زيــاد

[زيــاد @6icqy]

ماكنت في حقك مقصر وساهي
وماكنت اجرح قلبك ووريده

وماكنت اسيل دمع عينك الناهي
وماكنت ارفض طلبك اللي تريده

نسيتني ونسيت حبيبك الجاهي
واليوم ماكني ذاك الحبيب اللي توده

لا والله مابنسى عشقنا والغرام الزاهي
والهدايا والوعود ورسايل الموده

[زيــاد @6icqy]

قالوا بيوتك كل ابوها حزينه
وأبيات شعرك تجذب اللي قراها

قلت الجروح اللي بقلبي دفينه
حاولت اخفيها وبين صداها

[زيــاد @6icqy]

ما كل مستشفى علاجه يداويك
ولا كل دكتور يداوي جروحي

جروحي علاجها بأسمك يوم اناديك
هذا علاج القلب يا روح روحي

[زيــاد @6icqy]

اه ياضيقةً تزاورني تالي الليل
تذكرني بواحدٍ تركني وتروح

ودي اهل الدمع من زود الويل
بس اكتم الهم بصدري ومابوح

وكل ماسألني احد قلت ياليل
اثر الهم في وجهي واضحٍ ومفضوح

زاد الحزن واصبح بقلبي عليل
لو جا وقال تسامحني؟ قلت مسموح

مير داري بعد هالوداع فراقٍ طويل
فراقٍ اضعفني وزاد فيني الهم والنوح

اتمنى وياليت و ودي بمقابل هالخليل
بس ماهو مداوي التمني قلبٍ ملته الجروح

[زيــاد @6icqy]

ارحب ياخلٍ يساوي الناس
خلٍ له شهرين غايب

مشتاقلك وربي عليمٍ بالاحساس
تراني بدونك انا شخص سايب

يزاورني وجهك بين كل الاجناس
وجهٍ لو شافه كافر قال انا تايب

حبي لك تعدا حدود الغلا والقياس
ماهقيت انك بترجع وصديت عنك خايب

حبيبي لاتبعد عني وترد مع الانفاس
لو شافني دكتور قال ذا من الهم شايب

تراك عندي اغلى من الذهب وألالماس
من عقب هجرك من الموت ماني بهايب

[زيــاد @6icqy]

والله ولو أعيش عمري مية حول
قلبي لغيرك مستحيل يتحوّل

لو بيننا سيف المقادير مسلول
درع الأمل ضد النهاية مخوّل

منتظرك لباكر وبعد وعلى طول
ياقمة الأحلام والحب الأولّ

باب الغلا لاجلك محصّن ومقفول
حتى ولو غيرك طرقه وتسوّل

[زيــاد @6icqy]

اي والله اني عشقتك يا آخر احبابي
وصديت عن مجمل الناس وجيتك

في وجه غيرك مسكر انا عيني وبابي
غالي وزاد الغلا يوم اني غليتك

شفني ليا مر طيفك فزة اهدابي
وشلون لا منك ندهت اسمي ولبيتك

[زيــاد @6icqy]

عسى عيدك سعيد ولو دروب اللقى بعيدة
ولو شوفتك صارت لعيني حلم ومستحيله
تمنيتك بجنبي نكتب للاماني قصيده
لكن حكم القدر مالي في رده اي وسيلة
عسى ربي يزيدك لو المسافه زهيده
كل عام وانت بقلبي ولو مالي بلقياك حيله

[زيــاد @6icqy]

أقول في نفسي و أنا أعايد الناس
متى بشوفك تكمل أفراح عيدي

أجامل وربي عليمٍ بالإحساس
وشهو شعوري و إنت عني بعيدي

إلى خذاني لك على السهر هوجاس
ماكني إلاّ وسط ربعي وحيدي

لو حسّوا بما بي يقولون لا بأس
بدال قولة علي عيدك سعيدي

[زيــاد @6icqy]

