين الحنايا كافخٍ والسعد عم

[شاعر غربه @666BNB]

لو السماء تمطر جواهر وياقوت
والارض تفرش لك من ترابها مسك

ماعاضتك بالوقت عن فايت الفوت
روحٍ تولف روح بالحس تلمسك

اللي يرد الود ويناجي الصوت
لك بالغلا مشاعره دوم تهمسك

[شاعر غربه @666BNB]

مته علينا تمطر الوصل ياغيم
جوك يجيب العافيه يامطرنا

مع بارقك صوت المطرله تقاسيم
يسعد خواطرنا وحسه جبرنا

اكتب مع الذكرى لياليك ياديم
ان الهجر مهما بلغنا كسرنا

جرح الزمن يشفى ولا فيه تسليم
والغدر جرحه بالليالي سهرنا

[شاعر غربه @666BNB]

ذبذبات الصوت بالخافق تذوب
هي علاج القلب في نغماتها

هي مكملة الغذاء فيها عذوب
تنعش الارواح من سجاتها

تغني المحتاج عن كل الحبوب
ياشفاء الاكباد من علاتها

ياطبيب النفس من قبل الغروب
لا تضيع صدتك هقواتها

[شاعر غربه @666BNB]

مادامها لك تنحني كل الارقاب
ليك تلوم القلب عنة حروفه

اموت وحياء بين وردك والاهداب
وان اشهد انك في حياتي حسوفه

عذبتني مابين هجران وعتاب
وزرع الغلا ضامي وشانت ظروفه

[شاعر غربه @666BNB]

لاتحدر بالغلا وتصد بايع
لانزل سعر المحبه ويش ابيبه

مانصيتك من ظروف الوقت جايع
يوم جيت الجرح ظنيتك طبيبه

المشاعر ممسيه مثل الودايع
والموده ماتجي حكم وغصيبه

غرق بستان الرضى والشور ضايع
ياملاكٍ راح قلبي من نصيبه

[وردة الأمل @wrd_alamml11]

إذهب حيث يرتاح قلبك حيث ترغب أنت ، إذهب حيث تجد الأمان والإطمئنان ، لا تسلك طريقاً لا يعجبك لمجرد أن الآخرين قد سلكوه ، فأنت الذي ستعيش وليس هم ."

[شاعر غربه @666BNB]

لاتعتذرلي مابقى دونها اعذار
تليت حبلك ونقطع فيك عجلي

وحطيتها في رف مصدوف الاقدار
وطويت عن وصلك مجاذيب حبلي

ولاعاد عنك انشد ولا ادور اخبار
نقض الموده هان من عقب فتلي

[شاعر غربه @666BNB]

لاتنشد المقفي ولو عنده علوم
لوكان وده ماسعى بالصدودي

من عز نفسه مامساء يومه هموم
والصبر عدٍ يروي اللي يردوي

ولابد من يومٍ يجي جوك غيوم
يهل ودانه ويسقي الخدودي

[شاعر غربه @666BNB]

جيتك وحظي ينتخي بيض الايام
والا الليالي ماتعنز عليها

ماكل طيرٍ يلحق الصيد لوحام
ولاهيب تذرا وين مانته تبيها

تقودها عجلٍ بلا شد وخطام
وفزت تصفق في وجودك يديها

[شاعر غربه @666BNB]

على العدود البارده باخر الليل
صدر ضعنا فوقها ماشربنا

ولا كل نوٍ في بروقه له نخيل
لاصار دربه لوبغينا عسرنا

ولا نطرد حلومٍ سوات التماثيل
ولا حدٍ نهانا قط والا ومرنا

[شاعر غربه @666BNB]

الهقوه اللي روحت مالها طب
متقاعدٍ عقب الوفاء مرخصينه

اللي على روس المراقيب مرقب
ماحدٍ يوفي له عطاته ودينه

منولٍ للشيخ حشمه ومكسب
واليوم هبت به عواصف سنينه

من لاقرأ بالناس ماهوب يكتب
يامزودين الماء بصمل الشنينه

[شاعر غربه @666BNB]

عيدٍ سعيد الله يعوده على خير
في كل عام وحايفته السلامه

على الجميع مباركٍ دون تقصير
ولكل مسلم حقق الله مرامه

ويبقى وطنا له موده وتقدير
مثل الجبل شامخ بعز وكرامه

[شاعر غربه @666BNB]

العيد عيد اهل القلوب السعيده
ماهوب عيد اللي حياته غرابيل

ياعيد عدة بخير مره جديده
الله يعودك بالرخا والتساهيل

تباشروبك وكتبو بالجريده
واللي على عوده يغني مواويل

واحدٍ من الاقدار حاله نكيده
تلعبه الايام لعب المحاحيل