حمد الهاجري

[حمد الهاجري @67md6]

اعتبرني مثل فرصه و ضاعت عليك
كم تمسكت فيك و كم هديتني

[حمد الهاجري @67md6]

كمل غيابك وتقصيرك
غيبتك ما عاد احس بها

لا رحت بكره يجي غيرك
يا وسع الأرض و مناكبها

[حمد الهاجري @67md6]

تدري إني من خيّـار الناس ومن الـندّر
وتدري إنـك لو تدورني ماعـاد تلقاني .

[حمد الهاجري @67md6]

صباح الخير ☀️:

القليل من التجاهل سلاح العاقلين
يجبر اللي غرّه الكبر يرجع مستواه❣️.

[حمد الهاجري @67md6]

ماخِـطيت في حقه والشاهد اللّه
هو مَـد كف المفارق وأنا سلمّـت

[حمد الهاجري @67md6]

عيب تنسى فعلك وتحاسبني على ردة فعلي

[حمد الهاجري @67md6]

المواصل شي عادي والمفارق عادي
كل ماودّعت غالي .. جاني اغلا منه .

[حمد الهاجري @67md6]

كل ما جينا نصافح ، نصافح بـ إندفاع
مشكلتنا نعطي الناس فـوق أحجامها

[حمد الهاجري @67md6]

ما نليق لبعض يا سيدي
انت تكابر وأنا ما انحني

[حمد الهاجري @67md6]

إن كان عينك تشوف الدرب منت بـ ضرير
تراي أجيد النقاش و عندي أخذ و عطاء

لكن إليا خربت أخلاقي ما أحّب أستشير
أمشي على اللي بـ راسي صح و لا خطاء

[حمد الهاجري @67md6]

أتعب على اللي ما يطولونه الناس
شيءٍ تطوله الناس . . للناس خلّه

[حمد الهاجري @67md6]

طبع البشر دايم تحب المقفي
أما الذي يقبل عليها .. تبيعه .

- ثامر شبيب

[حمد الهاجري @67md6]

العام كنك طويق في وسّط بالي
واليوم ما تسوى غسول الفناجيل .

[حمد الهاجري @67md6]

يقول : ثامر شبيب

من صد عني ترى مانيب محتاجه
من دونه اعيش دامه عاش من دوني

وان قدر الله مع الايام نتواجه
تمر مثلك مثل ناسٍ يمروني

في عيوني تصير ماتسوى ولا حاجه
من عقب ماكنت تسوى الناس في عيوني

[حمد الهاجري @67md6]

تغاضيت عن زلة رفيق و عتب غالين
وصبرت قلبٍ '' سود الأيام موجعته ''

رميت العتب في سلة المهملات إيلين
لحقني الخطا من واحد ما توقعته ..

[حمد الهاجري @67md6]

فرجها على اللي يفرج الضيق يا سلطان
ما والله نعنزها على واحدٍ .. غيره

جزيل العطايا الرازق الواهب المنان
جميع الخلايق تحت حكمه وتدبيره..

[حمد الهاجري @67md6]

لا تاخذ الدنيا على محمل الجد
اضحك لها لو تبكي الناس منها

لأيامها لو طالت أيامها حد
تاقف عليه وينقلب لك صحنها

لا تحسب انك عند طوفانها سد
هذي تكاليف الحياه وسننها ..

[حمد الهاجري @67md6]

صحيح أن الغياب الي حصل بيني وبينك طال
لكن ماهوب انا اللي فوق حبّه يسفي السافي

لحقني من غلاك و من جفاك الي يرق الحال
مثل ما كني إشوف الحزن في طرفك الغافي

يروح الي يروح من العمر و اللي بقى لا زال
و يبين الي يُبين من الغلا و الخافي الخافي..

[حمد الهاجري @67md6]

ارتاح لايتعبك طرد المقفين
ما كل من يتعب يحصل مرامه

ابعد عن الدنيا وركز على الدين
الي معاه تفوز يوم القيامه

ان جيتنا حنا على العهد باقيين
ولا اقفيت عنا رافقتك السلامه ..

[حمد الهاجري @67md6]

عد فـ الرجم الطويل وشب نارك
يا سلالة من مواقفهم حموها

جعل حظك زين وايامك تبارك
انت زيزوم المراجل وانت ابوها

لا تشوف الناس ضعفك وانكسارك
لو عظامك تنكسر ما جبروها..