يا راسي اللي يجذبه كل نوماس
ويا ساقي اللي ماشكى من مسيري
بعض الكلام اللي من الراس للراس
اجنّبـه .. إليا تكلم ضميري
مهما تغيّر فالملامح والاحساس
ومهما جهلت اللي يواجه مصيري
لا زلت انا الواضح رغم زحمة الناس
اللي يضيع بزحمة الناس غيري ..
شبيه الهم أنا المخطي ادوّر من وراك انصاف
لو الإنصاف في هذا الزمن ماهوب بالساهل
تراني في حضورك أو غيابك ما عليّ خلاف
تجاهلت الخطأ البيّن ولكن ماني بجاهل
أنا اسرفت في حبّك وأنا اسف على الإسراف
ياليت انك على كثر الغلا اللي جاك تستاهل
الهم في اخر ساعه من يوم الجمعه
أجعل السعادة دائمة في حياتنا، اللهم أبعد عنا الحزن و الضيق، اللهم فرّج همومنا و يسّر أمورنا و أشرح صدورنا ، اللهم تقبّل ادعية قلوبنا..
والله ماني جبان ولاني بخيل
ولا طول لساني إلا طول باعي
حتى لو أن جداني هل الخيل
ما قد تذريت فالأسم الرباعي
ما أخذت حقي بفزعات الرياجيل
بـ ذراعي الله يخلي لي ذراعي .
بخيل بـ معاناته على الناس ومضرّىَ
يعَذْر الكلام ان صار فايض ومتداخل
آعَرف الشحيح اللي على جوده مورّىَ
وآعَرف الكريم اللي على كلمته باخل
وآعَرف العزيز اللي لو يموت ما طرّىَ
مثل ما تعَرف الاندلس قيمة الداخل
يوزّع على الناس - ابتسامات من برىَ
على شان يدفن جرة الحزن من داخل
إستعذت من الدروب الّلي نهايتها حسّافة
قبل ترميني ملذات الزمن .. في جوف غبّة
شيمة الانسان ميزان اعتداله وانحرّافه
تنذرّه لا شافت الاوضاع ما هي مستّتبه
إن عجزت إنك ترد النفسّ عن شيٍ تعافه
ما قدرت تحط نفسَك فالمكان الليَّ تحبَه
ياصاحبي لايحبطك جور الحياة
ولا تضايق وأمر ربي من سعه
ولا تعيش العمر كله في شتات
استرجع الي راح منك واجمعه
اللي ماينفع نفسه بعز وثبات
والله مايلقى اللي بعمره ينفعه
مستقبلك ماله شغل بالذكريات
اللي شراك اشره ومن باعك بعه
وان قفلت في وجهك الأربع جهات
اختر جهه غير الجهات الاربعه