فدوة عيونك ماطلبت الا قليلٍ من كثير
كلي حلالك دام كفك عند كفي جاسره

لكن انا محتاج وصلك لان ابو قلبٍ فقير
يشوف كأن غصون قلبه من الجفا متكساره

خايف يمر العيد ماشفتك ولا علم نظير
واخاف اعوّد واخسر عيدي وشوفك خاسره

[اشعار خالد الفيصل @Khaled_alfisl]

أستكثرك وقتي على وغدا بك
عادة زماني كل ما طاب هون

ليت الذي وداك يازين جابك
تشوف عقبك كيف الأيام سون

[زيــاد @6icqy]

باقي على عيد الاضحى عدة ايام
متشفق على شوفتك لو هي بصوره

العيد لا يعدّي مثل عيدي العام
عيدٍ ما اشوفك فيه باهتٍ شعوره

[شعر خالد الفيصل @k_allfaisal]

من تذكرني على صفوة مزاجه
ينتظرني لين يصفى له مزاجي.

[زيــاد @6icqy]

مالله كتب لي فيك حظ ولا نصيب
الواقع اصدق من ياليت وربما

حتى لو ان احساس قلبي مايخيب
سفك الشعور اشد من سفك الدما

والغيمة اللي تاخذ شوي وتغيب
ما تغري الا الميتين من الضما

احيان حتى اللي تحس انه قريب
يمكن يكون ابعد عليك من السماء

[زيــاد @6icqy]

لا باس .. يا راسٍ ملته التفاكير
وعاف المنام وعاف لين الوساده

لا بُد من عقب المصاعب تياسير
والآدمي يصبر .. وصبره عباده

نتعب ونقطع بالركاده مشاوير
وسعي الطفاقه غير سعي الركاده

بكره يبين الصبح ويغرد الطير
وأمشي مع العالم وأوزع سعادة

[زيــاد @6icqy]

تـاه عمري وبللت الحـزن بالدموع
والشوارع تبكينـي لا مريتها

يـوم قالت قطاعه قلت احب القطوع
ويـوم قالت تسامحني مـا حاكيتها

وبعد مارحت منها مات عزمي الجزوع
القصايد تذكرني لاغنيتها

انا احب القناعه بس مانـي قنوع
وودّي انـي بكل ساعه امر بيتها

انكسار الخواطر هو اساس الوقوع
ما تعرف الحياه إلا لا عانيتها

المشاعر تذبذب في انحدار وطلوع
والمواعيد تقتل حسب توقيتها

الوصل لهفة الشاعر وعينه تجوع
ومن كثر دمعها للوصل حنيتها

ولعت شمعتي من بين كل الشموع
ورحت منها ولكني ماطفيتها

قالت ارجع وحارت خطوتي فـ الرجوع
غلطتي يوم قالت روح خليتها !

[زيــاد @6icqy]

ياهنيكم ياللي تنامون الليل
ماورطنكم سود الليالي في هم

انا اسهر وعيني تشوف الغرابيل
والدمع من محجر عيوني نزل دم

[زيــاد @6icqy]

اعوذ بك من هم تكرار الايام
من دون لا افرق مشرقي عن مغيبي

احفظ حما صدري من اطغاث الاحلام
ولا تحوجني يالله لمشرح طبيبي

ولاتوري زلتي عين لوّام
ولا ينذكر في غيبتي غير طيبي

ربّي قني من شر نفسي والأوهام
و الأمنيات اللي ماهي من نصيبي

[زيــاد @6icqy]

بقى ذنب واحد عجزت انساه
بعد ماهداك الله ياقلبي على التوبه

لك شوق يا ذنب تركته لوجه الله
عسى سيئات الشوق ماهي محسوبه

[زيــاد @6icqy]

معاد اشوفك ولا احاكيك
مشتاق لك وما باليد حيله

كل ما جيت ابنسى طرالي طاريك
حتى الدقايق في غيابك طويله

وينك ياللي كل ما فيني يبيك
يا نبض قلبي وهواه ويا دليله

تدري اني احبك ومن قلبي ابيك
لكن حظوظي بشوفك بخيله

خلت العين بشوقها تبكي عليك
والعين بعدك ما ذاقت النوم ليله