عابر

اسوا عدو للانسان هو ذكرياته

[عابر @766fo]

العيون الي تراقب من بعيد
يا عساها ما تشوف الا الهنا ..

استرح يالغلا مامن جديد
العهد باقي وانا مازلت انا ..

[عابر @766fo]

يذبحني إني اشوفك بس ماقدر اجيك
اطالعك لين يذبل خاطري و ابتعد

غريب لاقي وطن داخل ملامح يديك
من علم ايديك تصبح للمهاجر بلد

أبيك واخاف وارجع واعترف ما أبيك
أنا انتظر شخص راحل وانتظر للأبد

يعيش شعر الجزالة لو يموت الركيك
وتعيش صدفه تجيبك في يدين الوعد

[عابر @766fo]

الخد مثل الورد و المبسم عسل
و عيونها نجلا و ضحكتها دمار

زاد الحسن في وصفها طبع الخجل
من شافها يشعر بدهشه و أنبهار

مثل البدر نصف الشهر يوم اكتمل
أخفى النجوم الي معه وسط المدار

[عابر @766fo]

بداية القصه ترا خاطري طاب
صبرت ف ذالوقت دقه وجله

خلاص مليت مشاريه وعتاب
مليت قلبٍ ساكنن ف محله

يانفسي العطره وياسيد كل الاحباب
الباب مفتوح وبيتي تدله

عطيتك اكبر حب وطلعت كذاب
ميزتك بين البشر والكون كله

كسرتني وجعلتني عبره للأصحاب
خليت قلبي يتوب عن حب خله

[عابر @766fo]

عليك الغلا والشوق ينساق لك بإهدار
أساس المشاعر انت يا سيد اشواقي

فدا طلتك قدامي الدار واهل الدار
ابيع العمر كله فدا حضورك الراقي

أنا كلما شفتك نبت فـ ضلوع ازهار
دخيل العيون الناعسه ترخي وثاقي

وش الحب لولا طلةٍ تخطف الانظار
من المبسم الآسر مغيبي ومشراقي " ❣️

[عابر @766fo]

وش تبي آمر والبيك يا الوجه الضحوك
أنت ما تستاهل تحس بـ إحساس العنا

لك بقلبي عرش الآسياد وأحكام الملوك
شيل مـن ودك تشيـل ..عساهم للفنـا

ماينافسني بمحبتك بعد أمك وأبوك
غير أنا وأعوذ بالله —- من كلمة أنا " ❣️

[عابر @766fo]

خذني على قدّ الغلا والإهتمام
نظراتنا .. و قلوبنا .. متوالفه

لا تلومني لا شفتك وضاع الكلام
نظرة عيونك سالفتها سالفه

[عابر @766fo]

- الله ياخذ المسافاٺ والتقي ( بعيونك も !ّ .

[عابر @766fo]

أنا عشت تقريباً معك حول سبع سنين
لقيت الحياة اللي من أول مضيعها

من أول ما حبيتك وأنا فـ أول العشرين
موقف لك الدنيا على روس أصابعها

تمر السنين اللي معك مثل رمشة عين
تقول رجعها وأنا شلون أرجعها

بغيتك من البارح وأنا وين وأنت وين
صدوف الليالي ما تخلي طبايعها "

[عابر @766fo]

لا تنشغل عني ابي أنشغل فيك
وصلت معك آخر حدود القَناعه

ولا لاتقول بيوم ساعه بخليك
خلك معي اربع وعشرين ساعه

[عابر @766fo]

أنا قلبي يوم أشوفك يجي فيه رعشه
حب مدري شوق مدري غلا مدري شفاه

انت مثل الغيث لا مر له دار انعشه
صح من قال اقرب الحي ويزيدك حياة

[عابر @766fo]

يا واحدٍ جابك اللّٰه حلم و أعجوبة
الأرض ماتليق بك خذ موطنك صدري

قبلك حياتي ترى ماهيب مرغوبه
وشلون جدّد وجودك رغبتي ؟ مدري

عن عيني الناس ملغيّه ومحجوبه
ما أشوفك إلا سماي وكلهم حدري

[عابر @766fo]

وتدري وسـط الحشا شلون ضميتك
ضم الجباير لكســــرً بيــن ضلعيـني

تدري مكانـك وتــدري وين حطيتـك
حطيتك بالمكان اللي تضخه شراييني
🕊️🥹

[عابر @766fo]

من حلاها ما توصفها الحروف الأبجدية
كيف توصف وردةٍ يبري من العلة شذاها

الورود تغار منها مزهرية مزهرية
وإن تباهت عذرها معها ويحق لها تباهى

ما يشباهها شبيه ولا يحاليها حلية
جل ربٍ يوم صورها فرقها عن سواها 🫦🪄

[عابر @766fo]

يا واحشني غصب عني وبلا رضاي
ولا أدري ليه عليك النفس ملهوفه

أشتاق لك وأحن وأنت السبب في عناي
ماكنك إلا سلطان محتلني بسيوفه

أنت الوحيد اللي في غيابه تظلم سماي
وأنت الوحيد اللي لا غاب تمتحني طيوفه .

[عابر @766fo]

يسقيك يـ خل طيوفك وذكراك
تاتيني اليا صاروا العالم سكوت
ㅤ
وداك وقتك ماعرف وين وداك
ماعاد لك طاري ولا عاد لك صوت
ㅤ
وانا لا زلت احن لك واتحراك
ولا زال حبك بين الأضلاع منحوت
ㅤ
لاتحسب ان حبك بـ تمحيه فرقاك
الحب يضعف بس لايمكن يموت

[عابر @766fo]

معك عشت إنتصار ومنك ذقت انهزام
وفيك صغت الحروف وعنك ردّيتها

كل طعنة بصدري مثل طعن الحسام
كنت خايف تسوّيها وسوّيتها

وكل فرصة عذر مرت مرور الكرام
كنت اظنّك تغانمها وخلّيتها

أنت مثل الحياة الفانية بالتمام
عارف إني بخليها وحبيتها

[عابر @766fo]

أنا الظاهر إني طحت فالحب ماسميت
تغيرت لي يومين ماعرف وش جاني

أحط الحطب وأخذ لي شوي ماشبيت
من السجه اللي فيني الله لا يبلاني

ويضحي الضحى وهو مخلل رواق البيت
وأنا أفتحه قبل الفجر في غالب أحياني

أنا طار عقلي فالهوى صدق وأنجنيت
ولا يدري إلا واحدٍ كنه إياني

[عابر @766fo]

فيك طيش وفيك زمه ولك عقلٍ رزين
يا شبيهة مهرة الشيخ في يوم الطراد

مثل ماخذتي من جود عنق و وسع عين
ماخذٍ رمشك من قلوب حسّادك سواد

لاحضرتي في غياب القمْر لو ساعتين
بايعتك الأرض و الشمس في يوم الحداد