عـبدالله الشّـعلان

[عـبدالله الشّـعلان @6itsabdullah]

لقيت بالصمت رفعه و بالتخطي سمـو
ولقيت بالوقت درس وبالأوادم عِبـر

ولقيت بالطمع حسره و بالقناعه رضـى
ولقيت بالكِبر نقص و بالتواضع جَبـر

ولقيت بالطبع مبدأ وبالتصنّع وهـم
ولقيت بالحلم جِهد وبالتفوّق صَبـر

ولقيت فالعَزل راحه وبالتغافل دوى
ولقيت بالعذر حكمه وبالتمادي كبـر

[عـبدالله الشّـعلان @6itsabdullah]

من مقـام العَـز ياراسـي مقاديحـه شنـار
عشـت حـرٍ مادخـل قلبـه مخاويـف القطـا

صيدتـي قسـمً خذيتـه في جهـار من النهـار
ماعلـى وجـه الجمالـه لا مقـام ولا غطـا

عَـدي المرقـاب يارجلٍ لهـا الطالـه مسـار
وشوم ياراسٍ رفعني عن دهاليس الوطى

فـي تقاليـد الحـرار العـز يوخـذ في جهـار
مايجونـه بالطريـق الـلي يجيبـه بالخطـا

[عـبدالله الشّـعلان @6itsabdullah]

خلـك جمـل وقـت الحمـول الثقيلـه
وحصـان لامالـو عليـك الرجاجيـل

وانـسان لابـار العـميـل بـعمـيله
وحراً ليا صكـت عليـك المحابيـل

[عـبدالله الشّـعلان @6itsabdullah]

النجم لــــــولا موقعـــــه فوق مابــان
ولا طـاح دك الـك الجبـال الرواسـي

ان كان ايدينـك قاصـره عندك لســــان
ماجيـت لجل تعيش قاطـع وخاسـي

واللي يقول اسايـس الوقــت غلطـــان
على حساب النفس ماهو سياسـي

ولا تعيـــــش انســــان حيا الله انسان
تصير انت والعــذارى سواســـي

اما اعيــش حصــان وبموتي حصـان
والا حرام معرب الساس ساســـي

[عـبدالله الشّـعلان @6itsabdullah]

لا باس ياراس ملتـه التفاكيـر
وعـاف المنـام وعـاف لين الوسـاده

لابـد من عقب المصاعـب تياسيـر
والأدمـي يصبـر وصبـره عبـاده

نتعـب ونقطًع بالركـاده مشاويـر
وسعـي الطفاقـه غيـر سعـي الركـاده

بكـره يبيـن الصبـح ويغـرد الطيـر
وامشـي مع العالـم واوزع سعـادة

[عـبدالله الشّـعلان @6itsabdullah]

كـم لقينـا في ظـلال الياسمينـة
حيةٍ سـم الحيايـا في بدنهـا

يمكـن الخيـره تحصلهـا دفيـنه
في ثيـابٍ من نظرهـا فرّ منهـا

ما خذا منك الـزمن حاجـه ثمينـه
كـود يعطـي درسٍ اغـلى من ثمنهـا

[عـبدالله الشّـعلان @6itsabdullah]

صرنـا من أحـداث الليالـي ملكعيـن
ولا أول أجـواد نجامـل ونعـذر

شرهيـن لكـن نقتنـع في كلمتيـن
ونصـدق ان القـدر يبقـى بالصـدر

القـدر والله وقـف رجـل وشـوف عيـن
وفعـلٍ يحـط الليـلة الظلمـاء ظهـر

حنـا على رب البـشر متوكليـن
والسعـي فـرض الله علـى كل البشـر

[عـبدالله الشّـعلان @6itsabdullah]

خـل الرجـاء حـي بالله والله المستعـان
استبـشر بخـير وإن مـال الزمـان اعـتدل

لا تتـرك اليـاس يسكـن في زوايـا المكـان
أحيـان تاقـف على أعتـاب الضيـاع وتـدل

آطيح مثل الجمل وآقوم مثل الحصان
مال الكرامة على وجه البسيطة بدل

[عـبدالله الشّـعلان @6itsabdullah]

