أستاهلك غصب وعيون الاوادم تشوف..!
أنا الجدير بـ سماك ونجم نجم ، يهوي
ظروف الايام مهما كان / وقت وتطوف
يسقط معاها الضعيف ويستمر القوي
قبل نتلامس مشاعر .. ونتلامس كتوف
كنت اكتبك شعر يوم اضماك لين ارتوي
دامك على القلب هذا لا يساورك خوف
محبتك ضيف .. وضلوعي محل بدوي :)
-أستطيع التخلي عن جميع الأشياء التي آحبها من دون النظر إلى خلفي - ثم احذف جميع الذكريات دون ان يرف لي جفن واحد … وأتخطى ف اليوم الثاني كأن لا شي حصل قد يظن المرء ان لا أملك مشاعر وانا فعلا لا املك مشاعر :)
كل لحظه كانت بـقربك عظيمه
عيّا يكررها الزمن بعد ممشاك
ما عاد لـ التّاريخ معنى وقيمه
عدّا على قلبٍ عجز ما تعداك
مشاعري بين إنتصار وهزيمه
من ليلةٍ فيها عرفتك لـ فرقاك
ممنون ... لـكل الليالي القديمه
اللي بها صوتك و وجهك و ملقاك
جيتك وأنا ودي من الفرحة أطير
وأعانق نجومك وأعانق سحابك
متخوف وعايش على الحلم الآخير
بـ أموت لو ما قلت لي مرحبا بك
ورحبت بي جعل فداك الغنادير
اللي ماتسوى في عيوني سرابك
وتنشد عن أحوالي عسى أحوالي بخير
كل الأمور بخير … لولا غيااابك
أحبـك طواري .. بس ماعاد أحبك خلّ
ولازلت أحب العذر بـ شفاك و انتظره ..
على رمشك تسيل المحابر و ينبت ظلّ
انا تحته المحتار و اللي غريب أمره !
توريني ابواب المفارق .. وانا ما ادلّ
مثل . . من يورونه قبل موتته قبره
تغلى بكيفك .. لو تصير المحبه غلّ
لكن لا تساوم من يحبّك على قدره !