مشعان الحميداني

يصَنع المجد من يصبر على الشّده

[مشعان الحميداني @6ooi_]

الجنه منازل المستغفرين
أستغفرك ربي وأتُوب إليك

[د. مشعل بن محماس @MASHAL_ALHARTHY]

تشرفتُ بإلقاء هذه القصيدة في الديوان الملكي بقصر #منى، أمام سيدي #ولي_العهد الامير #محمد_بن_سلمان
-حفظه الله ورعاه -.

[مشعان الحميداني @6ooi_]

@iranin_arabic صدقوني الي ماسك الحساب شهاب ملح

[خالد مفلح المطيري @Khalidmifleh]

التوسع العمراني السريع يفرض علينا إعادة النظر في مواقع بعض الأنشطة الثقيلة، خصوصًا عندما تصبح ملاصقة لمناطق سكنية حديثة.

الغبار، الضوضاء، وكثافة الشاحنات ليست تفاصيل ثانوية، بل عوامل تؤثر مباشرة على الصحة العامة وسلامة الطرق وجودة الحياة.

نقل هذه الأنشطة إلى مواقع مهيأة وفق الاشتراطات البيئية، يقابله استثمار الموقع الحالي في مشروع إسكان متكامل يخدم احتياجات حقيقية ويعالج جانبًا من التحدي الإسكاني.
ولذلك تقدّمتُ بهذا الاقتراح إيمانًا بأهمية التوازن بين التنمية العمرانية، وحماية الصحة العامة، وتحقيق بيئة سكنية آمنة ومستدامة.

[مشعان الحميداني @6ooi_]

@mzed_9 لله درك يابو جعدان 👏👏👏👏👏

[مشعان الحميداني @6ooi_]

@mzed_9 ياسلام علييك يابوجعدان 👏
وصح لله لسسانك

[مشعان الحميداني @6ooi_]

السعوديّة صليل السيف لا سلّه رعيف
تنثني دونها الهامات وتنهدّ الصفوف

دار مجدٍ ما بناه الوقت… مجده قديمٍ شريف
موقفٍ يُورث مهابه… والفعل نارٍ تشوف

خيلها لا زمجر البارود ليلٍ مكفهرٍ كثيف
توطّي روس الطغاة وتزرع الأرض خسوف

هيبةٍ تقود شرق الأرض طوعٍ أو عنيف
قدرها نصرٍ مكتوبٍ… والبشر ظلٍ يطوف

#السعودية_العظمى

[مُحَمَّد @malhalfi30]

طرق باب هجرً بارقه له سنة ما لاح
ذعاذيع ذكرىً ضيقت جوه الهادي

تلاشى السكينة والرحابة وصدري فاح
لا مرت طيوفه يميّ تجدد سهادي

يضج الضمير الحيّ يوم(ن) ورقه ناح
تغربت من هميّ وانا داخل بلادي

عزايَ الدروب وحبر ريشة ونود رياح
ورجمً يدور الحول ماكسّر شدادي

حبيبي، جروح الحب للقلب سم ذحاح
وقفر المحبة عام ما بله الغادي

تقولين وش ردك واقول الذكي لماح
وصوفك من الإعجاب يا غاية مرادي

على عنق ريمية وزول المها الرداح
تصفق له يديني وغنى له الشادي

خدين المسا والثغر لون الشفق لا طاح
وعكاريش غروً فوق الأمتان متهادي

دياجير ليلك من ورى المبسم الذباح
مجاهيم بدوً ربعت طارف الوادي

تمايل نحيل العود عذب اللما الوضاح
وتمايل معه موتي وعمري وميلادي

دنت ثمرتينك يا شبه شجرة التفاح
دنا منها موتي على صهوة جوادي

وساع الفيافي لو تحدد بحد رماح
ومطاليع نورً من على نحرها بادي

ماحطتني المحتاج لو الليال شحاح
تهل المزون ولا طفت جمرة عنادي

أوقف على الاطلال يا عثرة الطيّاح
تجريني طروقي ، وشامخ ومتمادي

[مشعان الحميداني @6ooi_]

@malhalfi30 الله الله يبو مطرررر صح لساااانك

[مشعان الحميداني @6ooi_]

يابو فهد قدمت مقدام الابطال
ولا ذخرت بغالي الذود حاجه

في منكبك تدحم لك بنوك واجبال
وسبّب حضورك للعقول ارتجاجه

بصوت كل مطير رجال رجال
لاصار في بعض الامور انعواجه

( مانعرف الحيله على شان نحتال
على النقا ونواجه اللي نواجه ) !