اخفـي صـدى ما يحـس البـال وأكنّـه
حتـى ولو الدهـر بـي مـال ميزانـه

رزقـي علـى اللـي ليـا اعـطى شي مامنّـه
والا يـدين العـرب تعطـي ومنّانـه

العـز للنفـس واجـب والحـيا سنّــه
وانـا يـديني مـن الثنتيـن مليـانـه

[عـبدالله الشّـعلان @6itsabdullah]

نمـوت ماعشنـا علـى رزق الذليـل
والنفـس نجبرهـا عـلى حـب الصبـر

لـو مانطـول التمـر فـي روس النخيـل
نمـوت ماناكـل مـن الطايـح تمـر

[عـبدالله الشّـعلان @6itsabdullah]

ما عرفنـا ان الجمـل شـال الثقـال
ليـن قالـوا ياعـرب طـاح الجمـل

يكسـر عـزوم وطموحـات الرجـال
الجـزا لا صـار اقـل مـن العمـل

[عـبدالله الشّـعلان @6itsabdullah]

ياربّ تبعدنـي عن الشيـن والعيـب
وتزيـحّ عن دربّ العـفو كل عايـق

يا ربّ قدّرنـي على ردّة الطيـب
وأحفـظ لسانـي عنّ عيـوب الخلايـق

[عـبدالله الشّـعلان @6itsabdullah]

بعـض الخطـا يمكـن تمشيـه الاعـذار
اعـدي الغلطـه بكيفـي وطـوعــي

وبعـض الخطـا لو ناخذ يمـين ويسـار
لاجيـت اسامـح كنـي احـب كوعـي

[عـبدالله الشّـعلان @6itsabdullah]

كل وادي بجوفه للعزوم احتضـار
والوحوش وخشاش الارض بأصنافهـا

ما يموت الطموح الا من الاحتقـار
و ما تهان الرجال الا من انصافهـا

درت والنفس ملعونة ثوا ما تـدار
لين تاصل لغايتها ولأهدافهـا

صلّب الروس ما تملك لا ضاقت خيـار
غير نطح الجبال وجال ميهافهـا

[عـبدالله الشّـعلان @6itsabdullah]

تمـرّ الظـروف اللي تلاحـي هبـوب الـنـود
و أوقّـف لهـا من غيـر لا ينثلـم سيفـي

قـدرت انتصـر والوضـع ماهـوب هـاك الـزود
أجـل كيـف لو إنّ الليالـي .. على كيفـي

[عـبدالله الشّـعلان @6itsabdullah]

عند الفـرج ماياخذ الضيـق سـاعه
دنيــا تضيـق وفزعـة الله سريـعه

اجـاهـد الدنيـــا بـعـزم وشجـاعه
ما لـين لو ضاقـت فجـوج الوسـيعه

عـن مـا يهيـن النـفس عنـدي منـاعه
الله خلـقـها في ضميـري طبـيـعه

[عـبدالله الشّـعلان @6itsabdullah]

جيتك غلا ماجيتك إنسـان محتــاج
والناس تعرف قيمتي مـن مـروري

لاصرت ماني عنـد ضيقاتـك فـراج
قول لـمقادير الزمـن وش دوري

ماني بفاتح باب قلبي للإحـراج
ولا أحب أكون أنسان ماهو ضـروري

ببعد و أنا ادري ما ورى بعدك عـلاج
والهجر ماهو من دواعي سـروري

[عـبدالله الشّـعلان @6itsabdullah]

اللهم إني أسألك العفو والعافية في الدنيا والآخرة ، اللهم إني أسألك العفو والعافية في ديني ودنياي وأهـلي ومالي،
اللهم استـر عوراتي وآمن روعاتي،
اللهم احفظني من بين يدي، ومن خلفي، وعن يميني، وعن شمالي، ومن فوقي،
وأعوذ بعظمتك أن أغتال من تحتي.