•سبحان الله وبحمده سبحان الله العظيم
•استغفرالله العظيم واتوب اليه
•لاحول ولاقوة الا بالله
•لا اله الا الله
•الحمدالله
•الله اكبر
•اللهم صل وسلم على نبينا محمد
سريت فْـ ليلةٍ كانت سوالفها شِعر و مزوح
تركت عْيوني تراقب زماني ، وش مقابيله
رحلت ولا وقف قافٍ يرد الحق للمصلوح
و لكن ماقدر ياخذ حقوقه من مواويله
زهدت من الليال اللي بدونك يا نديم الروح
اشوف العمر يذبل و الهوى واقف على حيله
بعض الخساير تعتبر شبه مكسب
وبعض المكاسب ماوراها من أرباح
وان كنت تبغى لك نصيحة مجرب
اتـرك كـلام الـنـاس سايح وسواح
من كان همه يرضي الناس يتعب
ومن كان همه في رضى الله يرتاح
أخاف العمر يسرقني وأنا عشت العمر طوّاف
ما بين الأمس، والذكرى، وأعدائي، وأصحابي
تطيح الدمعتين ثقال ويحسبها البعيد خفاف
وأشوف الوقت ياخذ من يديني معظم -أحبابي-
وأشوف الليل يغتال النهار ب ظلمته وأخاف
تصاحبني الظروف الظالمة وتصاحب أبوابي
بين حُب الجواب و بين كُره السؤال
القلب لو تاه ماينزل عليه الوحي
لازلت قدّ الفراق و قدّ حلو الوصال
لو المفارق مصيبه و الوصال أريحي
يازين والطق في موت المشاعر حلال
إلى متى و أنت لا مقبل ولا منتحي ؟
يامقربك لو دعيتك بس كلمة تعال
أثقل على خاطري من حاجة المستحي
أمان الله على عمري وعلي من الليال السود
عسى الله يملي سنيني رضا وأيام ورديه
عسى هالعام ثمر أخف من شيلة المولود
ولا تنعاد لي ساعه من الماضي ولياليه
وعسى عامٍ راح مرت لياليه جفا وصدود
تصير من العوض بـ الذاكره والعمر منسيه
#٢٠٢٥
أسج وأسهج عاليات المراقيب
وأشرب وعيا يقطع الماء ظمايه
جرحي عميق تضيع فيه الاطابيب
وأخترت من بعض العلاج الوقاية
ولو من جرحني يلمس الجرح ويطيب
ولله لتوب عن —الهوى للنهاية