#زعل_الديحاني
#مهرجان_الملك_عبدالعزيز_للإبل10

[مُحَمَّد @malhalfi30]

لله در مطير ماضين الفعول
أخصامهم من ضربهم طقو خلا

زعل رفاعي وقف وقال ويطول
من دون ربعه محتمي قدم الملا

اسمه لحاله ما يبي شرحً يطول
هيبات ربعه من على روس العلا

خلا المخالف راعي القلب الجفول
يطق جوله….. لا هدا ولا شلا

حنا هل البوش المعمق والزمول
والوضح والمجهم وصفرا وشعلا

حنا هل الناقة لا ردت فالاصول
ما جات من سمسار واشوار وكلا

الغارة اللي دونها طق الطبول
تبرالها ربعي مقابيس البلا

ما عندنا إلا لطم شوط وصمخ شول
مافيه غير مطير للصفر وكلا

#زعل_الديحاني
#مهرجان_الملك_عبدالعزيز_للإبل10
#مطير

[مشعان الحميداني @6ooi_]

@malhalfi30 يسلاااااام صح الله لسانك 👏👏👏

[مشعان الحميداني @6ooi_]

@m7lsi0 @Saud_alsahli5 @addndr 🤣🤣🤣🤣🤣🤣🤣🤣🤣🤣🤣🤣

[مشعان الحميداني @6ooi_]

@m7lsi0 @Saud_alsahli5 @addndr على بحر شرهني ولا تشفطلي

[مُحَمَّد @malhalfi30]

الغارة اللي في طرفها علم
يبرالها …….عبادل وبرهان
🔥🔥

#زعل_الديحاني #احمد_قعيد #مشعل_بن_غريبان

[مُحَمَّد @malhalfi30]

أكرم هل العوجا مقابيس الظلام
هم دِرْعِك الضَّافِي إلى بار الصِّحِيْب

لي عَسْكَر البارود واحمر القتام
وتلافَحَت باذيالها شِهْب السَّبِيْب

والله ما يَجْلى عن الكبد المَلام
إلا المَوَارِت يوم ياتي له نَحِيْب

ومُصَقَّلاتِ كِنِّها نَوْض الغمام
بحدودها نَفْرِق حبيبِ من حبيب⚔️🐪

[مشعان الحميداني @6ooi_]

حيّ منهو خاطب العليا وجاذب للحيود
أبلجٍ غير الملامح به من معزّي جلد

هيلعي ٍ من هل العوجا يسنّدها سنود
يفهق ضلوعه لطعنات الرماح إليا ورد

مايبالي في هل الجنحه مصعّرت الخدود
ومايبالي في العيون البلق و وجيه الحسد

#محمد_بن_سلمان_في_واشنطن

[مُحَمَّد @malhalfi30]

مكرمني الله باسم يكرم عن العيب
رقيت فيه من الثرا ….. للثريّا

شفهم تلافحهم سموم اللواهيب
وانا تحت ظل الكرامه مفيّا

ليه اتخطف لقمتي من فم الذيب
مادام مقسومه تجيني بليّا

أهم شي اعيش مالي معازيب
وأموت لا اشرك مع الله شيّا

[فهد عباس المحلسي @m7lsi0]

عش العمر شامخ لا تعيش الحياه إذلال
ترى الحر ما يلطم عيونه بمخلابه
ㅤ
نفوسٍ تضحي ف الكرامه عشان ريال
ونفوسٍ تعيش بعزها لين ترثى به

أخذ عفة الزاهد وخذ همة الوبال
وخذ طهر من طاحت دموعه بمحرابه
ㅤ
واللي يحسب إن دحم الرياجيل لعب عيال
يخلونه زحول الرياجيل ملعابه

[مشعان الحميداني @6ooi_]

@abd_alhamli صح بدنك يبو محمد الغالي ❤️❤️

[مشعان الحميداني @6ooi_]

الفرق فرق العقول وفرق الافعال
ماهوب فرق الدقون ولا الشوارب

ماشفت بين العلوم انواع واشكال
علمٍ نفعني .. مثل علم التجارب

لو انخدع في مكايد بعض الازوال
ما عكّروا شي من صفو المشارب

مانيب عقرب ثرا تلدغ وتحتال
عشان آميّز .. حركات العقارب

علّمني ابوي كيف آصير رجال
وآشوم لااعتادت الوطي الغوارب

الاستراحة ماهيب لروس الابطال
المستريحين ما فيهم محارب