ّ

ما يُكتب هنا ليس أنا، بل ما يدور في ذهني أحياناً.

[ّ @6n28_]

ضمني بـ اقصى حنانك لين اطيـر
ودي احيا في هدب عينك واموت

[ّ @6n28_]

أنا أكذب فالقصيد وكلكم دارين
ولا فك��رت فـ الشاره ولا الناقد !

أقول البارحه ما غمضت لي عين
و أنا من يوم صليت العشاء راقد

[ّ @6n28_]

اداري سمعةٍ فيها الخلايق محسنين الظن
مغارمها عليّ اكبر بواجد .. من مغانمها

[ّ @6n28_]

فارعٍ ما لوعتها متـاهات الغرام
سعد أبو من حبَّها وسعد أبو من حبَّته

[ّ @6n28_]

سامح الله ظلمها ، وطعونها الخضر النديه
والله يسامح خناجرها ، ويعفو عن خطاها

[ّ @6n28_]

مهما تناسيت ولا كنت متغاضي
مافيه حاجة ترد من الحزن دمعه

توجعني الذكريات اللي من الماضي
خصوصاً اللي تجيني ليلة الجمعه

[ّ @6n28_]

عموماً/
أنتي ملح الليالي وزينة الدنيا وأكبر مع��ريفها .

[ّ @6n28_]

لا تنشد عن علومي ولا تبحث عن أقصاي
شعوري شعور المغترب .. داخل بلاده

[ّ @6n28_]

والله لاموت اشكي من الفقر والدين
من عقب ما فكرت في اللي جرى امس

كلمت لي رجال لي عنده الفين
وقام يتشكى لي وحولت له خمس

[ّ @6n28_]

"اذا انتهى الكلام بيني وبينك و تقطعت س��بل الوصال وافترقنا وعدنا غرباء .. تعرّف علي مجدداً "
- نِزار قباني

"انت تقدر ترجّع كل شيء لـ مكانه
لا وصلنا النّهاية حبّني من جديد"
- العنود الواصليه

[ّ @6n28_]

المُحب ما يقطع الوصل

المُحب يقول كما قال مدغم ابو شيبه :
"وأنا لو اقطع عرق قلبي .. ماقطعت وصالها"

[ّ @6n28_]

"لو دروا بك صفوة العلم والطب الحديث
اصرفوا من صوتك علاج ضد الإكتئاب"

[ّ @6n28_]

ياخلي مكانك مايجي حوله التهميش
انا مستعد ارضيك كان الله أمهلني

يوم انك تفكر تبتعد مزح مدري طيش
الأشواق تقتلني .. و الأفكار تقتلني

احنك من النسمه واحبك ولا ادري ليش
لذلك على كثر اهتمامي .. لا تسألني

إذا جيت ودي كثر ماقدر اعيش اعيش
وإذا رحت عني .. ودي الارض تاكلني

[ّ @6n28_]

"يا حلوك ويا مخف دمك ويا ملحك
يديني على شيلك من الارض تاكلني"

[ّ @6n28_]

صباح الخير يا أصدقاء،

أمّا بعد،

هذه ��صيحة لكم جميعًا:

لا تترك احلامك بعذر الملل والضغوط
ولا تنازل من اكثرها ولا اقلها

شفني وانا احلامي "أحلام آيله للسقوط"
لا زال عندي حماس انها تجي كلها

[ّ @6n28_]

أجمل الأصوات رنّات إتصالك فيني
و صوت خرفشتك لا قمت تركّب السمّاعه

ينشرح بالي و يحلوّ السهر في عيني
كل ساعه معك .. هذي و الله أبرك ساعه

[ّ @6n28_]

والله إنها معجبه
والقصايد معجبات
ما يقنّد راسها إلا "القصيد النخبوي"

مستعد أكسي
نحرها بسبع معلّقات
كلها في مجدها والجمال الأنثوّي*

[ّ @6n28_]

الكل في مدارات الشك إلا أنت في صدري يقين

[ّ @6n28_]

لو بينك وبين بعض الناس عشرة عمر
ماتسلم من الظنون اللي يظنونها

الشجرة الطيّبه لو هي قليلة ثمر
اخير من شجرةٍ ماتثمر غصونها

يـ اصحابنا كان فيكم من يهمّه لـ امر
لاتفتقون ( الجروح ) ولا تخيطونها

تجاوزو كل شي الا الخطوط الحمر
مهما تكون الميانه لاتعدّونها

[ّ @6n28_]

على ذمّة التاريخ واللي روا التاريخ
محد حب من قلب وتهنى بـ محبوبه