سعود

الي يدقق في الحياه ..يملّها.

[الأخطل @502A__]

لاتحسب سحانا خوف منك لكنك شويب
حرمنا الشعر الابيض لنجفاك ونسبك

وانا منك حقي ماخذه طرق ولا طيب
لذا مثل مااعرف علتك عارفً طبك

كلامك رصاصً فـ الهواء مثل طاط وبيب
وازيدك سفه حتى شفايفك تستبك

على فراشك وتخطي علينا ياكبر العيب
عليك وعلى الفرش وعلى واحدً نبك .

[سعود @66o1_]

أنا أحسب إني استرحت من المساري كل ليل
الين صارت الارض فوقي عقب ماني فوقها

سريت وأنا وش باقي لي من الويل ويل
مافي رحاب الارض ديرة ماني بمخنوقها

والله ما خترت الفراق ولا تساهلت الرحيل
لكن قلوب الطيبين .. تضيع مثل حقوقها

[جابر النشيرا @jaber_nshera]

تدخل الزلات من باب الميانه
لانفتح باب الميانه بالسهوله

من عرف قدره حفظ قدره وصانه
مستحيل انّه يدور الشكّ حوله

النبي يوسف تعادو له خوانه
ودارت الدنيا عليهم واسجدو له

الضعوف ضعوف مافيهم تكانه
ليت حتى في عداوتهم رجوله

الردي بالذات مامثل اسفهانه
يبتعد منّا وراه الله يزوله

واحدٍ لاشافنا يبلع لسانه
فـ القفا خلّه يقول اللي يقوله

[سعود @66o1_]

@aprvip هذاا والله القارشه 🤣

[سعود @66o1_]

مالله خلقني احوز إعجاب خلق الله
ان جزت لك زين وان ماجزت لك عادي

[سعود @66o1_]

@j2ri_ عوبا ومربوعه وديزاينٍ جديد
نحف وصغر مبسم وكبر من ورى
ٌ
من زود مافيها من النعمه تزيد
حايل وراكبها عدال ماجرى
ٌ
على هدير الهرش تبرك من بعيد
كنها من الغربي تدور للذرى ـا
الدعيه

[سعود @66o1_]

من لهفة الشوق مدري من هجير الغرام
الضحكه مسافره والفرحه مطلقه

لي مده وخاطري ماهو على مايرام
ونفسي من الفقد والحرمان متغلقه

على هنوف غلاها مثل فرض الصيام
في سد ضلع يشوف الموت متسلقه

من دونها شايبٍ طاغي وولدة حرام
دربيله معلقة. والبندق معلّقة )؛

@aprvip

[سعود @66o1_]

كييف ؟ بعد الغرام الصادق ابحث خفاها
وليه ؟ ولا تبون الصدق ماني بـ داري

مستحيل اجرح اللي كنت ادور رضاها
واجحد الماضي اللي عشت فيه انتصاري

كانت تشوفني مثل البدر في سماها
وكانت النجمه المتعليه في مداري

شمّت من غيرها من يوم طحت بـ هواها
مثل ما شمّت عن زلات ربعي وجاري

[سعود @66o1_]

يا سيّد . . التجريح . . و الأوجاع
مع كل جرح ٫ أقول لك مشكور
ㅤ
إن جيت . . ماجيتك و أنا طماع
وإن رحت . . ماتلقى عليّ قصور
ㅤ
ما أقسى من الفرقى بدون وداع
إلا " الوصال " اللي بدون شعور

[سعود @66o1_]

استر ماواجهت ياتالي نهارالربوع
طلبت ربي ولااطلب منّك إلا الستر

قاومت ستّ الليالي الماضية فـ السبوع
ونجحت في الالف ميل وطحت فـ آخر متر

[سعود @66o1_]

فرصة العمر لو مرتك ماتحتريك
كيف لاصار ضاعت واكثر العمر ضاع

والغلا اللي بعد مالنفس طابت يجيك
يمكن تصدقه لكن بدون اقتناع

فالك الصبر ياقلبي ومافيك فيك
كان حلمك كبير اكبر من المستطاع

قال سلم علي وقلت اسلم عليك
كان قصده سلام وكان قصدي وداع

[سعود @66o1_]

ماشال هم الذهيب الا مداويره
يامدور العثره اللي فيدك سوه

المبغض اعرف وجهه من تعابيره
لو كان يلبس ثياب الود ويموه

كلٍ يعامل حسب حجمه وتقديره
وصنايعه فالرجال يشوفها توه

سمحت من جيرة الي مالهم حيره
وسمحت من خوة الي مالهم خوه

[سعود @66o1_]

كان ودك تستريح أسأل مجّرب
واغتنم نصحي ما دام انه من اجلك

لا لمحت الحب من قلبك مقرّب
ان قدرت تحط رجلك حط رجلك .

[سعود @66o1_]

أخذت من تجربة الأيام زبدة كلام
أليا تحدتك ميلات الليالي تحــد

أما تعلويت في الأمجاد ذروة سنام
ولا توفيت والدنيا ما قرت لــحد

[سعود @66o1_]

تزين النفوس ان كان وجه البسيطه زان
وتشين النفوس اللي من الوقت منضكه

يا وقت الفرح حتى لو انك وسيع بطان
اباخذ معك فنجال واحد عن الشكه

[سعود @66o1_]

كلنّ يشوف أنه سليم الإعتقاد
وأن الله الهادي وهو المهتدي

البخل في عين البخيلين إقتصاد
والضعف حكمه في عيون الأجودي

وأسهل عمل للفاشلين الإنتقاد
كلن يسب أهل الردى حتى الردي

حتى الجبان يصير طارق بن زياد
إذا جلس على البساط الأحمدي

[سعود @66o1_]

أدري ان قضية لزومي بدقة تيلفون
غير خايف من جميلٍ علي يصعب جزاه

يابن آدم لايهمك كلام المرجفون
من عرف معنى الحيا بيعرف معنى الحياة

كل نفسٍ تقبل الهون لو مره تهون
الهوان يقود كل الهوان الي وراه

لو تعيش العمر كلّه تحت سقف الديون
لاعطاك الله غنى النفس عينت الغناه

[سعود @66o1_]

مضراب عينك تقول الجثري الشقراء
مفروض ما تمشي بها … إلا مصرحها (:

- محمد الرويبخ

[سعود @66o1_]

يا جديد الحب إذا عندك لياقة
لا تخلصها ورى طرد المسفّه
.
قبل ما تحرص على حفظ العلاقة
احرص إن قلبك ما عاد يمد كفه
.
ودي أنصح من يشوف إن فيه طاقة
للحياة وحبها يسحب ملفّه
.
المحبة موت لوّ تحب ناقة
خل عاد إنسان شفّك حول شفه

- خالد مبارك

[سعود @66o1_]

أنت يا حلو الملامح ويا حلو الصفات
جل شان اللي من الزين معطيك رهوه

كل يوم تحط دوبك و دوب الذكريات
لين ما ياخذ بي الوجد والشوق نهوه

يا محاصرني بـ ذكرك من الأربع جهات
ما تركت لـ ساحة البال سجه ولهوه

ارتبط وجهك مع الورد والماء والنبات
و ارتبط طاريك مع كل فنجال قهوه"