عن غرامك يا اتلع الجيد لو قلبي يتوب
يمكن ادخل في حياتك بقلبٍ مستعار
جرتك في جرهد البال يالظبي اللعوب
مثل نبت الورد الابيض على وجه الخضار
مد يمنى الوصل واقلط على الصدر الرحوب
واحذف كبار المعاذير بالسبع الجمار
من ليلة البارحة كني على جال نار
يا طول الأفكار في بالي ويا سمنها
لاذت جميع الحلول الممكنة بالفرار
مدينتي خوفها حلّ بـ محلّ أمنها
محبتِك يا أقرب من الثوب ومن الزرار
قل وش بقى من بركتها ومن يُمنها
أحلامي الواقفة في صالة الإنتظار
يؤسفني إنك ماراح تكون من ضمنها
أقفيت وأنا اكبر من التبرير والعذر السمين
حتى لو إن خاطري ماكل شي يصبره
القلب يكسره اللسان ولاتجبره اليدين
مهب عظم كل يوم تكسره وتجبره
ماعاد عندي فرصة تهدر من العمر الثمين
واللي بينشده من أسباب الفراق يخبره
حيث إنه أول شخص يسقط من عيوني مرتين
وأنا عيوني من سقط منها ماعاد تعبرّه
المداهيل القديمه وتجديد الاثار
جزم كبد وقل حيله وضيقه وغلقه
جض قلبي كل ما ميلت شمس النهار
جض من وكد غريمه ولكت بندقه
اتقوى وانهر الدمع وابوج الديار
وعبرتي في مطلع الحلق مثل المشنقه
من وقف بين المحبه ومابين الوقار
والله ان يبطي وحلم العمر ماحققه