حبيبك ، وافهمه ، واعتني فيه
وفي كل موقف حط نفسك مكانه
تبسم بوجهه ، ورحب بطاريه
واحفظه في قلبك سوات الامانه
بيع الخلايق كلها لجل تشريه
المستحيل الصعب سوه عشانه
حبه ولا تسال عن أيام ماضيه
ولا تفكر بالغدر والخيانه
خل السهر يسرق دقايق لياليه
اجمل زمن بيمر عمرك زمانه
استحيت أنادي اسمك بدون مقدمات
و انت من زود اللطافه لك أكثر من اسم
يوم يا لبى الوصايف ويا لبى الصفات
يوم يا ليتك بجنبي وليت الله قسم
الطمأنينه طمأنينه الا بالشتات
كثر ما اتسعت كثر ما يضيق بك النسم
ليه أطول بالس��الف وأقصّر بالسكات
أنا يكفيني لو أموت عندك مبتسم
لا و الذي يعلم بسرّي ونجوايّ
ماحط غيرك في ضلوعي علامه
دخلت في قلبي وشيّدت برضايّ
قصرٍ يضمّك مثل قصر اليمامة
يابهجة ايامي ويانور دنيايّ
حُبك كري�� ويستحق الكرامة
ما للمودّة حد لا تبحث اقصايّ
اي والله احبك ليوم القيامة 🖤
قلب (ن) يحبك من بعيد لـبعيد
ومستحي يعبر للعرب عن حبه
خايف (ن) يجيب في عمره العيد
وخ��يف تشيل مقادير الايام حبه
اكرر اسمه في بالي و أعيد
مثل ماكرر الزميلي طريق جبه:)