هذا مكانك فـ أيسر الصدر محفوظ
أوّل ربيعك فيه وآخر مبيتك
وهذا الشعور اللي على الوجه ملحوظ
أحّس لا منّي نسيته عصيتك
وعذب الكلام اللي من شفاك ملفوظ
لا من طرى عفت المنام وسريتك
وعلى الأراضي السبع مافيه محظوظ
إلاّ أهل بيتك و زوّار بيتك
راحت عسى الله ما يلحقني مشاريه الرجال
تقول كأني ما خلقت من التراب .. ألا لها
عز الله إني ما نسيت أفعالها بنت الحلال
لعل ربي ما يـجازيها بـ سوء أفعالها
أحفظ لها قيمة غلاها وأنتظرها من شمال
و إذا نستني هذي الدنـيا و هذا حالها
يا مشغل القلب بين تحبني و يعني
شفني عليك أحترق ياسيدي حيره
مرات أقول أتركك لا شك يمنعني
شيٍ يقول أعذره وأقبل معاذيره
أبحتفظ فيك وأدري منت نافعني
يمكن مع الوقت أقول محبتك خيره
مثل شروق الشمس حنّا بدينا
واليوم يا خلّي غابت الشمس
غابت علينا قبل نشبك يدينا
ما بقى إلا ضحكاتنا بالأمس
ما كنت أتخيّلها تغرب علينا وأعيش لحالي في ظلامِ دَمْس
يا جميلة والحياة تسوقنا عكس المبادي
كل ليل أجاري الفرصه بـ فرصة مستقيمه
حاشمك عن زلة ٍ ما هي بـ ضمن اعتقادي
أرهقتني رغبة النفس — ونواياي السليمه
انتِ ارقى مْن الخطا وأعز من كبوة جواديّ
من نقاك تقول كنك ظاهره من « بطن غيمه »